Sep 22 – KRISTUN A D’ONG ABSUIBA!

“Ebba neban saring drakiya g’uran orde kantisi neban saring lua g’uran ruteji po?” (Mattiu 7:16).

Bangsa drakiya neeb-lingan saring drakiyaj’o do luaneeban saring luaj’o. amben janang agalamte do itente araneeb antenna ate abj’o-ote. Kitungle Jisu gamete: “Aninji a j’odaman batte amben aninji a d’ong abmadte” (Mattiu 7:16).

Ablumar-hen gamle angante amben ajate Jisu Kristun a d’ong, amang bangsa drakiya, kun ate Jisun na. kuddub papuran ate s’iedle do tabme dete. Angante amben Kristun batte adakuten, do anin batte dile tordong abasulenden, bigrdanji saring amben Kristun ambrij adete, do janggarda aj’on mangben saring dungte.

Kitungle Jisu gamete: “Ettegoi dile bangsa neban bangsa j’on j’ote, bindo eldage neban eldage na a j’on j’ote. Bangsa neban eldage j’on rapti ajjoe, ijjaden eldage neban bangsa j’on rapti ajjoe. Bangsa j’on ajjoen a dile neban anzdan dete, do togi lingan panidpidan dete. anten asan a jardin na amben aninji a j’odaman batte aninji a d’ong abmadte.” (Mattiu 7:17-20). Egale aneban aj’on j’ote, kun ambrij amben janang Kristu lingan bigrdanji abmele Anin ambrij ganijta dete.

Kitungan Jisu Kristu, Uan abmele ordar-lingan anin gadlamle dakule. Bibolan gamte “Anin Kitungan a gugu panemeng t’aran a panuangan do Kitungan a taramtaman a sakkai mukka lanadladan na dele” (Ebri 1:3). Kan ate Anin Uan aj’on amangan saring gijtale, anten asan Anin gamle butente d’ong-hen gijle Uan janang a d’ong gijle (Jon0 14:9).

Bo denna Kitungan aboantan, bo derna birindanji melgijle, kun ayam-ling tanongba do dukkarin batte arrudinle dakuleji. Do insalon gamle pastron a d’ong, tanongba-hen sareba-sing-lingan egale pisirdianji ambrij absuidamte, kun ambrij s’ing-lingan sonuman ambrij abmeten. Atanongba gamle: Hen sarebasing-lingan pisirdian ambrij dakutenai, bindo inslo-hen ate sonuman ambrij dakute s’ing-lingan orde sareba-s’ing-lingan. anten asan dukkari-hen batte adakutina-hen appanadu akahidte-hen bangsa.

Bibolan gadlamlangte: “Bo dungdamd’an abo puttaran saring ragaldam do asangdam d’an amdungte po? E buhang-henji, lua neban jito guran orde lanamlaman lua guran abj’ote po? Ettegoi na iteja dungdamd’an bassiddam do ragaldam d’an rapti attiye. Mang-ling-ben buten buddidam do galamdam daku? banuddin a lanadgad lingan a bangsa mandrengna anabhanan batte a lanumdaman apsuijete.” (Jakuban 3:11-13). Tanahimdam Kitungan a onagji, kuddub anogandeben do baraben Kristun ambrij deben dete.

Okiy Kinolbe absele: “Iten asan gamlenden drakiya lanaman jabmolan bangsale marangte, a j’on j’ote, labon gale-jaban amdungte do ruangan kasiradan tiyte. Bar Hen kani a talna maranji a d’ong kan a kuddub a daneben asan tiytai” (Jikoriya 8:12).