Sep 20 – VRUDHI KAREVALO DEV

Yeshaya 32:15 Vo rijaremar gaddivuna Pasandethi rer jaagernai manda charer jammirnai racha.

Rijar phal deval jammirnai ann phal deval jammy jhaad chajako baagernai racha. Apaner Dev kaai pedavenijako maidanema sada haro khad avaju karevalo cha. Vu Dev kai chenijemathij sey chaju karevalo cha. ‘Rijar phal deval jammirnai vacha’ yeej Dev thona derojako aajer soganer vaath ven cha.

Abbethanu thu Rijarer vaatema chalo bees?  Thar jeevanema banchenaj chaval pavla chenijethi baakimaj chi kaiko. Lapan  yeej daad hannoj reni ken hardemella. Kanna paramethi Pavithar Athma thar vumper vutharan avachko janna aathmik jeevano ghano ashish vacha. Ajji asmener baagal vogadan jammiper chajako sey ashishen bharpoor talavacha.

Mar baap Pastor Sam Jebadurai vor rakshanar agadiyar dadema vona ayijako rijar sarik velan sejina kai karnuko malamcheni janna peten marlen vupavasmethi gharemaj Dever pagema padan prarthana kido, Dev prarthana samalan jammiper chajako sey ashishena dinako. Voj vagathema yek Dever sevaka ashisher sandesh detho hanno ko Shyam Jebadurai thar jeevanema vrudhina abhivruddhi na derochken deevincho. Jannathi mar baap puro dallethi Deven vishwas kido. ​Vothethi aathmik varalethi Dev abhishek karnako. Yesaya 35:1, 2 Jangalan sukharijako jammi khushi pavacha.

Rojar Phulernai  jangal vullasamethi phoolacha. Vu masaj phoolthanu  vullasamethi rena geed bolach. Lebanoner soundarya von racha. Karmel ann  Sharoner soundarya hunen racha. Vu Yehovar mahimanan apaner Dever jhankajen dekacha.

Thu sada  bharpoor asheeshena payechi. Soloman 3  thar admi kun vrudhin pabachko malamkarrocha. 1.Yek malayeval  ; Devema bharosa meleval ​Gener Grandh 28:25 Haayimitha ladayina kharvalan chodacha. Yehovama bharosethi revalo phelacha. 2. Demo malayeval ; Niyathedhareval Gener Grandh 14:11 Dushmaner ghar haal vacha;pan saspaner dera phelavacha. 3. Theenmo malayeval; Puro dallethi deval Gener Grandh 11:25 Puro dallethi devalo harobharo vacha; Paani perevaalo panina pheralacha.

Panir rela jaari jatha kassek beeja thoi ann kassek jaad thoi phelavach sadharanvagi seni malam. Lapan Dev ajer vachanethi soganer vaath kerocha, thu jangalema rasthoi thu masaj jada Phelayechi. Mar premer Dever beti betavo ajj thu kunas Paristhithima rasthoi Dev thon bharpoor asheeshena thar vumper talaavacha.

Ajji jada dhyan karen pado; (Geeder Grandh 92:12, 13) Niyatheydar khajurar jhudernai vaddan, lebanoner devadarer jhunder nai phelavacha. YEHOVAR devalema ghadan chajako vo, hamara Dever anganema phelavacha.