Sep 18 – Ami isor ke ki dibo?

Psalms 116:12 jehovah amike iman morom koria pichete ami taike ki dibo?

Dhyonyabad mon tu bishi khushi hoi Isor tu. Jitya ami khan sob lab  paa khan bhabna kure aru Isor ke mon pora dhonyobad kure, Isor pora tai laga mon khuli kene ashirbada dibo.

David laga history sishe koile,itu hosate dikhipai ki tai kinika chutu pora iman dangor manu hoishe. David jun hi ekta bhera aru saguli khan ke manu thakishe, hoilebi Isor pora taike Israel laga raja banaishe. Aru Isor tu tai logote thakishe tai laga dukh homoi te aru taike modot kurishe aru tai bhabna kura pora bi uncha kuri dishe.

David pora tai khan sob ke bhabna kurishe jun hi taike mon khuli kene dishe. Tai aru Israel laga manu khan ke bi dhoonyobad kuribbi koi kene koishe, Psalms 136:23 amikhan jitya har jaishe tai ami khan ke pahurianai ; tai laga morom hodai hodai nimite ase.        Tai itu dhonyobad te bhabna kurishe ki tai tinta kam Isor nimite kuribo:

1. ami tai laga sheva kuribo Psalms 116:13 Jehovah amike bachai diya nimite, ami taike dhonyabad janabo nimite mudu ani kene dibo. Yate sheva kuribo kua laga motlob tu hoile matha niche kuri kene sonman kuribo aru tai laga namke uncha kuribo. Tai tu bishi dangor ase aru amikhan taike sheva kuri kene mahima gabo lage. Aru Isor tu itu hi khushi pai ki amikhan taike sheva kuribo.

2.Ami dhonyabad laga dan dibo, Psalms 116:17 ami apuni ke dhonyabad janabole nimite janwar khan ke  kate kene dibo aru ami laga prathana khan ke apuni ke janabo.   David tu bishi bhal daan bisari loishe aru itu daan tu hoile ami khan laga muk  pora dhonyobad janabole. Isor tu itu dhonyabad laga daan hi khushi pai.

3.Ami nijor laga kosom pura kuribo, Psalms 116:14 tai laga manukhan joma hoa laga jagate ami taike ki dibo koi kene kosom khaishile itu khan sob dibo.  David tu Isor ke sonman kuribo tai kosom diya laga tu pura kori kene.

Pobitro kotha te koi: proverbs 3:9,10 apuni laga kheti te ki bhal khabole samn khan hooi ase itu khan Jehovah laga usorte ani kene sonman kuribi.ineka korise koile apuni laga dhan laga laga jagahodai bhorta thakibo aru mudu laga jar khan bhorta hoi ulai giribo.

Oh Isor laga  bacha khan jitya apuni sob labh khan bhabna kuribo apuni ji bi Isor pora paishe aru taike dhonyobad janabo apuni aru bi bishi pora bishi hobo.

Aji bhabna kuribole laga pobitro kotha tu hoile 2 cor 9;8 aru apuni ki lagi ase Isor apuni khan ke itu pora bi bishi  dibole pare , juntu hoikene apuni khan nije cholai kene bi dusra manu khan ke modot kuribole paribo.