Sep 17 – MADADENA KAREVAALO DEV

(Geeder Grandh 55:16, 17) Pan ma Devena dekan balavunchu, Yehova manna  rakshan dacha. Sanjan, parabhathin, doppar vela mai ma dyan karan araj karunchu;Vu mar arajena samalacha.

(Geeder Grandh 108:12) Hamar velama hamena saayi voju; manikyar sahayatha taaloj. Maar Dada vu karrojako noukareethi nivruthi  lelinojethi maar baap, Bhai SAAM JEBADURAI  vor vidyalayamer padaavni vegitho,collegen melan padavnu katho pisa vethi koni. Janna vajjek Dada mar baapen Chennai aajo kethani balalen malam chenijako vo sharema  haath chonaken noukary daravunchu ken daravnaju vachemaj chonako. Maar baap sada kathraiko prayanthna kido lapan masaj pharothoi noukary hathayi koni , lasten pisa kamanaju  taal hathethi hoto ayo. Peten bharero masaj velavegi janna vo navvo sharema ku banchanuko malacheniju parrotho.  Yek dad mar baap vatpadan chalan jaro janna mar kaka kun vatho sarkarema noukary karrochko vu vaatema bhalo, vu Chennai ma acho jabardast ga bandharoch, von dekhan mar baap hanno keldo, maar bari gheeyema padagi. Mar baap vor bhayeena bhalena mundag dhaaso lapan kaka mar baapena sahaytha karena mundag ayokoni.

Manikya seji hath chonakejen dekhan mar baap Yesu Prabhur pagulan pakalden godi vaalan putgijako dallethi, vor vedanan seni Dever Dai rothanu vinanthi kido. Janaj mar baap vo jeevanema kannai manikyar sahayatha asa sada karnukoni ken ghato sankalpamethi nishchay karlino. Von kalijako kaikatho manikyar sahayatha taaloj. Daadi ghano ghano Prabhur sam dito. Vo dadethi mar baaper jeevanema navvo dallena Dev dino, jevanoj badlgi cha. Vo dademaj mar baapena Leko ker yek sikshakenai vidyalayamema noukary malgi. Vo dader larlaguja Dev mar baapena sarkarema pisa vasul karero noukary sada denako. Deelo deelo Dev mar baapena vuncho padan ashish kido.

Masaj varser pacha mar baapena Dev Vor seva vasu balalino, Dever krupathi soyethi 100 jada kithabevuna lakko. Vuj Dev mar baapena malkema chajako sey deshema lejathanu Vor kaam karalido. Yessema yekkaj malamkarleja kaikatho mar baapena madad kidojako Devethij soli vencha.

Mar premer bhai bando tham sada asso velar Paristhithima jarecho kaiko. Mann sahaytha kareval yekthoi cheniken jurrochike. Yesseji velabhaveti ma thu Deven hakamar vuj thar aaten samalan thon vo ghosa mathi bhaar lavacha.