Sep 13 – NAHAKNA PUMNAMAKPU SEMBIKHI !

“He Ibungo, nahakti matik chabani, matik mangan, ikaikhumnaba amasung panggal phangba, maramdi nahakna pumnamakpu sembire, nahakki aningbadagi pumnamak oire amasung pumnamakpu sembire.” (Revelation 4:11)

Iswarna semikhraba khudingmaksina lairik amagumna lairik iriba mi adugi maramda phongdokpagumbani. Nahakna Iswargi khutsemsing asida munna wakhal touruba matamda nahakna Iswarbu henna khanglakkani. “ Atiya nongdonna Iswargi matik mangan phongdok I, mahakki khutki  thabak atiyana phongdok i.” (Psalms 19:1)

Nahakna numit ki matik mangal adu yengba matamda masibu sembirakpa Iswarbu henna matik leigani haibasi nahakna khanglakkani. Nongkhakpagi saphu amadi numitki mangal bu sembirakpa Iswar aduna nahakpusu henna mangal ama oihanba ngambani. Swargana mahakki phambalni aduga prithibina mahakki khongnetpham ni haina phongdokpa Iswar adu henna matik mangal leiramgani. Aphaba amadi phattaba mi khudingmakta nong nungsa pibiba Iswar adu yamna nungshiheiba Mapuni.

Sastrana hai, “maramdi taibangpan semba matamdagi houna uba ngamdaba mahakki gunsing adu sengna uhanbire,mahakki lomba naidaba panggal amasung Iswar oibagi gun adu semkhraba potsing adugi mapanna khangba ngamle maram aduna makhoi ngakpipham thokte. …” (Romans 1:20).  Iswar gi khutsem sing asi amamam oina yengluba matamda eikhoigi thamoi sina Iswarbu thagatpana pum than  thanli.

Mitna uba ngamdaba panggallaba Iswarbu nahakna thagatpasi nahakki thoudang amani. Sastrana hai, “Jehovahdi wangthoibani,eikhoigi iswargi saharda, mahakki asengbagi chingda, wangna thagatpa matik chai.” (Psalms 48:1).  Eikhoigi Prabhuna lenglakkadaba matam asi naksillakpaga loinana thourang touro amadi mahakpu thagatnabagi damakta sem saro.

“mahakki thongjaosingda thagattuna changjou,  thagat esei saktuna mahakki sumangsingda changjou, mangonda haraojou, mahakki ming thagatlu.” (Psalms 100:4).  Nahakna lomba naidaba sanagi konungda youba matamda nahak kayada haraogani. Madu lomba naidraba Canaanni.

Matam asi loigadoure. Sembiba Mapu asi lakkadoure haibasi khutsemsingna eikhoida ningsing handuna lei. Pakhonchatpa Paulna asumna haibirammi, “Houjik eikhoina musi musi mingsenda ubagumna ui,adubu maiga maiga unarakkani, houjik eikhoina mapung  phadana khangi, adubu eibu mapung phana khangbibagumna tungdadi einasu mapung phana khangjagani. (1 Corinthians 13:12). Nahakna nahakki mit makna ujagani aduga haraobagi pirang sinthagani.

Nungshiba Iswargi machasing, Iswar bu henna henna thagatnabagi damakta thourang touro. Nahakna taibangda leiringeida Iswarbu thagatpa tarabadi  swargada mahakpu thagatpa yanabagi lambi phatlibani..

Dhyan tougadaba: “Aduga  Jehovahna kanbikhrabasing adu hallakani, esei saktuna Sionda lakkani, makhoigi kokthaksingda lomba naidaba haraobaga. Makhoina haraoba amasung nungaiba phanggani, awaba amasung thamoi sokna swar sangna honba chenkhigani. (Isaiah 35:10).