Sep 10 – EINGONDA SEMBIYU O ISWAR!

“He Iswar eigi nungda asengba thamoi chelhanbiyu, eigi nungda achumba thawai nouhanbiyu.” (Psalms 51:10).

Iswargi maphamda anouba thamoi sembinaba ningthou David na haijaba si eikhoina uba phangi. Eikhoigi Iswarna atiya amadi malem bu sembibani, numit tha  thawan michaksing amadi uba  yaba amadi uba yadaba khudingmak pu mahakna sembikhibani. Madusing dagi henna khwaidagi maru oibadi eikhoigi punshida asengba thamoi sembiba haibasi ni.

Eikhoigi Iswargi maming singgi marakta “ Elohim” haibasisu amani. Masigi arthadi  Sembiba mapu haibani. Meihouronda Iswarna swarga amadi malem bu sembikhi. (Genesis 1:1). Mahakna madusing adu waheitana sembikhibani. Ningthouna khutsemsing asi yengluba matamda makhoi yamna phajei aduga  yamna su angakpa phaokhi. Aduga mahakna masamakki thamoida su yengjakhi.

Taibangda leiriba mioibagi thamoi haibasi asukki matik phattabana thanle haibasi ningthou Davidna khanglakkhi. Iswarna mioibagi thamoising asi sengdokningba tarabasu mioibanadi taibang pangi nungaiba aduda luptuna leiba si makhoigi apamba oire.  Makhoina tougadabamak toudana touroigadabasing aduda touraga lei Mioibagi thamoinungda papki oiba yathang lei. Madu asengba asigi maiyokta leibani. Masina makhoibu aphaba tougadabadagi thingle hairaga phattaba du oina touhalli.

Maram aduna esei eeba  Davidna kaptuna pirang sinthabaga loinana Iswarda haijakhi: “O Iswar, atiya malem sembiba mapu, eigi damakta asengba thamoi sembiroidra? Nangondagi lapthokningba thamoi asigi mahutta nangonda naksinjaningba anouba thamoi ama  sembiroidra?

Taibangda thamoi sengba haibasi yamna watlabani. Tasengna eikhoina asengba thamoi phangnabagi damakta Iswarna eikhoigi damakta thawai asengba asibu pibirabani. Jesu Christagi eegi mapanna chamthokpirabani aduga mahakki waheigi mapanna  senghanbirabani. Maduga nahakki thamoi adu Thawai Asengbagi mapanna senghanbirabani.

Corithians gi churchta , mi mayam adu thawairomda chumdana hinglammi, nupa nupi lannaba oikhi, huranba amadi kallak khambanbana hingduna leirammi. Aduga Iswarna makhoibu nungshibaga loinana koubirakpa matamda makhoigi damakta  asengba thamoi adu sembikhi.

Nungshiba Iswargi machasing, asengba thamoi piba ngamba amadi nanggi punshida asengbabu lingkhat pa ngamba Thawai Asengba gi maphamda nahakna kaptuna haijou..

Dhyan tougadaba: “ adubu achumbagi Thawai adu lakpa matamdadi mahakna nakhoibu achumba khudingda lamjingbigani.” (John 16:13)