SEP 05 – Shanti laga Isor!

Romans 16:20aru Jehovah jun amikhan ke shanti diye tai bishi joldi satan khan ke apuni khan laga theng niche te girai dibo. Amikhan laga malik Jisu laga ashish apuni khan sob logote thakibole dibi.

Amikhan laga Isor tu shanti laga Isor ase. Itu laga ulta te satan hi ase amikhan laga shanti biya kuria tu. Itu karone Isor aru satan laga majote lorai ase, hoilebi amikhan hi jite. Shanti laga Isor pora satan ke apuni laga theng te chepai dibo. Tai pora kosom di kene koise, Genesis 3:15 ami apuni aru itu maiki laga majote dushmani anibo, apuni laga bijon aru tai laga bijon majote; tai pora apuni laga matha chipa bo aru apuni  tai laga theng ke kamuri bo. Isor pora itu kosom tu Eden Garden te dise.

Isor pora itu kosom tu krus te pura kurise. Tai pora satn laga matha chipai dishe, aru tai laga kam khan sob biya kurishe, tai laga khun phelai kene. Itu karone hi Isor pora tai laga ekta chokra ke itu duniya te pothaishe. Aru itu karone hi satan bi bhui khai, Krista laga khun ke.

Satan tu bishi biya pai jitya tai itu duniya tu tai laga hokum te chulabole naparile, kile koile Isor laga khun pora atma khan ke loi loishe. Amikhan laga Isor tu moria ke bi jiti loishe. 1 Corinthians 15:57hoilebi Jehovah ke dhonyabad ase, jun amikhan laga malik Jisu Krista kepathai kene amikhan ke jitai dise.

Jitya amikhan laga dushman satan amikhan karone biya kuribole kkuchis kure, Isor pora loge loge hi tai ke chipai diye aru khotom kuri diye. Aji laga verse te paul pora koi, aru shanti laga Isor pora satn ke apuni laga theng niche te chipai dibo.

Ekbar ekta reformist pora koishe, ekta komjur bacha aru ekta tagot mota te iku bi alag nohoi, tai khan kha te.tai duijon bi khana tu hath pora hi khai. Tate alag thaka tu tai khan kinika khai, itu nohoi hoilebi tai khan ki khai itu hi ase. Itu nishina, hi apuni bi Isor ke kina dhuri kenease, komjur hath pora na tagot hath pora, apuni Isor laga kotha kinika khai ase? Hoilebi tagot thaka biswasi tu Isor ke agete rakhi kene rasta te jai, aru nijor ke hodai Isor logote khushi rakhe. Oh Isor laga bacha khan apuni khan bi Isor laga shanti pora bhorta ase?

Aji bhabna kuribole laga pobitro kotha tu hoile 1 Corinthians 14:33kilekoile Isor tai laga kotha ke misa mishi pora kobole nimite diya nai Isor laga manu khan laga sob girja te ituke khushi aru shanti ppora kobole nimite dise.