Sep 04 – KITUNGAN AMPARA SANABYUN!

“Anten asan anlen dernan batte ranoitad danisaman a delen asan, Gamangtung-len Jisu Kristun batte Kitungan ampara sanabyu-len daku” (Romi 5:1).

Kan ate bo surda beran Kitungan ampara Sanabyu-lingan a dakunaben. Agante amben Kitungan amang barij j’ee batte adakuten sanabyun ahangte, mandrengna-lingan kuddub kanalkalan batte ladladte. Nami, yangam Kitungan amang saring sanabyun hangtabe? Kan ate Jisu Kristun batte hangtabe.

Agante bagu ompun lingan rurdin dete, orde bogad aninji aninjidaman sanulenanjiden, anabyagi ompun adladnale sanabyun amanglinganji dete. anadmaina maranji dakulenden ompunji birindanji sanabyun batte mainadete. Kan ambrij amandranji sanaisai anadmaina abmele.

Eden kuttan-lingan, Adam do Oban Kitungan a d’ong abdukkaleji, a pintunji batte. Kitungan a j’ee aldungle do aninji Kitungan aberna erangdanglabe sonuman a berna amdanglaji. Kun abmele, Kitungan atanurdun do atanimyiman mandran abs’iedle. Lanankaban saring, sanabyun abs’iedle.

Kitungan batte barokij adakunaben asan Anin batte sanabyu-lingan dakunaben dete, amben adyer j’ee-naben dete pintuben pingbale do Kitungan amang saring tanamadan ayangben dete. yangam pintun tanamadan dete? Anegoi anidolan dele do janatadmeih sadan sadle tanabmadan agassa. Anten asan Jisu Kristun arakadang-lingan tiydam-ling do a mihaman lale, kuddub pintunji agijdaben asan.

Jisu Kristun anlen do Ua Kitungan atrangdi-lingan daku, anabjurdin do sanabyun apaiben. Ayengan a pintunmar tanamadan dele ad’ongan abtangorben asan, asuyum rajam agarobgoba. Mandranji abmele amihaman jznjzn murdadam, Anin Kitungan batte abjurdite.

Kanina ate janardiberan Raja Martin Luther amandrengna abandaben aberna. Kun ayamlingan anin U’a Kitungan amang gijgijle bitsaraben asan. Bindo agante anin galamle Kristun tarangdi-lingan daku do derna maranji derna batte me’egteji gamele ganalaman adele ate surda manoidam.

Jisu Kristun aboi surda songkon ambrij mandran do Kitungan batte abjurdite, egale songkon bo barun saring bo barun abmainate. Tanahimdam Kitungan a onagji, amben galamdamnaben dete Kitungan ampara sanabyun daku orde itja, Jisu Kristun amihaman batte.

Okiy Kinolbe absele: “Bar a dijte satta ted, bindo ayengan a Gamangtung Jisu Kristun batte nami manaina hanglabe, Anin batte Kitungan abmele anlen m’oihtenbe janang” (Romi 5:11).