August 30 – NANGGI ASENGBA NINGNASANG TANNA YENGJAGANI!

“Nanggi mityenggi wangmada eibu hundoklaga leire,adubu eina nanggi asengba ningnasang tanna yengjagani.” (Jonah 2:4).

Masi Jonahna aduna ngagi puknungda leiringeida haijaramba adugi waheisingni. Mahakna amuk hanna warep loukhi, “ eina nanggi asengba ningnasang tanna yengjagani.”

Jonahna Tarshish tanna chatnaba thamlamba maikei adu honglakpadagi Iswarna mahakpu yotsingadaba nga ama mangjounana sillang khrabani. Madugi nga adu icham chamba nga natte adubu  yamna chaoraba Iswarna thourang touramba nga amani. ​Maduna Iswargi aningba thunghankhi. Nga aduna maichou Jonah adu mapuknungda numit humni amadi ahing ahum thamkhi..

​Numit humnigi matungda Jonahna Iswargi maphamda yengkhatnabagi wakhal lakkhi. Nga aduna  samudragi aruba maphamsingda chatpa matamda  Jonah aduna isinggi saphu amadi khonjel adu phaokhi. Madugi phibamda leiramba Jonahna Iswar kourakpa matamda Iswarna mahakki khonjel  tabidaba toukhide.

Nungshiba Iswargi machasing nakhoi Iswargi maphamdagi tung hallaga leibra? Iswargi aningba thunghanba ngamdana leibra? Iswargi thougan touge haina katthoklaba phaoba nahakna madu thamoi sengna  toukhidaba matam leibra? Madugi maramna      awaba kayana nangbu   koisillaga leibra? Madugumba phibamsing phaobada nahakna Iswargi mapham da yengba tokkanu. Iswargi asengba   ningnasangda yengba  tokkanu.

Jonahbu thanggatpiraga anouba  punshi amadi panggal leiraba thougan pibiba Iswar aduna nanggi haijaba su tabigani. Jonahbu anouba punshi mahing amada bor pibiba Iswar aduna nanggi punshidasu adumak toubigani. Iswarda yengjaba khak nattana mahakpu koujahou.  Nahak pukning changna haijou. Iswarda eikhoina matam leiba khibik ta amadi mapham khudingda kouba phanggani. Matam khudingda nahakna Iswargi thoujangi phambalgi mamangda changba ngamgani.

Nahak kari phibamda leiba tarabasu, nahak ngagi puknungda oigera, nongsagi makonda oigera, nattraga meinungda oirabasu nahakna Iswargi sana gi maithongda yengkhatpa khudongchaba phanggani.

Nungshiba Iswargi machasing, nahaknasu adugumlaba warep loubigadra? Nahakki awaba    apikpa oibasu yai nattraga achouba oibasu yai adubu nangna kari karamba phibamda awaba thengnaba tarabasu nahakna Iswargi maphamda yengkhatpa ngamgani. Mahakpu koujou.

Dhyan tougadaba: “ eingonda kourak-u, eina nangbu paokhum pibigani,aduga eina nahakpu achouba amadi angakpa potsing uhangani, nahakna madusing adu keidoungeidasu khanglamdriba potsingni.” (Jeremiah 33:3).