August 29 – SEBOK SEMMU!

“Nakhoi chatlaga jati khudingda sebok semmu….” (Mathew 28:19).

“Sebok semmu”  haibasigi wahei asi Iswarna swargada karamdaida khwaidagi aroiba yathang adu oirammi. Eikhoigi damakta su masi Iswarna yathang oina pibibani. Hoi. Jesugi tung inba mi yamkhatkadabani. Mahakki tung  inba misingna taibang sinthunggadabani. Mi amabu Christian oihanba haibasi laibani adubu sebok oihanba haibasi lubani.

Jesu Christana Sebok oibagi gun asi semgatpani. Mahakna masi hairaga koukhi, “ eigi tung illu”. Tamjaningai oiraba mahakki punshi adu khudam oina utpire hairaga Jesuna mahakki sebok oinaba  misingbu koukhi. Maram di Jesu asi hiram khudingmakta changkholli. Mahakna mahakki seboksingbu karamna haijagadage haibasu tambikhi.Mahakna nungshibagi maramda tambikhi. Mahakna mahakki minungshibagi khudam adu cross ta mapum phana utpire. Mahakki minungshi adu kayada chaokhrabano?.

Ngaisi gi taibang asida Iswargi manai oiriba pastor amadi paosandokpa mayam leiri. Adubu makhoigi marakta eikhoina yamna ningjaba mi adudi eikhoibu mapa ama oina nungshirakpa amadi achumba tamjaningai oiraba punshi hingba ngamba mi sing aduni. Takpi tambiba mayam aduda eikhoina yengjade adubu eikhoina yengjaduna leiba adudi tamjaningai punshi hingba luchingba aduni. Maram aduna Jesuna mahakki seboksingda Christian semganu adubu sebok semmu haina yathang pibani.

Jesu Christana thabak houba matamda mahakna sebok 12 semkhi aduga akonbada mi humphu tara oirakle. Aduga cha amaga kun. Aduga mahakki seboksingna prithibi sinthungkhi.(Acts 6:7). Sebok oibagi  gun asi hengatnaba eikhoina Iswargi wahei asi henna chaothok hangadabani. Sebok asi Iswargi wahei amadi tamjaningai oiba punshi adukhaktada semgatpa ngamgani. Sebok oibagi punshi asi thawaigi oiba ningthou konung aduni. Madu Jesu Christada sagatpani aduga maduga mangtakpa yadaba maru dagini. Madu lomba naidana leiragani.

Pakhonchatpa Paulna semgatpa seboksinggi marakta Timothy amadi Titus adu yamna akhannaba oikhi. Mahakna Timothy da chithi ikhiba matamda mahakna Timothy adu Christian haina minggou pikhide, adubu mahaknna asumna haikhi, “ Thajabagi mapanna eigi achumba ichanipa Timothy haina mingthon pikhi.” (I Timothy 1:2).

Nungshiba Iswargi machasing, nakhoina Iswargi sebok semba matamda nungshibaga loinana amadi makhoibu thawairomda nahakki nachamakni haina khangadabani.

Dhyan tougadaba: “nakhoi amaga amaga nungshinou, masigi mapanna misingna nakhoi asi eigi seboksingni haina khanglakkani,.” (John 13:35).