Aug 29 – Chelakhan bonabi!

Matthew 28:19 itu nimite sob jagate jai kene sob manu khan ke amilaga chela banabi; tai khan ke Pobitro Baba , Chokra aru Pobitro Atma laga namte Baptisma koribi.

‘chela khan banabi’ hi ses kotha thakishe Jisu pora tai laga chela khan ke koishe, swarg te naja agote.ami khan karone bi itu kotha hi Isor pora dishe. Hoi, Isor laga kotha te bera chela khan barhibo lage. Itu chela khan pura prithibi bhorta bhorta hobo lage. Ekta manu ke Christian banabole toh bishi asan ase, hoilebi taike chela banabole tu tan ase.

Jisu Krista hi chela laga niom banaishe. Tai mate itu koi kene, ‘ami piche ahibi’. Tai chela khan banaishe, tai laga jibon pora, sapha aru pobitro thaki kene. Tai pora hi chela khan ke hikai she kinika prathana kuribo lage aru kinka bhal prathana kuribo lage. Itu ekla nohoi kene. Tai gethsemane garden te prathana kuribo jai thake, aru tai khan ke inika dikhai kene hi prathana kure.  Tai iku daag nathaka laga jibon thakishe, itu karone tai laga jibon tu karone tai laga jibon tu udharan hoishe tai chela khan laga agete. Tai pora chela khan ke morom bi hikaishe. Tai pora tai laga pura morom tu krus te hi dikhai dishe ki kiman dangor ase tai laga morom ami khan nimite.

Aji bishe preachers aru pastors ase Isor laga naukar hoi kene. Hoilebi itu khan sob laga majote, jun hi ami khan ke baba aru kokai khan nisina morom kure aru ekta sapha jibon thake ami tai khan ke bhal lage.aru kiman hikai thakile bi, ami khan laga mon tu tai ke hi sai jun tinika jibon tu nijor hi thaki kene dikhai. Itu karone Jisu Krista pora chela banabi koishe, Christian banabi kua nai.

Jitya Jisu Krista  tai laga ministry shuru kurishe. Tai 12ta chela chuni she, olop din pichete itu 70 hoi jaishe. Aru itu barhi kene 120 hoishe. Pichete itu chela khan hi alag alag jag ate barhi jaishe.  Acts  6;7 aru inika pora Isor laga kam hoi thakishe. Jerusalemte biswasi manu khan bisi hoishe. Aru bishi pujari khan bi Biswas kuribole ulaishe. ​Pobitro kotha tu hunaboi lage, chela khan barhabole nimite. Chela khan ke barhabole tu pobitro kotha hi ase ji pora shikabo aru bhal jibon thakibole dikhabo. Itu pobitro kotha tu Jisu Krista laga foundation ase jitu kitia bi biya kuribole naparibo.

Paul pora chela bana khan bhitor te Timothy aru Titus tu bishi khas ase. Jitya paul pora timothy karone likhe taike timothy Christian namate hoilebi timothy hosa chokra Biswas laga inika mate 1 Timothy 1:2 oh Isor laga bacha khan judi apuni Isor karone chela banai ase, apuni khan itu morom pora hi kuribo lage, aru tai khan ke atma laga bacha bhabna kuri kene.

Aji bhabna kuribole laga pobitro kotha tu hoile John 13;35 apunikhan mmanukhan ke morom kuri kene thakise koile sob manu khan jani bo apuni khan ami laga chela ase..