August 28 – NAHAKNA LAKPA LAMBI!

“Ananiana chatkhiduna yum aduda changlammi, aduga Saulgi mathakta makhut thamlaga haikhi, “ ichin inao Saul, nahakna lakpa lambida nangonda uhanbikhiba Ibungo Jesuna nahakna amuk hanna uba ngamnaba amasung thawai asengbana thannaba eibu   thabirakpani.” (Acts 9:17).

Ananias na masi hairaga Paul da  masi ningsinghankhi, “ nahakna lakkhiba lambi”. Saulna mi otpa lakpa matamda Iswarna mahakpu athingba pikhi. Mahakna Damascus youramdaida swargadagi mangal amana mahakpu nganthoibikhi. Madudagi houna Saul adu Paul oirakpani.

Nahak karamba lambida chatlibano? Iswargi machasinggi maiyokta chatlaga Iswarbu saohallibara? Serap phangba lambida nahak chatlibra? Iswarna nangbu achumba lambida chinglaga panggal kankhat hanningi.

Nipa amasi Dubai chatlaga sen tanba pamkhi. Mahakna chattringei aduda Chennaigi maphamda mahakki marup amagi yumda chatkhi. Matam aduda mahakki marup kangbu khara asi samudragi mapanda ahingda prathana tounabagi damakta sem saraga leirammi. Mahakna marupsing adugi matung illaga haijabada yaore. Makhoina koina phamlaga haijaba houbada Thawai Asengbana makhoigi thakta  lakpire.

Dubai chatnaba leiramba nipa adu Thawai Asengbada amadi meida pumthan thanle. Madugi damkta thao noibiba gi khudol adu mahakki mathakta kuina leikhi. Akonbada kari thokke nahakna khangbra? Dubai da chatlaga peisa tange haina leiramba nipa adu punshi chuppa gi oina Iswargi thougan touraga thawai khomnaba katthoklamle.

Nahakki lambi Iswarda sinnaraga mahakpu thajou. Adu oirabadi nahakki lambisingbu Iswarna maipak hanbigani. Madukhak natte. Nanggi lambi khudingda Iswarna loinabigani. Nahakna natomta chatlaroi.

Mosesna Israel gi machasingbu nungshibaga loinana haibirammi, “Iswarna nakhoibu karamna  pubibage haibasi nakhoina ure, nipa amana machabu pubagumbani,mahakna nakhoibu lamjingbiduna lakli…..nakhoigi leipham thinaba mahakna mangjounana chatlamkhi,nungthinda nakhoibu leichinda lamjingbi ahingdana meibun amada chingbiduna lakli.” (Deut. 1:31, 33).

Maithiba kayana thok hanba akhaba mayamgi maramna nangna Iswargi lambi adu thadoklaga chatkhiba leibra he Iswargi machasing? Nahak amukka phakhigadra haina waribara? Asha toubaga loinana nahak Iswargi lambida hallaklo. Mahakna nangbu asengba lambida chingbigani.

Dhyan tougadaba: “ Iswarna nanggi mangjin thana chatkani, Israel gi Iswarna nanggi tungda lakpigani.” (Isaiah 52:12).