AUGUST 26 – KRUTHAGNATHEN KERO

Kolassivaaluna 3:15 Dever samadhan thamar dallen palan kareda;yervasaj tham yekkaj Jeevadarnai balan cho;navaner dallethi ro

Dev thon kidojako her yek Haajpanervodi thu kannai navaner dallethi renu. Jor ,thakath, aacho aarogyamen dinojako Deven navaner nai renu. Yee navaner dallethi rero ghano moto vaath vencha ,kaikatho Dev thon ye vummarema aathmeek vagi ann shashvithavagi sada ashish karmelocha. !

Vo America Deshema Kruthagnathe kervasu yek dadenaj taalan melmelech. Vu dadoj America desh Pedavojako daad. Yedadema jann se bhalan Deven Kruthagnathe kero ghano mukhyamero vaath vencha kasen katho vunden chakarimathi chodan Swathathram deno. Vu daden aajethanu navaner dallethi pandaga karacha.

Aaj hapan yek desher nai cha kankaren katho hapnen sada Yesu Christhur loyima paapen dhonakan andharer Hakmethi hapanen chodan VOR premer Betar rajyamema bhelo jako, BAPEN sthuthi karacha( Colassivalun 1:13). Jethi abba hapan swarger sarkarema chalarecha, ajji kathra navaner dallethi renu kunike.

Varsa varas huvo jako daden karlevalo Dever Sevak hanno keldo, ” Maa kaivasthu paapema banchan vethojako daden huvojako daadken karlerochu? ajji vo daaden bhoolan maa rakshan paayo jako daden huvojako daadken karlenu, kankaren katho vuj daad Yesu Dev Raj vethanu maar jeevanen rakshanema chalayocha. Jannathi vu sevaka navaner dado ken karlido “.

Aakhareer dadema aajkaal Kathraiko viswasivo navaner dallethi cheni  (2 Thimothina 3:2). Lapan Dever beti betavo tham kannai navaner dallethi renu ,  kankaren katho Yesu thar gaali siluvaper vela khan thon rakshna Denojesaru.

Premer Dever beti betavo America Valedakal varsen yek hapthij Kruthagnathe kero koni lapan her yek daad sada Dev thaar jeevanema ghano aacho kaam karrocha vorasaru Deven her yek vagathema , her yek dappema navaner dallethi renu.

Aajer Dever vachan; Geeder Grandh 34:1 Yehovana ma se vagathema sthuthi karuchu; vor sthuthi Hamesha mundema cha.