AUGUST 24 – KHWAALJAAVACH

Dvitheyopasha kanada 28:12 “Yehova thar Deshepar vor daadema panin melan thu karajako kaamsena ashish karena, aasman kajako Bagalethi pisar potlin kholunchu.

Yeej Dvitheyopasha kanada 28 hari ma agadiyar 14 vachan ashishethi bhararicha. Ye sogli soganer vaath thar jeevanema saasij vacha kann thu puro dallethi Dever vathen manechiko janna. Yek moto Soganervaath ye Vachanema dekhacha kaikatho, “Thon Ma asmaner Bagalethi pisar potlin kholan ashish karuchu ko”.

Yekvela hanno soch kar, thu yek aacho pisa chajako  ann acho dall chajako admikan pisar puchen gochi kela, von Hathavjathra diye. Ajji jaasthi Premkarevalo ratho sono rupo sada diye kunike.

Lapan Yesu Christhu yessey bhashya vunethi jada moto dayavalo, krupan dekhalevalo vu kerocha, Maar dhai ayevalen cheti karanaju Asmaner Bagalethi pisar potlin kholuchu. Chavanujako vagathema panin Meluchu, thar hather se kaamen ashish karuchu.

Dev thar vassu Asmanen Vogadanu katho agedi kunvatho gor garib sahayam mangen barkavachko huner vaasu thar dall kholnu. Thu khachithanga hanno Velapadarecko hunden sahaayata karen mundag avanu. Saasij thu hunder aaten samalokoni katho Dev sada thar aten samaleni.

Yek Dever sevaka kidnir samasyathi Velakartho Dhaavkana ma dekhalen jarojanna  ,von yek anandethi chalrijako vindur dai balalaye, vo jagen ayejanna ajji jaasthi vor dokh haalath vejari ,abba ​Dhavkhanana Balalen javunu ken votha yena vona puchthe, votha pissavalo vetho von puchetho vu vor caren den mundag ayo lapan vor gwanni hener modeper bhandan Duni kethanu hoto meldini.  ​Sahaayata karnu kajako dhanir asha Karedinikoni jako Gwannithi buragi. Vo carer door sada buran vethi. Assa admisaru kukan Dev Vor Ashishero bakal vagadacha? Mar preethir Dever beti betavo tham devo thamen sada devacha.

Aajer Dever vachan Dvitheyopasha kanada 29:9 Jersaru tham karnu Keldejako seni Aachethi chalaju ye kararer vachaner nai chalanu.