Aug 21 – Jaba Desan lingan a Daneba

“Jaba, anlen kun desan ganle abgegeba do antate anlen a daneba, Iten asan gamlenden anlen kun a lanangka dainan a hangben asan awr ranapti-len daku” (Danisam 13:30).

Danisam kambo-ol-lingan, 13 a surda lingan kinol-labenden, a sosojumburmaranji abmele Mojes meigal mandranji appaile. Janalang beran panlanji nami egale anlen yangtabe janggardadage a ordarber. Meigal saring galji ate enegoi berna panlaji kanan desa lingan a daneben abmele adea gamle. Nami janangan, kan janggardadage ordarlingan, ateng mandranji gamteji desalinglen anablu abhirai do aninji gamteji sarebasingan adbaburlane. Kan ambrij aninji dernalingan asui deteji.

Kun ayamling, bibol-lingan kinolnete Kaleb do Josua abmele. Aninjina Kitungan a janggardan batte lumleji. Ijaja jugardamdamte butente Kitungan a raptiling derdertenji. Agalamtepo aninji iten gamlenji? “Jaba, anlen kun desan ganle abgegeba do antate anlen a daneba, Iten asan gamlenden anlen kun a lanangka dainan a hangben asan awr ranapti-len daku” (Danisam 13:30).

Nami Kitungan desalingben tadnanbenten. Yan ambrij dernanam? Ijapo bo mandran agamte ambrij ‘Jugardamdam orde Jugardamdamted’? amben galji mandranji batte dakupo adea gamle berna apanglainji a berna ambrij orde Kaleb do Josua?

Agante Kitungan jibjibaten Marid Janggardan abmele, Anin Jerusalem do Judanji abmeleted. Anin gamete, “Marid Janggardan mangling-ben yeraian a tiki amben ranaptin hnagan hangle Jirusalem lingan, barij Juda desan, Samariya desalingan do ordaran a tannodban sikkoi ja sakki mar-Henji a dete” (Anappai 1:8). Anlen agijtaben aberna “Orardaran a tannodban” tidne desalen janan ammanai. Ijapo? Jisu Kristun batten gardalingan do gorjanglingan hanaba. Ranapti batte Kitungan aberna oblingba. Jisun a itsum manglenben saring desaben anablu ayangben dete.

Anappai Pol gamete, “…..Anlen tannod-len er mannelabe bzgarda maranji a baran abmele akkinsanai, bindo anlen a derdertenai do derna-ben anabatengan a delen asan dane-len mangba-ben awrdam abmarangte” (2 Korintia 10:15,16).

Tanahimdam Kitungan a onagji, jajin ayam sikoija desale lumudlingan dakute? Jajin ayam sikoija mandralenji anablu er hanglabe lumudlingan do kanalkal-lingan dakutenji? Jajin ayam sikoija mandranlenji Jisu Kristun a d’ong ablumarlen do gupamarlen gamle er galamge dakutenji? Anlen mandranji a d’ong anablu ba orungle araptibepo? Kan desa lingan daneben abmele sanaisaitedpo Kitungan a desa gamle?

Kinolbe absele: “D’ong-hen abraduten a Kristun batte kuddub baran rapti lumtai” (Pilippi 4:13).