Aug 19 – Bo derna maran Buten a d’ong abm’oihte?

“Bindo dernan sadan sadle Anin a d’ong abm’oihben jugardamdam” (Ebri 11:6).

Kan ordarlingan, yangam Kitungan a d’ong abm’oihben dete kun abmele amben agalambe dete. Agante a d’ongan abm’oihben asan lanuman alumte, Anin m’oihten ategoi ayirtaien a denna ling ja, Anin d’ongben timyimte erahidge. Yangam abm’oihben dete?

Anaboiling, dernaben Kitungan amangling aderdertenan batte Anin timyimbenten. Bibolan gamte derna addakulenden abm’oihben ade-e. U’u. amben dernaben dete. Tansoinam barij j’en batte dernaben dete. Gamle, “Kitung, hen d’ongnam dertenai” kan ambrij bo ajar tara gamben dete. Kun ambrij, dernaben abhanaben dete.

Derna abmele iten lumben dete? Bibolan gamte “Anten asan anamdangan saring dernan dungte, do Kristun a bernan batte anamdangan dete” (Romi 10:17). Mandrengnalingben derna dakuben dete, Kitungan a berna boi boi sanaisaidam. Bibolan gamte, ayengan a janggardan do mandrengna dakute kuni ate jznjzn murdadam Kitungan a tanimyimling. Agante a derten amang do ababturten, Anin amben ampara m’oihten.

Iten asan Kitungan Abaram a d’ong timyimle? Abaram a derna Kitungan amang a dakule asan. Bibolan gamte, “do Kitungan itente sibdaijeten, antate janang Anin rapti lumte, gamle abraam barijloge derneten” (Romi 4:21). Kun a derna yagi tardin dakule.

Aboilingan, anin a bara do sara abmele ijaja anogandiead. Anabbagulingan, karaloge Kitungan itente bayeten ate sattang lumeten. Anabyagilingan, Kitungan a d’ong abgugule ranapti hangeten dernalingan. Kun batte anin dernadage dakule Kitunganlingan.

Abraam ambrij ijaja a ogandidong amben abmele. Bigardan ji akanalkalan abmele akudidongne. Kan ambrij, kuddub ayimle Kitungan ajanibjib beranji do alumle akuddub baranji alumeten ambrij. Kitungan a d’ong abgugule gamba, “Sintam Kitung, kan ambrij amang lumte mandrengna-ling-hen.” Aten saring amben Abraam ambrij dernadage do Kitungan abm’oihten amandran adete.

Barijloge dernaba Kitunglingan. Kun sattang tagoran Kitungan a d’ong abm’oihben abmele.

Kinolbe absele: “Itente abmele  anlen angtzrtenbe, kunate, amben a hangte, gamle dernan abderdertalen, do itente aggittae. Antate daku, gamle dernan abimnaj’etalen” (Ebri 11:1).