Aug 18 – Lumba Itente Gamangtungan apsele Man’oihdam?

“Itente Gamangtungan apsele jznjzn abman’oihdam, antate sedaba” (Episi 5:10).

Anabboilingan, Kitungan a itsumanji abara abojoraibe dete. Anabagu lingan, Kitungan amang gamben dete hanghaging gamle do a itsuman a lumben abmele. Amben iten Kitungan abm’oihben dete.

Bo tonanan, a dangardi ayamling Kitungan a d’ong ateng timyimle dakunete. Anin Kitungan a itsuman ambrij lumeten. A sitrungtenan ayaman atuyaling adnang. A sininmaranji, bigdra amandra ad’ong tiyleji ayengan amandra Kitunglingan adderne.

Sitrungan atiki, a tongba gudingle cinema agijbe. Bindo kun a bernaling anin adnitsumad. Kun batte ateng abkalkalle ad’ongan, ayengan Kitungan aitsuman sattang a lumle a tonan.

Anten asan, anin tangsoi-singlingan yirle do garberling Kitungan amangba. Kitungan ad’ong gamle, “Kitung, hanghanging Iten ate d’ongnam am’oihben dete” do Kitungan amang saring anabhanghanagan yangle. Atiki a tongban batte m’oihlen cinemaba yirleji.

Cinema susuna dele. Asui ayam atiki, mandran a dukri ad’ong gijle do anin bangsagam agijgijte ate. Galji minute atiki, okij anin gijgijle a dukri ad’ong, anin ategoi gijgijle dakuneten do ato-odang dirgale dirgale gamte ‘Sintam Jisu.’ Okij galji minute atiki a dukri ad’ong gijgijle do anin bigrda langlangan berlen. Bigrda jatimar deleja a dukri iten lumte kun ate agalamad.

Anin bangtongan batte iten dele gamle a dukarin ad’ong bairaba amdungle pageten. Anin a d’ongan uale, “Manglingnam iten dete? Iten asan cineman man’oihna batte abgijgij-je?” Ma-angle, anin a tanogba a d’ong gamle, “Kan cinema man’oihan adtiylangne. Ayengan a man’oihan Jisu Kristun sattang tiylangten.” Kan ambrij gamle anablu aberna oblingeten atanongban ad’ong.

A dukari asakki batte a je-elingan baraeten. Kun a dena, Kitungan atanogba ad’ong anablutijle. Jajingante adena atikki, kuddub ayam abmele Kitungan abara lumleji. Tanahimdam Kitungan a onagji, amben Kitungan aitsuman ambrij agante alumte, bigrda jatimaranji ja ayangte.

Kinolbe absele: “Bar kan ordaran a taramtamge abukkadamdong, bindo j’en tabme delen asan banandan deba, yante gamle itente Kitungan a bangsa, tungna-jana do hadab itsuman dete, antate amben rapti a imdamten” (Romi 12:2).