AUGUST 15 – DEVER SHANTHI

(Philippivalun 4:6,7) Tham kunsirvadithoyi haayikareniju,solirvadi thamar arajen daller sthuthirsaath vina thina,norakarajethina Deven malamkaro.

Jana soligenethini jaada  Dever samadhan thamar dallenan,thamar sosena Christhu Yesuma nathan kariye. Keni andayenijathra Dever shanthin krupathi Yesu Christhu thon dacha. Dharthiper chajako se namethi Yesu Christhun demelojako Naam “Shanthi devalo RAJ” . Yesu ye Dharthiper katha gothoi ken bhalathoi hundensen shanyhin paalo ken agnadino.

Votha yek per chaalrijako beerer gaali kemlech. Vu kannai vaaru venijako rogethi Baar Varsethi vela karrithi . Kunsi doctorer butha hathayikoni von vaaru karen. Vorasaru vo beerer jeevanema shanti vethikoni.

Yek dhaad Yesu vo vaatven chaalan aaroch ken malamkarlen vo malavema jaan Yesu permelojako kapadar anchun jhali. Hannu jhalersath jannaj Dever jor vorpumper vutharan Divik swasthathen payi. Vachan kacha, ” Von Yesu_ beti thar viswas thona rakshan kido ; thu shanthithi jaan thar bhaveti chutan varurakan ko (Marku 5:34).

Yekdhad papethi bhararijako beer Yesur dhai dhassan aan vor ankir hasuthi pagalan dhoyi . Vu beer gaano moto paap karlen shanthi cheniju vethi. Vor halathen Yesu dekan hanno ko, ” thar viswas thon rakshan kido; shanthithi jokan ko (Luka 7:50).

Chelavo seji Yesu Christhu siluvaper margo ken  hamen sada marnakach kaiko ken ghano chamakrethe.  Hamen kanna pakalden javachko kathanu  shanthi cheniju vethejen Yesu baapu hunen dikhathani Thamen samadhan kan ko (Luka 24:36).

Mar Dever beti betavo aaj thu kunas velama bhaveti kartho shanthi cheniju chikaiko lapan vossen Yesur dhai viswasmethi aathani vor hathen denak janna Yesu Dev kuni denijathra moto shanthi dacha. Aaj dhyan karen Yohan (14:28)

Samadhanen thamen deden jarochu; MAAR samadhanaj thamen derochu; jagathi daju ma thamen dero koni; thamar Dall Yesu Dev thamen ashish kariye Amen ghabrayeniju, chamkeniju red.