Aug 10 – Baptisma laga khushi!

Act 8:39 jitia tai khan pani pora baharte ulaise,Isor laga atma Philip ke loi jaishe. Utu sahab Philip ke dikhibole panai hoilebi tai ekdom khushi pora tai laga ghorte jabole lagise.

Itu verse te ekta Ethiopia laga manu Jerusalem tea hi kene puja kura dikhi pai. Itu manu laga mon te khushi thaka tu ki koron thakibo na? hoi itu khushi tai pa tu hoile baptisma lua karone ase. Itu khushi tu tai Jerusalem te aha karone nohoi hoilebi baptisma loa karone ase.

John the Baptist pora tu khali pap swikar kura laga karon loi kene hi baptisma di thakishe. Aru mmanu khan pap swikar bi kori thakishearu Isor logote notun jibon shuru kuri thakishe.

Hoilebi jitya Jisu krista ahishe, tai pora alag khushi amikhan ke janibole dishe baptisma loa laga. Tai pora kua tu hoile baptisma lua tu khali pap swikar kura laga nohoi keneami khan Isor laga pobitrota pura kura bi ase. Kiman bi khushi thakishe jitya Jisu Krista bi baptisma loishile! Aru kiman bi khushi thakishe jitya Isor pora koishe, “itu ami laga morom laga bacha ase, jun pora ami bishi khushi asr!” kiman bi bhal thakishe nohoi jitya pobitro atma tu kaputa hoi kene jisu pobitro rasta te jabole laga nishani dikhaishe.

Baptisma loa laga alag hi pehchan hoishe jitya Jisu krista pura dukh tai laga gau te loishe aru Krus tea mi khan karone uthishe. Jun  manu baptisma loishe tai tu hoilenijor ke Jisu laga dukh, krus te mura aru tin din pichete uthia logote nijor ke bandhi loi. Jitya Philip baptisma lobule pani te khara kure, tai bhabna kure Jisu kinika manu jati karone nijor laga jibon di dishe, aru itu hi taike aru amikhan sob ke bi Jisu logote bhandhe. Galatians 2:20 krista logote ami kruste mori ase, itu nimite ami itya jinda hoi kene thakia nohoi. Ami laga bhitorte Krista jinda ase. Itya ami jinda thakia Pormeshwar laga chokra ke Biswas kuri kene thaki ase jun ami ke bishe morom lagishe koi kene ami nimite morise.

Ami khan pani te dubi kene uthia tu hoile ami khan laga purana jibon pap laga murishe aru pani pora uthia tu hoile Jisu tin din te utha laga nishani loi kene ami khan bi  pap sapha hoi kene uthia ase. Romans 6:5 kile koile tai moria tea mi khan tai logote morise, thik inika nishina tai  uhia bi ami khan uthhishe.

Itu ekla nohoi kene apuni khan Isor logote milishe itu baptisma lua pora hi. Jitya apuni khan pani pora uthe apuni khan itu mon te kosom loi ke, “Jisu tu mora pora uthishearu amikhan bi pap pora jiti kene uthibo” inika bhabna loi kene uthe. Itu bhabna hi hodai apuni laga mon te juli kene thakibo lage aru itu hi apuni khan ke sapha kuri bo.

Oh Isor laga bacha khan apuni khan jitya Isor ke loishe, itu homoi tem on te tagot aru khushi thaka tu hodai din apuni laga mon te juli thakibole dibi aru itu ujala tum on pora nomora tok hara bole nadibi.

Galatians 3:27 apuni khan Krista  logote baptisma hoishe, aru itya apuni khan kapur lagai kene ase motlob Krista jinda thakia pora apuni khan jinda ase.