Aug 07 – Pobitrota apuni laga kam te!

1 Corinthians 10:31 apuni khan ji korile bi, khailebi aru lagaile bi, Isor laga ashish nimite koribi.

Apuni khan ji bi kure itu ke pobitro rakhi kene kuribi. Kilekoile itu kam tu apuni khan ke Isor pora hi dishe, itu ke mon di kene aru hosa pora hi kuribi. Purana niom te ekta bachan ase, Zecharia 14:20 utu homoi te ghora khan laga rusi khan te bandhi thaka ghanti khan te likhi kene thakibo ‘Jehovah ke pobitrota’. Mondirte pakabole laga borton khan puja laga jaga tte thakia borton khan nisina pobitro hobo.

Itu bachan te koi ki Isor ke pobitrota tu ghora khan laga gola te thaka ghanti te likhi kene thakibo lage. Ani toh ghora khan ke lorai te hi cholai thake utu homoi te. Itu ke thela cholabole aru kheti te hal mari bole bi cholai thake. Itu kam khan tu ghor baher tehi dikhi  pai. Itu bachan te aru bi koi ki mondirte thaka borton nishina sapha hobole lage, itu kotha tu amikhan biswasi khan  laga kotha k koi ase. Itu  bachan tu amikhan bahar te Isor laga kam ekla kora nohoi kea mi khan ghor te bi ki kam korile bi pobitro hole lage. Apuni khan laga kam duniya laga hobi, Isor laga hobi sob kam te pobitrota hobo lage.

Apuni nijor laga ghor tu sapha kura homoi te bi apuni ittu Isor laga pobitro tu loi kene kuribo lage. Apuni khan phul mati te dhalli kene joton kora homoi te bi Isor laga pobitro tu hobole lage. Apuni tu ekta doctor, poplice nohole ji kam te bi hobi, apuni laga kam tusachai, imandari aru pobitrota te hobole lage ki duniya pora apuni ke jitya dikhibo apuni te tai khan Isor laga pobitro tu dikhi pabo.

Ami khan laga desh te kiman bi manu bhuk te ase dukhiya hoi kene, bimar ase, ilaj kuribo poisa nathaki kene hoilebi apuni aru moi tu pet bhorti kuri kene khabole pai ase aru, gau te iku bimar bi nai toh ami khan tu Isor ke dhanyabad dibole nalage nijor laga jibon tu tai nishina sapha thaki kene nijor ke tai laga gawahi hobole dibi.

Jitya Isor tu itu duniya te thakishe, tai tu narukhi kene kam kurise. Tai tu kath  mistri laga kam kuri thakishe Juwan nahuwa tak. Aru jitya Isor laga kam thakishe tai itu bi mon di kene kurise . John 9:4 jiman deri tok din ase ami tai diya kam khan kori thakibole lage jun amike pathaishe; joldi rati hobole ase titia kun bi kam kuribole naparibo. Itu kotha khan hi Jisu laga mon te thakishe. Jisu krista bi bhagor lagishe, bhuk aru pyas bi lagishe hoilebi itu khan sob lagi kene bi tai Pormeshwar laga kam tu narukhi kene kurishe din aru rati te bi. Oh Isor laga bacha khan apuni khan ki kam kurile bi, Isor ke kuri diya bhabna kuri kene kuribi aru utu kam ke sapha aru pobitro ta logote kkuribi.

Aji bhabna kuribole laga pobitro kotha tu hoile Proverbs 22:29amike inika ekta manu dikhabi jun bhal kam kuri ase aru ami apuni ke inika ekta manu dikhabo jun sob manu pora bhal as ear raja nisina manukhan logote sathi kuribole thik asse.