Aug 04 – Janggardadage Banantongan do Manariddan!

“…Ua Kitung lingan tanimyimdam, do ang-ganuding maranji” (Judan 1:1).

Ua-len Kitungan madridaiten. Agajanangan anlen Kitungan abmele oganditabe, Anin aberna do abanahang uggarlen takarte. U-u, Anin er maridan ardite do Manarid-lingan dakunaben itsumte.

Amben Kitungan amangba ayirben erba-guiba do a gijte rumangdaman a bara. Manaridan abmele mang-ling-ben saring banantongan yirtai. Anin boiboi jugardamdam. Bogad amben payum pyum gijtalabeden, sayu orde tagi, Anin ato-od-lingan saring bayle sidbenten. Agale Bibolan gamte Anin sattang pintunji abmele barapdate.

Anin sargatut-te ayengan a mandrangji er marid lingan basuteji do agante amangba eytaitanagaji. Anin gamte “Mang-Hen saring yira, amang er marid-lingan dakule.” U-u, Anin togi-lingan appaite.

Agante amben Kitungan amanaridan abmele aogandite, Janggardadage a banantongan uggarbaben yirtai. Anin langadam do ganugudam Manarid-lingan. Mojes mandranji a d’ong gamete, “A bantongdong; Kitungan d’ong-ben a tungengben asan yeraiten, yante gamle Kitung-ben apsele banantongan j’e-ling-ben dakkuan dakkule amben pintun adlume” (Hanagod 20:20).

Nami, ateng mandranji pintu-ling a dakun agaramgam amang-linganji Janggardadage abanantongan agasa apsele. Kitungan anogalan aganalam agasa asan. Amang-linganji agalamben a j’e-e agasa asan, aninji susuben dete Anin atimangba. Janggardadage a banantongan agante asuite, pintu do er maridan d’ong-linganji gante do dane bara lumte d’ong-lingan.

Ite dele jangan U’an Kitungan amangba dakunaben dete, kun batte Janggardage a banantongan awrte. Iten asan Josep Pitun adlumad? Janggardadage a banantongan adakule asan amang-lingan. Kun Janggardadage a banantongan a d’ongan dongrable. Josep gamete, “Anten asan hen yan gamle kan dakkadne a surda pintun Kitungan abmele asanggemle pintun rapti lumai?” (Aparamangtan 39:9).

Butteja adnogandieji “Marid Kitungan gijgijten gamle. Yangam kan er marid lingan basule dakunai? Yangam Kitungan abanandrap hen gijai? Atimangba saring hen sanartudan delihenden iten ambrij dete?” pintun. Tanahimdam Kitungan a onagji, Janggardadage a banantongan d’ongben marid abmete. Anappai Pol gamete, “Anten asan e tanimyimdam mar-henji, kani a sanibdaiberanji a hanglaben asan, d’ongan do janggarda-lenji dile pansardi baran saring jaba abardamnaba, do Kitungan a banantongan asan ranoitadan abhadabnaba” (2 Korintia 7:1).

Kinolbe absele: “Kitung-ben adeben asan Misor desan saring d’ong-ben amdungle urunglabenan Hen na; anten asan amben mariddam deba. Iten asan gamlenden Hen mariddam” (Lebi 11:45).