July 29 – Hoshiyar!

Philippines 3:2 kutta khan pora hoshiyar thakibi, bia kamkhan pora hosiiyar thakibi, jun manu khan gaoke kati kene ulai thake taikhan pora hoshiyarthakibi.

Pobitro kothate, apuni khan karone bhal kotha khan likhi kene ase; aru tate kosom khan bi likhi kene ase itu ke dhuri kene thakibole, ashhirbad juntu pora amikhan ke khushi diye itu bi ase. Aram diya laga kosom bi ase. Aru itu logote kisuman kotha khan ase jitu amikhan ke hoshiyar kure.

Itu uporte thaka verse te koi, “kutta pora hoshiyar”. Yate itu kotha ‘kutta’ koa tu hoile janwar laga adat ke koi ase. Apuni khan ke mata tu mitha atma laga adot khan ke lobule nimite mamtishe. Proverbs 26:11 ekta okra manu duibareki okkora kam ke kori ase koile ekta kutta bommi kori kene arubi jai kene utu bomi ke kha nisina ase. Romans 6:2 kitya bi nohoi!amikhan pap kora nimite morise;tini hole amikhan kinika pora itute zinda thakibo paribo?

Bhabna kuribi ekta bhera saguli aru gahori khan tu nala te giri jai. Itu saguli tu joldi ulabole kuchis kure, aru nijor laga gao hilai kene sapha kure. Hoilebi gahori tu tate hi thakijai. Judi bi taike ulai diye, tai tu tate hi thakibole bisare. Matthew 7:6 mangibi aru apuni dibo; bisaribi aru apuni pai jabo; matibi, aru apunike khulidibi. Ekta sapha thaka tu kitya moil ate thakibo. Apuni khan duniya ke aru Isor ke khushi kuribo naparibo.

Prophet Isaiah tu sapha thakishe. Hoilebi jitya Isor laga puhor tu tai logote ahishe tai janishe ki tai logote kiman bniya khan ase. Tai dukh korishe, “dukh ase ami karne, kile ami tu nupungcha ase! Kile koile ami tu muk letra ase, aru ami letra muk laga manu majote hi thake.” Isor pora itu biya khan tu Isaiah pora hatai dishe.

Isor pora apuni ke uncha kuribo jitya apuni letra aru letra manu khan ke chari dibo. Pobitro kotha ke koi, 2 corinthians 6:17,18  aru Isor imika koishe, “apuni khan taikhan ke chari dibole lagibo aru tai khan pora alaga hoi kene thakibo lagibo. Ki moila ase itu khan iku bi nokoribi aru ami apuni khan laga lora suwali banai lobo.

Psalms 59:6 tai khan samte wapas ahe; pura taunt e taikhan kutta nishina hala kori kene berai thake. Oh Isor laga bacha khan, apuni khan laga atma tu moila nakuribi biya kothake koi kene aru manu ke niche girai kene.

Aji bhabna kuribole laga pobitro kotha tu hoile, proverbs 13:3 jun manu hoshiyar pora kotha koi tai bachi jai. Bhabona nokori kene kotha koa khan nijeke khotom kori diye.