July 28 – Amben a Yir-rai!

“Bindo amben Sion bwran, am’eng Kitungan a gardan, ruangdage Jirusalemban, do kuduai kuduai ruang pisirdianji amangban” (Ebri 12:22).

Kristu a birinda bangsa, boi boi bangsa birinda. Agante bo mandran Jisu Kristu amangba yirtai, anin anabsitta lingan dakute. Anindaman mainalingan dakute. Anin erahid sanitalingan dakute. Etigoi gijle rabtitabe tinne “Amben a yir-rai.” Uan amanengba a yir-rai? Amben ruangan a birinda-ling a yr-rai do kuduai kuduai ruang pisirdianji amangban. Kan abmele agalamba.

Birinda-ling-len, anlen radudam, radu pisirdianji do langa ganiytan Kirubenji batte. Janggardandage a ganankilan buttete hadab ayamling yirtaji aninji ganankzlbara lumteji. Jajzngante a pisirdianji rablangtenji do sagal-langtenji kun batte jzngle adnadille orde adrengan agatare. Jajzngante a pisirdianji Kitungan batte banahang deleji d’ongle agankzlben abmele! Bibolan gamte, “Bindo engale anidan dele, manan, Kitungan a d’ong a timyimten a mandranji apsele itente Anin oskaieten, antate m’odan aggijad l’udan adnamdangad do mandran a uggarba lingan antate agganad. Bindo Kitungan Janggardan batte antate gadlamlalen” (1 Korintia 2:9, 10).

Nami, ateng mandranji satan ad’ong batongteji, bindo aninji adgalamanji yan am’oihan pisirdianji ampara a birinda. Aninji satan abmele birtinji, sonuman, tonejmaranji do sonum lingan, bindo aninji Janggardadage a pisirdianji abmele karidaliji, ayegang Kitungan tiyaten d’ongle sanuben, abaldungbe do abariben kuddub sonumanji ad’ong.

Agante satan a d’ong ruangan saring anabgadlu dele, anin ampara bo-yagi tardin pisirdianji ruangan saring ordarba galuleji. Bagu tardin ate runagan lingan daku. anten asan, bogad satan d’ongben ayamben aboi sonuman apayaitenden, Kitungan satan a d’ong abarile d’ongben rabte pisirdianji ad’ong apaile bo tardin. Anten asan amben daina ayangte.

Kitunganji a Kitungan aon adelaben asan, Kitungan radu a pisirdianji Janggardadage aganankzlan abmele tiylaben. Janggardadage aganankzlan abmele pisirdianji a d’ong Kitungan banaibiran tiyle. Bindo, amben a yir-ben dete kuduai kuduai ruang pisirdianji amangban.

Bo denna Raja deling Eliya asangemling sanunaben do adakuneten ayer-yer manengba yirleji. Eliya a boanta batongle do gamle, “Ugai, gamang-hen! Anlen iten lumtabe? Amben agalamtepo Eliya iten gameten? “Bantongdong, iten asan gamlenden aninji a mandranji saring anlenate awr daku” (2 Raja 6:15,16).

Kinolbe absele: “Kuduai kuduaianji a Gamangtungan anlen ampara daku; Jakub a Kitungan baradturna-len” (Sanenken 46:11).