July 27 – Mojes a Derna!

“A jardin na a julu lingan itente a bernan anopungan dete, kun abmele bo sakkin a deben asan Mojes gangkilmarge Kitungan a barij s’ing lingan dernadage dele” (Ebri 3:5).

A kznole agijba Mojes a sakkinber. Mojes Kitungan a barij s’ing lingan dernadage dakule do kuddub lingan. Anin Kitungan amangba dernadage dakule do mandranji amang-ling janangan.

Mojes a garamgam “Da’an saring a yiraitenan”. Mojes a karukudan ayam ling, ateng pasijanji Nile jorda lingan kahileji. Bindo Mojes ate Kitungan timyimle asan, da’a-lingan saring urungle do Pharon a sing-ling madrageten. Mojes kun atanimyim adkarida’ad do anin abgugule.

Bibolan gamte, “Dernan batte Mojes danggardalen adnang, Pharon a insalo-onan aon, gamle ahiman a hangben asan asale. Bar pintun a s’zdroitenan a eraman’oihan saring Kitungan a mandranji ampara osantan sanatid samoihan a hangben asan anin sedaeten, Misor desan a kuddub bittin saring Kristun apsele banodbodan a sayeben asan, jznjzn gugu bittin, gamle anin ogalj’e-eten. Iten asan gamlenden anin uhulkuijan a taniytiy ayaman apsele gijgijeten” (Ebri 11:24-26).

Bogad kuddub Bibolan akznol-lenden, amben agalamte Kitungan yangan mandran ad’ong abdainate ate. Agante asui abmele dernadage adete, Kitungan kuddub danne abmele tiybente. Bogad Kitung-lingan kuddub danne abmele dernadage dakuleden, Kitungan ad’ongan ateng danne bara tiyle abdainate do jzbjzbte berte.

Kitungan, Mojes amang-ling a dernna gijle, Israel aonanji ad’ong Misor desan saring Kinani desan sikoija aurungben abmele danne tiyeting. Mojes amang saring anosai beran Israel aonanji ad’ong tiyle. Kitungan ateng rumang bara lumle Misor lingan do hanagod ayamlingan. Bogad Mojes a mandrengna ling gijlabeden, bo birna rabangtabe Kitungan anin abmele sakki atiyte ate kuddub bara lingan.

Kan sattangted, Kitungan gamete, “Do Gamangtungan gameten, Amben berna-Henji amdangba. Bogad amben amang lingan tungmadgij maran dakulenden, Hen anin a d’ong tanalmadan batte Hendam apsuidamtenai, do ganumten batte anin a d’ong bertai. Boanta-Hen Mojes batte ette ted. Anin barij s’ing-ling-Hen dernadage daku. Hen anin a d’ong armukka mukka paledloge arbertai, bar arapsui garamgaman batte ted, bar anin Gamangtungan anabjong mukkan gijte” (Danisam 12:6-8).

Tanahimdam Kitungan a onagji, amben Mojes ambrij dernadage adakulenanden, Kitungan amben batte armukka mukka paledloge arberte.

Kinolbe absele: “bar Anin ampara a dakuten a mandranji ganudingan a tanabngijan deleji, bar deranadage daku” (Anabpungge 17:14).