July 25 – Anlen Bigardanji abdusale raptitabepo!

“Iten asan gamlenden anlen mittub galamtabe” (1 Korintia 13:6).

Mandran a ganalam asui. Asui aganalaman asan yan mandran anadort saile dakuten? Nami, tambigarda asunji atarlantinan ambrij anabdusan bigardanji abmele saile dakutenji do janggarda-dage amandrengna asuile yirte kan ordarlingan. Kan ate kuddub mandranji a galamben dete, kan bibolan iten gamte do aneln iten gamtabe galamben dete.

Jisu Kristun gamete, “Anten asan aman taniytiy-nam aranggaban a panglaian adnang, tetten, buhang-hen iteja abmele asanggemtih, gamle ayimlenden, aranggan adamban kanubtaniytiy-nam dakkua, do abmangan buhang-nam ampara i maina, a tiki kanub-taniytiy-nam kuba” (Mattiu 5:23,24).

Bo mandra sattang danusa hamle raptite asosoling ate, janababan adelen do Kitungan aboantan. Gamlenden kuddub sattang mandradaman. Kan ate aninji abmele ordardage na. anamna do garbera Kitungan aboantanji abmele agante danusa ranabangan dete. Bogad a sanaisajanji amben agalamleden, tangsuiben i mainaba do aninji abmele galamben dete agante atangsoijanji adnang.

Kan ambrij tumadgijmar Nathon lumete Daudo pintu alumete adnang. Tumadgijmar Nathon a birna batte a pintu pingbale do Kitungan amangba yer-rinai. Ejapo? Kan ambrij alumte apanadu, mandranji ampara arbirte, araggaban saring aopunte do danusan kan ambrij abirtenan batte banangsa ade-e bindo satan maih sattang m’oihnten. Anin maih sattang abdusaten buhangleji dele denna do togalan (Anabpungge 12:10). Ejapo?

Ordar lingan amengenlangtenan ate asuidam. Yan ahangrang bogad kana sui ayamling Kitungan a d’ong abgugule a senkenrataben abmele! Yan ahangrang bogad kana sui ayamling pwrardanlenji do janggardanlenji abluben abmele danusanji orde ganalun saring! Bogad bigardan abdusale royongan absi-itlenden, d’ongben anabladladan dete gamlenden Kitungan aroyong er yandrablabe taniyan adele ate.

Mandranji bigardanji ad’ong abdusale dakutenji gamelenden aninji Kitungan ad’ong atimyimaji do aninji anablu abmele adsajaji. Bo biggarda abirna ate bigardaji abmele auggarlinganji juntutiji. Jisu Kristu gamete, “A Bitsaradong” (Mattiu 7:1). Tanahimdam Kitungan a onagji, amben ogandele gijba Kitungan kuddub ayam orde dele denna tiybenten kun ate a taniy-tiyan-na do yadab gamle handrama. Ganarberan batte surpid-damna. Eteden, amebn anabsitan ayangte.

Kinolbe absele: “Aman duaih maranji abmele musaldayimdong; ersz-lum maranji abmele idaldong. Iten asan gamlenden aninji agaban ambrij umeng ganadgadan deteji; aninji abolai-gaban ambrij umeng asarteji” (Sanenken 37:1,2).