July 22 – Aram!

Mark 6:31 jisu logote iman bisi manukhan aha ja kori thake, itu hoikene Jisu aru tai laga chelakhan khabole bi homoi napai. Itu nimite tai taikhanke koise, “ahibi amikhan jaikene kunba jagate ahram kuribo.”

Jisu Krista bi aram aru shanti lage. Tai tu hoile Isor laga Manu ase, aru tai tu Messiah ase junke  Isor pora kosom dishile. Hoilebi, pobitro kotha te koi tai bi aram tu lage. Manukhan toh Messiah aha tu hoile bishi sal tok rukhi thakishe hoilebi Messiah tu bishi olop homoi 33 aru adha sal tak karone hi thakishe prithibi te ministry kuribo karone. Tai tu bishi zimedari thakishe itu komti homoi te pura kuribo karone. Tai tu preach kuribo thakishe. Tai tu town aru bosti khan te bi jabo thakishe aru bimar manu ke bi lok kuribo thakishe.

Jisu Krista koise, John 9:4, “Jiman deri tok din ase ami tai diya kamkhan kori thakibole lage  jun amike pathaishe; joldi rati hobole ase, titia kunbi kam kuribole naparibo.” Jisu tu bishi mon di kene dukh pai kene kam kurishe hoilebi tai nijor laga gau laga dhyan bi rakhi she. Pobitro  kotha te, Jisu Krista koi, “ahibi usorte khali jagate aru olop aram kuribi.” Pobitro kotha te aru bi koi, “bishi manu ahe aru jai itu nimite tai khan tu khabole bi homoi thakanai.” Itu karone Jisu Krista tai laga chela khan ke ahibi aru aram kuribi koi kene koi.

Jisu aram kori thaka homoi te bi manu khan tu tai laga usorte lok kuribile ahe. Mark 6:45 te dikhi pai ki Jisu tu iman achurit pora 5ta ruti aru 2ta mas logote 5000 manu khan ke khilai kene pathai dishe. Aru agla verse te ami khan pure ki jitya Jisu manukhan ke pothai dishe, tai paharte puribole jaishe.”

Aru ministry kura piche, tai tu ahram kuribolejai shanti jaga te. Itu jaga tu Gethsemane garden thakishe. Jitya tai prathana kure, Jisu tu tai laga atma tu notun nishina mehsoos kure, tai laga atma tu tagot pai aru tai laga gau bi bhal hoi jai. Sabi tai jane prathana para hi itu naya nishina tu ane jibon te.

Tai tu tailaga chela khan laga bi dhyan rakhe. Ta tu pahar te uthe tai laga chela khan logote uthe  aru tate laga shanti aram tu janibole diye. Jisu ppora tai khan ke prathana laga tagot dikhaishe. John 19:26,27 Jisu tai laga ama ke saishe aru tai bhal laga chela phine saishe tai lag ama ke koishe, “tai hi apuni laga chokra ase.” Itu pichete tai utu chela ke koishe, “tai apuni laga ama ase!” aru titya pora utu chela Mary ke tai laga ghorte loi jaishe.

Oh Isor laga bacha khan, janibi ki nijor laga atma  aru gau tu hisab te ase. Itu pichete hi apuni khan laga atma aru gau eki logot hi shanti aru poriborton hobo. Itu para hi apuni ke ekta niom pora Isor aha laga jani pabole dibo.

Aj bhabna kuribole laga pobitro kotha tu hoile, Malachi 4:2hoilebi jun manu khan ami laga kotha mani kene thaki ase, suraj laga uthia nisina ami laga bachai diya tagot apuni khan uporte uthibo aru utu ujala pora apuni khan laga sob jokhom khan suraj laga ujala nisina bhal hoi jabo. Jineka ekta guru laga bacha laga gola pora rushi khuli kene taike ajad kuri diye, apuni khan bi inika ajad hobo.