July 22 – Lulunaben!

“Bar Anin gametenji, Bo arznrzng darakunaban asui ayaman a lulunaben asan amben ansale iyaiba” (Mark 6:31).

Jisu Kristun janang a Lulunaben dete. A jardina Anin aboi Kitungan a mandran dakule do Anin na Messiah gamle Kitungan jzbjzbnete. Bindo, Bibolan gamte Anin lulunete. Mandranji 4000 mihnum sikoija Messiah ad’ong omdileji bindo ayaman aduaitenan adnang Messiah yagi mihnum turu angai ordarlingan baraneten. Anin dane baranji lumle takud-deten. Anin mandranji amangba hanangan tiyle. Anin gorjanganji gardanji melgijle. Asumaranji ad’ong maile.

Jisu Kristun gamete, “Uyungan a dakulen adnang appailihen a U’an a baran a lumben detalen. Togalan yertai, antadnang buteja rapti abbaraneji” (Jon 9:4). Jisun ateng lanuman lumle a baran ategoi, Anin anin a d’ongan abmele janang sagaldamnete. Bibolan gamete, “Jisu Gamete ad’ongji “Amandam yirai arznzrnba do bobadi abmele luluna”. Ategoi Bibolan gamte, “Iten asan gamlenden ateng mandranji yirtaji do yirteji, do aninji abmele royogan a gaganaben asan agasa. Anin gamete a hanangna maranji ad’ong “Amandam yirai arznzrnba do bobadi abmele luluna”.

Agante Jisu ansodaman lulunete, mandranji amainaben asan amangba yiraiji. Anin rumang bara lumle moloi rutipu do bagu ayon batte moloi ajar amandranji ad’ong tiyjumle do apaiyetenji (Mark 6:45). Aninji ad’ong apaile atikki Anin baruba yirle do garbernete”.

Baran lumle atkki, Anin a rznrznba yirle lulunete. Kuni na ate Gathsemoni a dudi. Egale Anin garbernete, Anin anindaman himdamnete aboi sayu adete a pwrardan ate. Janggardan radu dele do d’ongan ranadun hangle. U’u. Anin galamete do Garberan batte bangsa himna hangtabe gamle.

Etegoi a hanangna maranji ad’ong janangan sagalete. Anin langka baruba yire aninji ampara do apunge-eten baru lingan abanda abmele. Anin hanangle ranapti garberan batte. Karahidan ayamling janangan, Anin ayangan Mary abmele ja ogandele do anten asan ad’ong Jon amangling surpile (Jon 19:26,27).

Tanahimdam Kitungan a onagji, a galamben dete Janggardan, Pwrardan do d’onganji aluluna. Eteleden janggardandage asanamang do bangsa d’ong ayangte. Kun ambrij Kitungan ayirtahen abmele janang sanayaman a hangte.

Kinolbe absele: “Bindo mang-ling-ben bute bute ahim-Hen bantongteji, amben apsele ranoitadan a uyungan dungte” (Malaki 4:2).