July 21 – Chat Bohag (spring)

Matthew 24:32 dimoru gas mane fig pora hikibi, jitya pata khan te hara rong hoi, norom hoi aru notun pata khan ulai, apuni khan janibole pare, groom homoi ahise.

Bishi botor ahi kene jai ek sal te, sobse mitha aru bhal botor tu hoile chat bohag (spring) ase. Sob manu khan bi itu botor ke hi rokhi thake ahibole nimite.

Chat bohag (spring) botor aha laga agete te toh thanda din thake. Alaga alag jag ate toh borop bi giri thake thanda pora. Itu botor laga homoi te, gas khan laga pata khan bi sob girijabo aru notun ulabole rukhi thakibo, chiriya sob khan bi gorom jaga bisari kene jai. Sudor desh khan bi khali dikhi jai pata khan nathaki kene aru sob toh borop pora hi bhota hoi kene thake.

Hoilebi jitya thanda din tu khotom hoi jai, chat bohag tu aha shuru hoi jabo. Notun thani khan ulababole shuru hobo. Olop din piche te hi notun pata khan aru phul khan ula shuru hobo. Chiriya khan dur dur pora khushi pora ahi kene thakibo. Manu khan bi notun botor ahate gana kuri aru khushi mania. Ami khan itu bohag laga botor tu, ​‘Songs  of Solomom’ 2:10,13 amike bhal lagia manu ami logote kotha koiaase. Dimoru (fig) guti khan paki ase; angur laga gun khan pora hawa khan bhorta hoi ase. Tini hoile, oh amilaga morom, ahibi; ami bhal lagia maiki ami logote ahijabi.

Isor laga awaz tu tai laga dulhan ke matia tu khali bohag te huni bo kile koile ami khan laga Isor wapas aha tu hoile notun jibon loi kene ahibo. Itya bujibi Matthew 24:32 te likhi kene thakaia tu

Dimoru laga gas tu hoile Jews lhan laga nishani ase. Itu tai khan laga sorkari jibon ke dikhai. John Baptist para chetavni di ase Matthew 3:10 sob gas khan katibole laga homoi hoise , aru juntu gaste thik pora guti dhorianai utu gaske kati kene jui te dhali dibo.  Hoilebi jitya Isrealites khan pora Isor laga kotha mana nai titya Isor laga dao tu tai khan uporta girishe 70AD te. Jews khan tu alag alag hoi jaishe. Tai khan ke Isreal pora ulai dishe.

Isor jania manu khan pora  rukhi thakishe judi itu gas te notun phul ulai kene guti dhuribo nai nai aru tai khan nijor jaaga te wapas ahibo na nai. 19 century jai jaishe. Itya tu homoi hoi jaishe  gaste notun thani ulabole. 14th May 1948 te Isrealites khan freedom paishe aru notun pata aru phul lagibole dhurishe, aru tai khan laga bohag notun botor tu ahi jaishe. Oh Isor laga bacha kahn, Isor pora apuni ke mati ase itu koi kene, uthibi, ami laga morom aru ahi jabi.

Ezekiel 38:7 taike tayari thakibole kobi aru tai laga sob sipoi khan ke tayari thakibole koidibole kobi.