July 19 – MATHAK MAKHA ONTHOKPIDRABA….!

“ Ephraim masamak atopopa jatsingga tinnnakhre, Ephraim asi mathak makha onthokpidraba tal mapak amagum oire.” (Hosea 7:8).

Israel gi manung da sagei  taranithoi leirammi aduga Iswarna Ephraim asi ‘mathak makha onthokpidraba tal’ gumna maming panbikhi. Masigi wahei asina eikhoibu  isana isabu     chang toubada mateng pibi.

Eikhoina mapham asida cake haiba asigi khudam sijinnadabida eikhoigi context ta ‘Dosa’ asi oina  sijinnasi. Dosa semba matamda asaba khang manung aduda hanna thao teiraga mahi langna totlaba  yam( moida or ata) adu khang manung aduda heijinnabani. Stove gi meisagi mapanna dosa adugi nakan amadu munba hourakkani. Madugi matungda dosa adu mathak makha onthokpigani. Maduda dosa adu ahaoba chinjak ama oirakkani. Karigumba dosa adu mathak makha onthokpidrabadi dosa gi nakan amadu mundana leihourani.

Thawaigi punshida saruk ani lei. Saruk amaduna Iswarna eikhoigi damakta kari toubibage haiba asini aduga anisuba saruk aduna eikhoina Iswargi damakta kari toupham thokpage haibasini. Kana gumba mi kharana di Iswarna makhoigi damakta toubigadaba adu khakta niraga leigani. Makhoina bor, lousing, anabadagi kanbinaba adugi damakta nijagani. Madu loinamak adu Iswarna piba ngambani.

Aduga makhoina Iswargi damakta kari tougani haiba makhoigi thoudang adu kaothokkani. Eikhoina Iswarbu nungshigadabani, Iswarda pigadabani, Iswargi machagumna hinggadabani, aduga Iswargi yathang khudingmak pu ngakkadabani. Adubu masigumba mising asina madugumba sing aduda thoina machangi haina louroi. Masigumba mising asi mathak makha onthokpidraba tal aduni.

Solomon ningthouda yengbiyu. Mahakna Iswardagi lousing niba matamda Iswarna mahakpu lousing khakta natana, mahakpu lanthumsu, aduga Solomonna niramdaba matik magnal amadi panggal su pibirammi. Adubu Solomon aduna awangba maphamsing sagatlaga atoppa  iswarsingda iratpot katlaga Iswarbu thawai nungaihankhide.  Aduna Solomon adu mathak makha onthokpidraba tal aduni.

Aduga Bible gi manungda atoppa tal makhal amasu uba phangi. “… Barley gi tal amana Midian gi lansangda ontharaktuna phiyum youbada maduna phiyum adu thengjinbada ture amasung adu mathak makha onthokle, maduda phiyum adu  taduna leirammi.” (Judges 7:13). Barley gi  tal amana Midian gi phiyum adu tuhanbada asukki matik panggal leirammi. Madugi maram di tal adu nakan    animak mullaga leiba tal mapak amani.

Nakan amada nahak Thawai Asengba da thangadabani. Nakan amada nahak  Iswargi meida thangadabani. Nahakpu senghannabagi  damakta Iswarna nahakpu Thawai Asengbada thao noibire. Nahakna yeknabagi lanbansing adu thugaiba ngamnaba Mahakna nahakpu thao noibirabani. Nungshiba Iswargi machasing, nakhoi mathak makha onthokpidraba tal oiroigadabani adubu nakan  animak mullaba tal oigadabani. Madudata nahakna yeknabagi panggal thugaiba ngamgani aduga lan ngamba adu oirakkani.

Dhyan togadaba: “ Eihak hingbagi tal aduni…kanagumba mi amana masigi tal asibu charabadi mahak lomba naidana hinglagani.” (John 6:51).