July 16 – Tai jun hi amikhan logote ase!

Isaiah 41:10 bhoi nakoribi, ami apuni  khan logote ase! Ami apunikhan laga Isor ase,ikubi apuni khan ke bhoi lagibo nadibi! Ami apuni khan ke takot dibo aru apuni khan ke modot kuribo aru apuni khan ke bachai kene rakhibo.

Isor toh ami khan logote berai ekla nohoi kene ami khan logote thake. Tai ami khan logote berai aru ami khan ke kitya bi nachare. Tai laga naam tu Emmanuel ase jitu laga matlab tu, “ami khan logote ase” ulai.

Bishi amnu pora Biswas nakure ki Isor tu ami khan logote ase, tai khan bhabna kure ki Isor tu amikhan pora dur ase. Tai khan itu hi bhabna kure ki Isor tu amikhan logote nai. Tai tu khali pobitro duth (angels) khan llogote hi thakibo. Tai tu khali cherubim (sobse dangor angel) aru seraphim (sobse chutu angel) khan logote hi thakibo. Tai tu khali charta janwar aru 24 ta swarga laga dangor thake. Itu bhabna thaka karone ami khan Isor amikhan logote thaka tu mehsoos nakure.

Isor tu swarg te thaka ase. Hoilebi Isor tu apuni khan laga usorte ahe jitya apuni taike atma arum on pora loi  aru taike Biswas kure. Jitya apuni tai laga nam uncha kure, tai tu nam uncha kura jag te hi thake.

Sobse dangor kosom Isor pora ami khan ke pobitro te  diya tu ami khan logote thakibonkua tu pai. Ami khan itu kosom tu biswasi sob khan laga jibon te dikhi pai. Itu karone ami khan tu aag barhi kene jabole pare aru Isor karone dangor danngor kam kuribole pare.

Joshua 1:5 Joshua jiman din tok apuni thakibo kunbi apuni ke harabole naparibo. Ami jineka Moses logote asile thik ineka ami apuni logote thakibo. Ami hodai apuni logote thakibo; ami apuni ke chari kene kityabi najabo.

Ki karan thakishe Jisu lga chela khan pora ekbar tu mana kurishe aru hoilebi Isor laga kosom tu bhabna kuri kene dangor dangor kam kurishe Jerusalem te? Kinika tai khan iman hazar mon atmake jitibole parishe? Itu Isor laga kosom ekla hi ase. Matthew 28:20 aru ami apuni khan ke ki ki hikaishe tai khanke itu khanke sob hikabi. Aru ami apuni khan logote sob homoi te thakibo. AMEN! Tai khan Isor laga kosom pora hi dangor kam kuribole parishe.

Oh Isor laga bacha khan, Isor laga kosom te inika koi, “ bhoi nokoribi ami apuni khan logote ase; bhoi nokoribi ami Isor ase.” Jitya Isor apuni khan logote ase apuni kile bhoi kore?

Aji bhabna kuribole laga pobitro koth tu hoile, “aru ami moria laga Chaya lag restate jailebi ami biya khan ke bhoi nalage, kile koile apuni ami logote ase; apuni laga khuri aru apuni laga lathi ami laga mon  dangor kuri thake.