June 30 – ASHIRBAAD

1 Samuel 26:25, Saul David ke koise, “Oh amilaga chokra, Isor apuni ke asish dibo! Apuni ji koribole jailebi paribo!”

Itu achurit pobitro kotha laga verse te isor laga kosom ekta para ekta dikhi pai. Kiman bi khushi jitya pobitro kotha te koi, “apuni ke asirbaad ase, apuni tu dangor kam kuribo aru itu hodai din thakibo.

Apuni judi itu ashirbad khan ke babna kuribo aru isor ke jani kena tai kotha manibo, apuni Khan bi itu ashirbaad pabo. Raja Saul tu David ke morabole kotha bhabna kuri loisile aru tai ke bisari thakishe. Jungle te thaka homoi te Saul tu bhagor lagi kena tate hi ghora gari usor te ghumai jaishe. David aru tai laga kam kora sipahi laga dangor Abishai para bi dikhishe.

Abishai David ke Sai kene koishe, 1 Samuel 26:8,9 aji rati Isor apunilaga dushmanke apunilaga hathte didise. Itia ami taike tailaga nijor jamphol pora ekbarte marikene matite khundi dibo; ami duibar maribole nalagabibo!” Hoilebi David taike koise, “Apuni taike olopbi jokhom koribole nalage! Jehova junke bisarikene raja banaise utu rajake junbi jokhom kuribo jehova taike saja dibo.

David aru Abishai para Saul laga jamphol aru pani laga jar tu loiloishe. Aru kun bi dikhanai.

Jitya Saul janibo paishe ki isor para taike David laga hath te bi didishe maribole hoile bi David para maranai. Titya Saul para David ke koishe, 1 Samuel 26:21 “ami galti korise. Oh David! Ami laga chokra wapas ahibi! Ami apunike aru kityabi maribole nabisaribo  kilekoile aji rati apuni amilaga jibon bachai dishe. Ami ekta okora nisena korise! Ami ekta bisi beye kam korise!”

Itu ekla nohoi kena Saul tu David ke ashirbaad dishe itu koikena ki, “oh amilaga chokra Isor apuni ke asish dibo! Apuni ji koribo jaile bi paribo aru itu kam tu hodai din thakibo.”

Oh isor laga bacha Khan, judi apuni tu ashirbaad pabo mon ase itu dangor Isor para itu nishina kotha te hi, toh apuni laga hath tu isor para chuni loa Khan ke dibi. Isor para chuni loa Khan laga beya nakobi aru nalikhibi kilekoile Isor laga suku te tai Khan ke alag morom ase. Oh isor laga bacha Khan tai para apuni laga dushman ke bi apuni ke modot kuribo banai dibo. Kun ke bi biya pabo nidibi.

Khali satan hi apuni Khan laga beya kore, manu Khan para nohoi. Itu karone apuni Khan laga jhagra tu satan logot ekla hobo lage, manu logot nohoi.

Aj bhabna kuribo laga pobitro kotha tu hoile Proverbs 16:7 apuni jehova ke khushi kuribo parishe koile apuni laga dushman Khan bi apuni laga sathi hoi jabo.