June 28 – Gamang Kitungan Abpunggete!

“A jardi gamle Gamang Kitungan Anin itente a lumben ogandite, antate Anin a tungmadgij boanta maranji a d’ong adnopungen sikkoija Anin iteja adlume” (Amos 3:7).

Agante a surpidamte Kitungan a bara lumben abmele do lumba iten amben lumben a itsumte, Kitungan anabsittang a tiybente ate murdadam do boi boi bangsadam. Anin abpunggete a sosobiranji a boanta maranji amang.

Titte ateng a sosobiranji do ganitan adeling a birnaji bibolingan daku. Kitungan anappai pol amang apungge-ete, anin anindaman gudingle “Kitungan a r’uberan a gumastanji ambrij” Oo. Kuddub er giytabiranji a boantanji batte anabpungge dete.

Sodom anabs’zdan apsele buteja ganalaman adee-ed kun gadalingan. Bindo Kitungan Abraam saring anabsosoad. Kitungan Sodom anabs’zdan asan a yirahen adnag Abraam amang abpunggeeten do gamle, “Hen itente lumben itsumtai, antate Abraam a d’ong er opunglabe absosoai po” (Aparamangtan 18:17).

Agante Kitungan batte arbirte aririmona batte garberna, Anin janang aman batte arbirte. Ettegoi, Anin mangnam janang a sosojanabanji do birnanji apunggete. Iten Pharaoh a ganumte dakule, buteja adgalamadji. Buteja oplingle arabtiedji iten ate gulji tangliyanji do gulji ajang ajang do er agodgodge a tangliyanji. Bindo Kitungan kun ate Josep amang apunge-eten, aboanta amang.

Kun ambrij. Raja Nebakadnejar ganumte giyle bo surda kundajang giytale, do kan apsele iten gamle anin kudinete. Buteja ganalam maran adhangad aganumte gadlamben asan. Bindo Kitungan kun atogal-ling Daniel amang absuile. Bogad Kitungan a d’ong timyimlenden abara luma, anin absuidenten Janggarda-dage abirna.

Anaippai Jon a mandrengna giyba,  Kitungan a d’ongan timyimle do kuddaub a sosobirnanji absuile. Anin Patmos agorjaling orungle do nami, adeten do akuddub birnanji abpungele, ruagan aribzn. Tanahimdam Kitungan a onagji, mangbaben janang Kitungan absuite, kuddub a sosobiranji. Asanidttan yangba do a baran ganugu batte lumba.

Kinolbe absele: “Bindo gardinji, gamle Hen gamtaben. Iten asan gamlenden itente Hen U’a-Hen saring amdanglai, antate kuddub Hen gadlamlaben” (Jon 15:15).