June 26 – Anin Abawrben dete!

“Lanangkaban saring a yeraiten a Mandra, kuddubanji saring murdadam. Anin abawrben dete, do henate abasuiben dete na” (Jon 3:31,30).

Jisun Kristun asakibiran tinne inslon amang saring karukudan, tite ejaja ganugu biran agasa tabubdan Jon sadle. Bindo, tabubdan Jon amang giyba. Anin bo bangsamar dakule, bo surda kitungan asakkimar, anin kitungan amang lagad-damling dakule do gamle, “Anin abawrben dete, do henate abasuiben dete na”.

Iten asan tabubdan Jon kan a birna gamete? Bibolan gamte, “Lanangkaban saring a yeraiten a Mandra, kuddubanji saring murdadam. Ordaran saring a delen a mandra, ordar maran na daku, do ordar beran oblengte. Ruangan saring a yeraiten a Mandra kuddubanji saring murdadam” (Jon 3:31).

Bo denna, Sadhu Sunder Singh Trivandrum melgiyle Kitungan a bara asan. Titte, bo banagi inslon amangan yirle do hedaling, akapadalingan adakulen akahid apasijang abmele hedaling. Amadagiyle sadhu dukadale. Sadhu kun pasijang panle do kitungan amangba garberle. Kitungan garberan amdangle do pasijang ayarmengle. Pasijang amadan rile do ayangan amang magangle. Erahid mano’ihan hangle ayangbojang.

Kun inslon Sadhu Sunder Singh ajingba, tudumle do gameten, “Agya, amang Kitung-hen. Amangna jadirn-na Kitungan. Amangna pasid-hen abmehenle.” Sadhu Suder Singh a ugar dukadale. Anin inslon a d’ong gamete hen aboi mandra do Kitungan maihan rumang bara lumle. Bindo inslon abirna erandanglabe a d’ongan abgugule dakunete.

Sadhu Suder Singh a ugaran aldungle do Kitungan a d’ong gamete, “Kitung, amangna kitung mandrengna lingan. Kan ate amang maihn a yermengle a pasid. A himlingnam yermengle. Kan ate a jadirna, kan inslon janadin erjalabe do d’ong’on-hen abgugutei. Tamading do inslon ja tamada. Kitung, bogad mandranji anegoi abgugutiyji, rumang bara mang-hen saring table sidha.”

Kitungan a d’ong abguguba do lagad-damnaba! Kitungan sattang maih murdadam biridanamji do baralingben. Agaja amabendaman a langkadamdongne. Kitungan amang mandranji urugaiba. Etteden, Kitungan ganugu yangte do absittabenten. Garbernaben anegoi deben dete “Anin abawrben dete, do henate abasuiben dete na” ugarlingben dakuben dete.

Kinolbe absele: “Ettegoi na mang-ling-ben adde-e. Bindo mang-ling-ben butente murda a deben itsumte, anin gangkil mar-ben de-ete” (Mattiu 20:26).