June 22 – Sundor te bhal

Song of Solomon 5:10 amilaga morom sundor ase aru takot thakia, dos hazar bhitorte tai ekjon ase.

Bishi manu Jisu Krista laga usorte ahe tai ke lok pabo nimite. Tai ke lok paa pichete hi tai laga kotha kobo pare. Tai kinika ase dikhibole aru tai laga naam uncha kure itu koi kena ki, “ami laga morom tu boga ase bhal ase aru  dos hazar te tai hi dangor ase

Tai boga ase itu karone pobitro kotha te taike boga lily phul logote milai. Boga lily phul kote phule tate tai laga gun bhal to sob jagate sungi bo pare itu nisina hi jisu Krista bi kote jonom hoise tate pobitro kotha anise.

Lal rong tu hoile isor laga balidan laga nishani ase aru tai laga blhun phela Calvary te. Jisu tu bishi morom laga ase, tai nijor ke itu khun para hi, cross te ami khan ke sapa kuri dishe. Jitya b ami khan itu lalbronf ke Sai, jisu para ami khan nimite duk paa tu bhabna kuri kena ami khan laga mon bhorta kuri diye.

Jisu tu isor laga chokra ase aru manu laga chokra ase. Tai hi ami khan nimite kotha kuribo, baba Jehovah laga dyna hath te bohi kena. Tai hi ami khan ke pap para mukti dibo.

Ami khan ke bachai diya jisu ke sabi. Tai tu boga aru dos hazar laga malik ase hoile bi tai ami khan karone hi ase. Itu homoi para jitu homoi te apuni nijor ke tai laga hath te dishe. Kiman bi dangor asish ase na jitya jehova koishe, Isaiah 66:1 te swarg ami laga bohibole jaga ase aru prithibi ami laga theng rakibole jaga ase. Tinihole apunikhan ami nimite kineka ghor bonabole paribo, kineka jagate apuni Khan ami ke rakhi bole paribo?

Oh isor laga bacha Khan, jodi apuni, ami khan ke bachai diya laga aru mon laga raja ke lobo, apuni laga mon tu morom para hi bhorta hoi jabo. Tai para swarg laga khushi apuninke dibo. Tai para hi apuni ke pobitro banabo aru apuni mon bhitor te morom anibo. Tai apuni ke khas banabo.

Aji bhabna kuribo laga pobitro kotha tu hoile 1 Timothy 3:16 ase, ami khan laga dhorom sob para asol ase, itu nohoi koi kena kunbbi kobole naparibo, tai manu nisina hoi kene ahise, atma taike thik ase koise, aru dut Khan taike sabole paise, gentile jati khan ke tai laga kotha koise, pura prithibi laga manu Khan taike Biswas korise, aru taike swargte loijaise.