Jan 03 – NOTUN DHAN LAGA DAAN!

Leviticus 23:16 “apuni dibo notun dhan laga ISOR ke”

Notun saal te, jitya Isor notun kore sob, Tai icha kore ki apuni daan dibo lage notun dhan laga hodai din. Isor pora dishe sapha niom khan bacha kha  ke Israel laga jola daan laga numbers 29:6 te.

Apuni seva koribo lage Isor ke hodai din (psalm 68:19). Apuni poribo lage aru bhabna koribo lage kotha te Isor laga hodai din laga hisab te (Acts 17:11). Apuni  prathana koribo lage  hodai din (Psalm 88:9). Apuni rokhibo lage Isor laga bhori te hodai phujir (Proverbs 8:34). Aru apuni khan ekta daan dibo lage Isor ke lagatar (Numbers 29:6).

Purana niom laga homoi te, manu khan ane bishi kisim laga daan mondirte Isor laga, rakhe tai khan ke pander laga agete aru bonai ekta daan dhip te rakhi kene. Hoilebi itu rit aji laga din te nalage. Daan logote Jisu Krista laga   calvary laga Kruste, sob purana riti  khan ke bodlikorishe pura.

Toh, ki ase daan juntu apuni kore hodai din laga hisab te, Notun Niom laga homoi te? Sobse poila, apuni daan koribo lage niijor ke ekta jinda daan te Isor laga mondirte? Chela paul pora  like: “Ami bisare apuni ke itu karone, bhai khan, daya pora hi Isor laga, ki apuni diye apuni laga gau ke ekta jinda daan te, pobitro, Isor mana laga, juntu  ekta kimti seva ase” (Romans 12:1).

Hodai din, apuni dibo lage sob bhag khan ke apuni laga gau laga dhip te isor laga, pura biswas te aru prathana te. Apuni sapha koribo lage apuni laga suku, apuni laga hath khan, apuni laga dimag aru bhabna khan, aru dibo lage tai khan ke Isor ke.

Chela paul koi: “Ami bali charishe Krista logote; itu kiman deri tok ase ami nahoi, hnoilebi Krista jiyai ase ami te; aru jibon juntu ami jiyai ase gau te biswas te putro  te Isor laga, jun morom korishe ami ke aru dishe ami ke Nijor kea mi nimite” (Galatians 2:20).

Hodai din laga daan nimite diya nijor ke hodai din icha te  Isor laga. Apuni morai dibo lage apuni laga  nijor icha ke, nijor motlob ke aru papi adot ke.

Chela Paul  koi: “Ami mane, ghamand kori kene apuni te juntu ami ase Krista  Jisu ami khan laga Isor te, Ami more hodai din”.(1 Corinthians 15:31)

Isor laga bacha khan, nijor ke daan kora ke chari kene Isor laga dhip te hodai din hisab te,a puni pabo lage achurit morom Krista laga jun daan korishe nijor ke krus te apuni laga bodli te, hodai din nimite. Aru barhibi Tai laga roop te aru adot te. Hobole dibi moro Krista laga jinda apuni te!

Aji bhabna koribole laga pobitro kotha tu hoile Luke 9:23 “judi kunuba icha kore ahibole Ami piche, charibole dibi tai nijor ke aru uthabole dibi tai laga krus hodai   din aru piche koribole dibi Ami ke”.