ਮਈ 20 – ਚੁੱਪ ਦੀ ਉੱਤਮਤਾ!

“ਮੈਂ ਚੁੱਪ ਕੀਤਾ ਗੂੰਗਾ ਹੋ ਗਿਆ, ਅਤੇ ਭਲਿਆਈ ਤੋਂ ਵੀ ਚੁੱਪ ਵੱਟ ਛੱਡੀ”(ਜ਼ਬੂਰਾਂ ਦੀ ਪੋਥੀ 39:2)।

ਇੱਕ ਵਾਰ ਇੱਕ ਰਾਜਾ, ਆਪਣੇ ਸ਼ਾਹੀ ਹਾਥੀ ਉੱਤੇ, ਸਾਰੇ ਰਾਜ ਪ੍ਰਤਾਪ ਸਣੇ ਸਵਾਰ ਸੀ। ਰਾਜੇ ਨੂੰ ਉਸਦੀ ਸਵਾਰੀ ਉੱਤੇ ਦੇਖ ਕੇ, ਇੱਕ ਛੋਟੀ ਜਿਹੀ ਚਿੜੀ ਨੇ ਮਜ਼ਾਕ ਵਿੱਚ ਉਸਨੂੰ ਪੁੱਛਿਆ: ‘ਕੀ ਤੁਸੀਂ ਇੱਕ ਪੈਸਾ ਲੈਣਾ ਚਾਹੋਂਗੇ, ਜੋ ਮੇਰੇ ਕੋਲ ਹੈ?’। ਰਾਜੇ ਨੇ ਚਿੜੀ ਨੂੰ ਅਣਦੇਖੀ ਕੀਤਾ ਰਾਜੇ ਨੂੰ ਉਹੀ ਸਵਾਲ ਫਿਰ ਪੁੱਛਿਆ।

ਇੱਕ ਬਿੰਦੂ ਤੋਂ ਅੱਗੇ, ਰਾਜਾ ਇੰਨਾ ਨਾਰਾਜ਼ ਹੋਇਆ ਕਿ ਉਸਨੇ ਚਿੜੀ ਨੂੰ ਉਹ ਸਿੱਕਾ ਦੇਣ ਲਈ ਕਿਹਾ ਅਤੇ ਉਸ ਜਗ੍ਹਾ ਤੋਂ ਭੱਜ ਜਾਵੇ। ਚਿੜੀ ਨੇ ਵੀ ਉਹ ਸਿੱਕਾ ਉਸ ਨੂੰ ਦੇ ਦਿੱਤਾ ਅਤੇ ਝੱਟ ਰਾਜੇ ਨੂੰ ਸ਼ਰਮਿੰਦਾ ਕਰਨ ਲੱਗ ਪਈ ਅਤੇ ਕਹਿਣ ਲੱਗੀ: ‘ਇਹ ਰਾਜਾ ਇੱਕ ਭਿਖਾਰੀ ਹੈ। ਉਸਨੇ ਮੇਰੇ ਕੋਲੋਂ ਇੱਕ ਪੈਸਾ ਭੀਖ ਦੇ ਰੂਪ ਵਿੱਚ ਲਿਆ।

ਰਾਜਾ ਬਹੁਤ ਗੁੱਸੇ ਵਿੱਚ ਆਇਆ ਅਤੇ ਉਸਨੇ ਉਸ ਚਿੜੀ ਨੂੰ ਫੜਨ ਅਤੇ ਉਸਨੂੰ ਸਜ਼ਾ ਦੇਣ ਦੀ ਕੋਸ਼ਿਸ਼ ਕੀਤੀ। ਕਿਉਂਕਿ ਉਹ ਅਜਿਹਾ ਨਹੀਂ ਕਰ ਸਕਿਆ, ਇਸ ਲਈ ਉਸਨੇ ਸਿੱਕਾ ਵਾਪਸ ਚਿੜੀ ਵੱਲ ਸੁੱਟ ਦਿੱਤਾ। ਪਰ ਚਿੜੀ ਰਾਜੇ ਨੂੰ ਸ਼ਰਮਿੰਦਾ ਕਰਨ ਉੱਤੇ ਅੜੀ ਹੋਈ ਸੀ, ਅਤੇ ਉੱਚੀ-ਉੱਚੀ ਚੀਕ ਰਹੀ ਸੀ: ‘ਇਹ ਰਾਜਾ ਇੱਕ ਡਰਪੋਕ ਹੈ। ਉਹ ਮੇਰੇ ਤੋਂ ਡਰਦਾ ਹੈ ਅਤੇ ਉਸਨੇ ਮੈਨੂੰ ਮੇਰੇ ਪੈਸੇ ਵਾਪਸ ਕਰ ਦਿੱਤੇ ਹਨ। ਰਾਜਾ ਬੇਇੱਜ਼ਤ ਹੋਇਆ ਅਤੇ ਹੱਦੋਂ ਬਾਹਰ ਸ਼ਰਮਿੰਦਾ ਹੋਇਆ।

ਜੇਕਰ ਰਾਜਾ ਉਸ ਮਾਮੂਲੀ ਚਿੜੀ ਨੂੰ ਨਜ਼ਰਅੰਦਾਜ਼ ਕਰਦਾ ਰਹਿੰਦਾ, ਤਾਂ ਉਹ ਆਪਣੇ ਮਾਨ-ਸਨਮਾਨ ਦੀ ਰੱਖਿਆ ਕਰ ਸਕਦਾ ਸੀ।

ਇੱਕ ਵਾਰ ਸ਼ਿਮਈ ਨਾਮ ਦਾ ਇੱਕ ਵਿਅਕਤੀ ਰਾਜਾ ਦਾਊਦ ਨੂੰ ਲਗਾਤਾਰ ਸਰਾਪ ਦੇ ਰਿਹਾ ਸੀ। ਪਰ ਦਾਊਦ ਨੇ ਆਪਣਾ ਮੂੰਹ ਨਹੀਂ ਖੋਲ੍ਹਿਆ। ਤਦ ਸਰੂਯਾਹ ਦੇ ਪੁੱਤਰ ਅਬੀਸ਼ਈ ਨੇ ਰਾਜਾ ਨੂੰ ਆਖਿਆ, ਇਹ ਮਰਿਆ ਹੋਇਆ ਕੁੱਤਾ ਮੇਰੇ ਮਹਾਰਾਜ ਨੂੰ ਕਿਉਂ ਸਰਾਪ ਦੇਵੇ ? ਜੇ ਹੁਕਮ ਕਰੋ ਤਾਂ ਮੈਂ ਉਸਦਾ ਸਿਰ ਵੱਢ ਦੇਵਾਂ!” ਪਰ ਰਾਜੇ ਨੇ ਆਖਿਆ, “ਹੇ ਸਰੂਯਾਹ ਦੇ ਪੁੱਤਰੋਂ, ਤੁਹਾਡੇ ਨਾਲ ਮੇਰਾ ਕੀ ਕੰਮ ਹੈ? ਉਹ ਨੂੰ ਸਰਾਪ ਦੇਣ ਦਿਓ, ਕਿਉਂ ਜੋ ਯਹੋਵਾਹ ਨੇ ਉਹ ਨੂੰ ਆਖਿਆ ਹੈ ਕਿ ਦਾਊਦ ਨੂੰ ਸਰਾਪ ਦੇ। ਫਿਰ ਕੌਣ ਆਖ ਸਕਦਾ ਹੈ ਕਿ ਤੂੰ ਅਜਿਹਾ ਕਿਉਂ ਕੀਤਾ?”(2 ਸਮੂਏਲ 16:9,10)। ਇਨ੍ਹਾਂ ਸ਼ਬਦਾਂ ਦੇ ਨਾਲ, ਉਹ ਆਪਣੇ ਰਸਤੇ ਉੱਤੇ ਚਲਾ ਗਿਆ।

ਪ੍ਰਮੇਸ਼ਵਰ ਦੇ ਬੱਚਿਓ, ਜਦੋਂ ਦੂਸਰੇ ਤੁਹਾਡੀ ਨਿੰਦਿਆ ਕਰਦੇ ਹਨ ਅਤੇ ਤੁਹਾਨੂੰ ਸਰਾਪ ਦਿੰਦੇ ਹਨ, ਜਾਂ ਤੁਹਾਡੇ ਉੱਤੇ ਝੂਠੇ ਇਲਜ਼ਾਮ ਲਗਾਉਂਦੇ ਹਨ, ਜਾਂ ਤੁਹਾਡੇ ਬਾਰੇ ਅਫਵਾਹਾਂ ਫੈਲਾਉਂਦੇ ਹਨ, ਜਦੋਂ ਉਹ ਤੁਹਾਨੂੰ ਸ਼ਰਮਿੰਦਾ ਕਰਦੇ ਹਨ ਅਤੇ ਤੁਹਾਡਾ ਮਜ਼ਾਕ ਉਡਾਉਂਦੇ ਹਨ – ਕਦੇ ਵੀ ਆਪਣਾ ਧੀਰਜ ਨਾ ਗੁਆਓ ਜਾਂ ਚਿੜਚਿੜੇ ਜਾਂ ਗੁੱਸੇ ਨਾ ਹੋਵੋ।

ਆਪਣੀਆਂ ਸਾਰੀਆਂ ਮੁਸੀਬਤਾਂ, ਚਿੰਤਾਵਾਂ ਅਤੇ ਬੋਝ ਪ੍ਰਭੂ ਦੇ ਚਰਨਾਂ ਵਿੱਚ ਸੁੱਟ ਦਿਓ ਅਤੇ ਚੁੱਪ ਹੋ ਜਾਵੋ। ਅਤੇ ਪ੍ਰਭੂ ਵਿੱਚ ਅਨੰਦ ਮਨਾਓ ਅਤੇ ਉਸਦੀ ਉਸਤਤ ਕਰੋ। ਤੁਸੀਂ ਕਦੇ ਵੀ ਸ਼ਰਮਿੰਦਾ ਨਹੀਂ ਹੋਵੋਂਗੇ।

ਅਭਿਆਸ ਕਰਨ ਲਈ – “ਮੂਰਖ ਨੂੰ ਉਹ ਦੀ ਮੂਰਖਤਾਈ ਦੇ ਅਨੁਸਾਰ ਉੱਤਰ ਨਾ ਦੇ, ਕਿਤੇ ਤੂੰ ਵੀ ਉਹ ਦੇ ਵਰਗਾ ਨਾ ਹੋ ਜਾਵੇਂ”(ਕਹਾਉਤਾਂ 26:4)।