ਮਈ 16 – ਭਲਾ ਕਰਨ ਦੀ ਉੱਤਮਤਾ!

“ਜੇ ਤੂੰ ਭਲਾ ਨਾ ਕਰੇਂ ਤਾਂ ਕੀ ਤੇਰੀ ਭੇਟ ਸਵੀਕਾਰ ਨਾ ਕੀਤੀ ਜਾਵੇਗੀ”(ਉਤਪਤ 4:7)।

ਪਵਿੱਤਰ ਸ਼ਾਸਤਰ ਸਾਨੂੰ ਪੁੱਛਦਾ ਹੈ, ਜੇਕਰ ਤੁਸੀਂ ਭਲਾ ਕਰਦੇ ਹੋ, ਤਾਂ ਕੀ ਇਹ ਉੱਤਮ ਨਹੀਂ ਹੋਵੇਗਾ। ਇਹ ਸਵਾਲ ਕਿੰਨਾ ਕੁ ਸੱਚ ਹੈ? ਮੈਂ ਪ੍ਰਭੂ ਵਿੱਚ ਇੱਕ ਸ਼ਰਧਾਲੂ ਭੈਣ ਦੇ ਬਾਰੇ ਜਾਣਦਾ ਹਾਂ। ਉਹ ਬਹੁਤ ਦਿਆਲੂ ਸੀ ਅਤੇ ਹਮੇਸ਼ਾ ਭਲਾ ਕਰਨ ਅਤੇ ਦੂਸਰਿਆਂ ਦੀ ਮਦਦ ਕਰਨ ਦੇ ਲਈ ਬੇਸਬਰ ਰਹਿੰਦੀ ਸੀ। ਜਿਸ ਪਲ ਕੋਈ ਆਵੇਗਾ ਅਤੇ ਉਸਨੂੰ ਆਪਣੇ ਦੁੱਖਾਂ ਦੇ ਬਾਰੇ ਦੱਸੇਗਾ, ਉਹ ਉਹਨਾਂ ਉੱਤੇ ਦਿਆਲੂ ਹੋਵੇਗੀ ਅਤੇ ਖੁੱਲ੍ਹੇ ਦਿਲ ਨਾਲ ਉਹਨਾਂ ਦੀ ਮਦਦ ਕਰੇਗੀ।

ਮੈਂ ਬਹੁਤ ਸਾਰੇ ਲੋਕਾਂ ਨੂੰ ਉਨ੍ਹਾਂ ਦੇ ਦਿਆਲੂ ਦਿਲ ਦਾ ਆਪਣੇ ਲਾਭ ਦੇ ਲਈ ਇਸਤੇਮਾਲ ਕਰਦੇ ਹੋਏ ਵੀ ਦੇਖਿਆ ਹੈ। ਉਹ ਦਿਖਾਵਾ ਕਰਦੇ ਹਨ ਕਿ ਉਹ ਬਹੁਤ ਮੁਸ਼ਕਿਲ ਵਿੱਚੋਂ ਲੰਘ ਰਹੇ ਹਨ ਅਤੇ ਉਸ ਤੋਂ ਨਕਦ ਅਤੇ ਹੋਰ ਮਦਦ ਪ੍ਰਾਪਤ ਕਰਦੇ ਹਨ। ਇੱਥੋਂ ਤੱਕ ਕਿ ਜਦੋਂ ਚੰਗੇ ਸੁਭਾਅ ਵਾਲੇ ਦੋਸਤਾਂ ਨੇ ਉਸ ਨੂੰ ਸਲਾਹ ਦਿੱਤੀ ਕਿ ਉਹ ਹਰ ਕਿਸੇ ਉੱਤੇ ਵਿਸ਼ਵਾਸ ਨਾ ਕਰਨ ਅਤੇ ਇਹ ਚੁਣਨ ਵਿੱਚ ਸਮਝਦਾਰ ਹੋਣ ਕਿ ਉਸਨੂੰ ਕਿਸ ਦੀ ਮਦਦ ਕਰਨੀ ਚਾਹੀਦੀ ਹੈ, ਉਸਨੇ ਉਨ੍ਹਾਂ ਸਲਾਹਾਂ ਉੱਤੇ ਧਿਆਨ ਨਹੀਂ ਦਿੱਤਾ।

ਪਰ ਉਹ ਆਪਣੀ ਜ਼ਿੰਦਗੀ ਵਿੱਚ ਕਦੇ ਵੀ ਥੱਲੇ ਨਹੀਂ ਗਈ, ਕਿਉਂਕਿ ਉਸਨੇ ਦੂਸਰਿਆਂ ਦੇ ਲਈ ਜਿਹੜੇ ਭਲੇ ਕੰਮ ਕੀਤੇ ਸੀ। ਪ੍ਰਮੇਸ਼ਵਰ ਨੇ ਉਸ ਨੂੰ ਉਸਦੇ ਆਪਣੇ ਘਰ ਦੇ ਨਾਲ ਭਰਪੂਰ ਬਰਕਤ ਦਿੱਤੀ। ਉਸਦੇ ਸਾਰੇ ਬੱਚਿਆਂ ਦੇ ਵਿਆਹ ਚੰਗੇ ਪਰਿਵਾਰਾਂ ਵਿੱਚ ਹੋ ਗਏ ਅਤੇ ਉਹ ਉੱਚ ਅਹੁਦਿਆਂ ਤੇ ਰਹੇ। ਅਤੇ ਉਸ ਦੇ ਜੀਵਨ ਵਿੱਚ ਅਜਿਹਾ ਉਭਾਰ ਬੱਚਿਆਂ ਦੇ ਭਲੇ ਕੰਮਾਂ ਦੇ ਕਾਰਨ ਨਹੀਂ, ਜਾਂ ਉਹਨਾਂ ਦੇ ਹੁਨਰ ਜਾਂ ਗਿਆਨ ਦੇ ਕਾਰਨ ਨਹੀਂ ਸੀ, ਬਲਕਿ ਸਿਰਫ ਉਸ ਮਾਂ ਦੇ ਪਿਆਰ, ਦਯਾ ਅਤੇ ਦਿਆਲੂ ਦਿਲ ਦੇ ਕਾਰਨ ਸੀ।

ਜਦੋਂ ਤੁਸੀਂ ਯਿਸੂ ਮਸੀਹ ਦੇ ਜੀਵਨ ਨੂੰ ਦੇਖਦੇ ਹੋ, ਤਾਂ ਉਸਦਾ ਦਿਲ ਹਮੇਸ਼ਾ ਇਸ ਗੱਲ ਉੱਤੇ ਕੇਂਦਰਿਤ ਰਹਿੰਦਾ ਸੀ ਕਿ ਉਹ ਦੂਸਰਿਆਂ ਦੇ ਲਈ ਕੀ ਭਲਾ ਕਰ ਸਕਦਾ ਹੈ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਜੋ ਉਹ ਭਲਾ ਕਰਦਾ….”(ਰਸੂਲਾਂ ਦੇ ਕਰਤੱਬ 10:38)।

ਯਿਸੂ ਮਸੀਹ ਨੇ ਕੋੜ੍ਹੀਆਂ ਉੱਤੇ ਤਰਸ ਖਾ ਕੇ ਉਨ੍ਹਾਂ ਨੂੰ ਚੰਗਾ ਕੀਤਾ। ਉਸ ਨੇ ਮਰੇ ਹੋਇਆ ਨੂੰ ਜ਼ਿੰਦਾ ਕੀਤਾ। ਉਸ ਨੇ ਪੰਜ ਰੋਟੀਆਂ ਅਤੇ ਦੋ ਮੱਛੀਆਂ ਨਾਲ ਪੰਜ ਹਜ਼ਾਰ ਲੋਕਾਂ ਨੂੰ ਖੁਆਇਆ। ਅੱਜ ਵੀ, ਉਹ ਭਲੇ ਅਤੇ ਬੁਰੇ ਦੋਨਾਂ ਉੱਤੇ ਬਰਾਬਰ ਮੀਂਹ ਬਰਸਾਉਂਦਾ ਰਹਿੰਦਾ ਹੈ।

ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਪਰ ਭਲਾ ਕਰਨਾ ਅਤੇ ਪਰਉਪਕਾਰ ਕਰਨਾ ਨਾ ਭੁੱਲਿਓ, ਕਿਉਂਕਿ ਅਜਿਹੇ ਬਲੀਦਾਨਾਂ ਤੋਂ ਪਰਮੇਸ਼ੁਰ ਖੁਸ਼ ਹੁੰਦਾ ਹੈ”(ਇਬਰਾਨੀਆਂ 13:16)। “ਕਿਉਂ ਜੋ ਅਸੀਂ ਸਭਨਾਂ ਨੇ ਮਸੀਹ ਦੇ ਨਿਆਂ ਦੇ ਸਿੰਘਾਸਣ ਦੇ ਅੱਗੇ ਪ੍ਰਗਟ ਹੋਣਾ ਹੈ ਕਿ ਹਰੇਕ ਜੋ ਕੁਝ ਅਸੀਂ ਸਰੀਰ ਵਿੱਚ ਕੀਤਾ ਭਾਵੇਂ ਭਲਾ ਭਾਵੇਂ ਬੁਰਾ ਆਪੋ ਆਪਣੀਆਂ ਕਰਨੀਆਂ ਦੇ ਅਨੁਸਾਰ ਉਸ ਦਾ ਫਲ ਭੋਗੇ”(2 ਕੁਰਿੰਥੀਆਂ 5:10)।

ਪ੍ਰਮੇਸ਼ਵਰ ਦੇ ਬੱਚਿਓ, ਕੀ ਤੁਸੀਂ ਆਪਣੀ ਜ਼ਿੰਦਗੀ ਵਿੱਚ ਸਭ ਤੋਂ ਉੱਤਮ ਬਣਨਾ ਚਾਹੁੰਦੇ ਹੋ? ਭਲਾ ਕਰੋ। ਗਰੀਬਾਂ ਅਤੇ ਲੋੜਵੰਦਾਂ ਦੀ ਮਦਦ ਕਰੋ। ਪ੍ਰਮੇਸ਼ਵਰ ਦੇ ਸੇਵਕਾਂ ਦਾ ਆਦਰ ਕਰੋ ਅਤੇ ਉਹਨਾਂ ਦੀ ਸਹਾਇਤਾ ਕਰਨ ਦੇ ਲਈ ਅੱਗੇ ਆਓ। ਅਨਾਥਾਂ ਅਤੇ ਵਿਧਵਾਵਾਂ ਦਾ ਭਲਾ ਕਰੋ। ਜ਼ਰੂਰ ਹੀ ਭਲਿਆਈ ਕਰਨ ਵਾਲਿਆਂ ਦੇ ਲਈ ਮਹਾਨਤਾ ਹੈ।

ਅਭਿਆਸ ਕਰਨ ਲਈ – “ਜੇ ਤੇਰੇ ਵੱਸ ਵਿੱਚ ਹੋਵੇ, ਤਾਂ ਜਿਨ੍ਹਾਂ ਦਾ ਹੱਕ ਹੈ, ਉਨ੍ਹਾਂ ਦਾ ਭਲਾ ਕਰਨ ਤੋਂ ਨਾ ਰੁਕੀਂ”(ਕਹਾਉਤਾਂ 3:27)।