ਮਈ 13 – ਜੇਤੂ ਨਹੀਂ ਹੋਵੇਗਾ!

“ਅਤੇ ਪਤਾਲ ਦੇ ਫਾਟਕਾਂ ਦਾ ਉਹ ਦੇ ਉੱਤੇ ਕੁਝ ਵੱਸ ਨਾ ਚੱਲੇਗਾ”(ਮੱਤੀ ਦੀ ਇੰਜੀਲ 16:18)।

ਸਮੁੰਦਰ ਦੇ ਕਿਨਾਰੇ ਤੇ, ਤੁਸੀਂ ਵੱਡੀਆਂ ਲਹਿਰਾਂ ਨੂੰ ਤੇਜ਼ ਗਤੀ ਨਾਲ ਕਿਨਾਰੇ ਦੇ ਵੱਲ ਭੱਜ ਦੀਆਂ ਹੋਈਆਂ ਦੇਖ ਸਕਦੇ ਹੋ। ਪਰ ਜਿਵੇਂ ਹੀ ਉਹ ਕਿਨਾਰੇ ਉੱਤੇ ਪਹੁੰਚਦੀਆਂ ਹਨ, ਉਹ ਅਚਾਨਕ ਰੁਕ ਜਾਂਦੀਆਂ ਹਨ, ਜਿਵੇਂ ਕਿ ਕਿਸੇ ਇਲਾਹੀ ਸ਼ਕਤੀ ਦੇ ਦੁਆਰਾ ਕਾਬੂ ਕੀਤੀਆਂ ਗਈਆਂ ਹੋਣ, ਅਤੇ ਸਮੁੰਦਰ ਵੱਲ ਪਰਤ ਜਾਂਦੀਆਂ ਹਨ। ਭਾਵੇਂ ਲਹਿਰਾਂ ਲਗਾਤਾਰ ਚੱਲ ਰਹੀਆਂ ਹਨ, ਯਹੋਵਾਹ ਨੇ ਉਨ੍ਹਾਂ ਦੇ ਲਈ ਇੱਕ ਹੱਦ ਤੈਅ ਕੀਤੀ ਹੈ, ਕਿ ਉਹ ਉਸ ਹੱਦ ਨੂੰ ਪਾਰ ਨਾ ਕਰਨ ਅਤੇ ਲੋਕਾਂ ਨੂੰ ਨੁਕਸਾਨ ਨਾ ਪਹੁੰਚਾਉਣ।

ਇਸੇ ਤਰ੍ਹਾਂ, ਪਤਾਲ ਦੀਆਂ ਸ਼ਕਤੀਆਂ ਹਰੇਕ ਮਸੀਹੀ ਦੇ ਲਈ ਸੰਘਰਸ਼ ਅਤੇ ਚੁਣੌਤੀਆਂ ਲਿਆਉਂਦੀਆਂ ਹਨ। ਪਰ ਕਿਉਂਕਿ ਪ੍ਰਭੂ ਹਰ ਵਿਸ਼ਵਾਸੀ ਦੇ ਨਾਲ ਹੈ, ਇਸ ਲਈ ਹਨੇਰੇ ਦੀਆਂ ਉਹ ਸ਼ਕਤੀਆਂ ਕਮਜ਼ੋਰ ਹੋ ਗਈਆਂ ਹਨ ਅਤੇ ਨੁਕਸਾਨ ਨਹੀਂ ਪਹੁੰਚਾ ਸਕਦੀਆਂ ਹਨ। ਯਹੋਵਾਹ ਵਾਅਦਾ ਕਰ ਰਿਹਾ ਹੈ ਕਿ ਹਨੇਰੇ ਦੀਆਂ ਸ਼ਕਤੀਆਂ ਤੁਹਾਡੇ ਉੱਤੇ ਕਦੇ ਜੇਤੂ ਨਹੀਂ ਹੋਣਗੀਆਂ।

ਪਤਾਲ ਦੇ ਫਾਟਕ ਤੁਹਾਡੇ ਵਿਰੁੱਧ ਕੋਸ਼ਿਸ਼ ਕਰਦੇ ਹਨ। ਭਾਵੇਂ ਤੁਸੀਂ ਉਹਨਾਂ ਨੂੰ ਆਪਣੀਆਂ ਸਰੀਰਿਕ ਅੱਖਾਂ ਨਾਲ ਨਹੀਂ ਦੇਖ ਸਕਦੇ ਹੋ, ਪਰ ਪ੍ਰਭੂ ਇਸ ਨੂੰ ਨੇੜਿਓਂ ਦੇਖ ਰਹੇ ਹਨ। ਉਨ੍ਹਾਂ ਦਿਨਾਂ ਵਿੱਚ, ਉਸ ਨੇ ਅੱਯੂਬ ਨੂੰ ਪੁੱਛਿਆ: “ਕੀ ਮੌਤ ਦੇ ਫਾਟਕ ਤੇਰੇ ਲਈ ਪਰਗਟ ਕੀਤੇ ਗਏ”(ਅੱਯੂਬ 38:17)। ਯਹੋਵਾਹ ਤੁਹਾਨੂੰ ਬਚਾ ਰਿਹਾ ਹੈ ਅਤੇ ਮੌਤ ਦੇ ਫਾਟਕਾਂ ਤੋਂ ਤੁਹਾਡੀ ਰੱਖਿਆ ਕਰ ਰਿਹਾ ਹੈ।

ਦਾਊਦ ਦੀ ਜ਼ਿੰਦਗੀ ਦੇ ਵੱਲ ਦੇਖੋ। ਆਪਣੀ ਸਾਰੀ ਉਮਰ ਵਿੱਚ ਉਸ ਨੂੰ ਪਤਾਲ ਦੇ ਫਾਟਕਾਂ ਦੇ ਨਾਲ ਸੰਘਰਸ਼ ਕਰਨਾ ਪਿਆ। ਆਪਣੇ ਸੰਘਰਸ਼ਾਂ ਦੇ ਬਾਰੇ, ਦਾਊਦ ਦਰਜ ਕਰਦਾ ਹੈ ਕਿ ਉਸਦੇ ਅਤੇ ਮੌਤ ਦੇ ਵਿਚਕਾਰ ਸਿਰਫ਼ ਇੱਕ ਕਦਮ ਸੀ। ਹਾਲਾਂਕਿ ਉਸਨੇ ਇਸ ਤਰ੍ਹਾਂ ਦਾ ਜ਼ਿਕਰ ਕੀਤਾ, ਉਸਨੇ ਹਮੇਸ਼ਾਂ ਆਪਣਾ ਵਿਸ਼ਵਾਸ ਸਿਰਫ਼ ਪ੍ਰਭੂ ਉੱਤੇ ਰੱਖਿਆ।

ਰਾਜਾ ਹਿਜ਼ਕੀਯਾਹ ਬੀਮਾਰ ਅਤੇ ਮੌਤ ਦੇ ਨੇੜੇ ਸੀ। ਉਹ ਜਾਣ ਸਕਦਾ ਸੀ ਕਿ ਮੌਤ ਦੇ ਫਾਟਕ ਅਤੇ ਪਤਾਲ ਦੇ ਫਾਟਕ ਉਸਦੇ ਵਿਰੁੱਧ ਵੱਡੀਆਂ ਲਹਿਰਾਂ ਦੀ ਤਰ੍ਹਾਂ ਟੁੱਟ ਰਹੇ ਹਨ। ਉਸ ਨੇ ਪਰਮੇਸ਼ੁਰ ਦੇ ਵੱਲ ਦੇਖਿਆ ਅਤੇ ਕਿਹਾ: “ਮੈਂ ਆਪਣੀ ਅੱਧੀ ਉਮਰ ਵਿੱਚ ਹੀ ਪਤਾਲ ਦੇ ਫਾਟਕਾਂ ਵਿੱਚ ਚੱਲਿਆ ਜਾਂਵਾਂਗਾ, ਕਿਉਂਕਿ ਮੇਰੇ ਰਹਿੰਦੇ ਸਾਲ ਖੋਹ ਲਏ ਗਏ ਹਨ”(ਯਸਾਯਾਹ 38:10) ਪਰ ਯਹੋਵਾਹ ਨੇ ਉਨ੍ਹਾਂ ਸ਼ਕਤੀਆਂ ਨੂੰ ਹਿਜ਼ਕੀਯਾਹ ਉੱਤੇ ਜੇਤੂ ਨਾ ਹੋਣ ਦਿੱਤਾ।

ਪਤਾਲ ਦੇ ਫਾਟਕਾਂ ਦੀਆਂ ਸ਼ਕਤੀ ਨੂੰ ਤੋੜਨ ਦੇ ਲਈ ਪ੍ਰਮੇਸ਼ਵਰ ਨੇ ਸਵਰਗ ਦੇ ਫਾਟਕਾਂ ਅਤੇ ਸੀਯੋਨ ਦੇ ਫਾਟਕਾਂ ਨੂੰ  ਖੁੱਲ੍ਹੇ ਰੱਖਿਆ ਹੈ। ਯਾਕੂਬ ਨੇ ਆਪਣੇ ਸੁਪਨੇ ਵਿੱਚ ਦੇਖਿਆ ਕਿ ਸਵਰਗ ਦੇ ਦਰਵਾਜ਼ੇ ਖੁੱਲ੍ਹੇ ਹੋਏ ਹਨ, ਅਤੇ ਸਵਰਗ ਅਤੇ ਧਰਤੀ ਨੂੰ ਜੋੜਨ ਵਾਲੀ ਪੌੜੀ ਸੀ। ਉਸ ਨੇ ਪਰਮੇਸ਼ੁਰ ਦੇ ਸਵਰਗ ਦੂਤਾਂ ਨੂੰ ਵੀ ਉਸ ਉੱਪਰ ਚੜ੍ਹਦੇ ਅਤੇ ਉਤਰਦੇ ਦੇਖਿਆ। ਉਸ ਨੇ ਉੱਪਰ ਖੜ੍ਹੇ ਯਹੋਵਾਹ ਨੂੰ ਵੀ ਦੇਖਿਆ।

ਪਰਮੇਸ਼ੁਰ ਦੇ ਬੱਚਿਓ, ਯਹੋਵਾਹ, ਜਿਸ ਨੇ ਮੌਤ ਅਤੇ ਪਤਾਲ ਉੱਤੇ ਜਿੱਤ ਪ੍ਰਾਪਤ ਕੀਤੀ, ਤੁਹਾਡੇ ਨਾਲ ਖੜ੍ਹਾ ਹੈ। ਉਹ ਤੁਹਾਡੇ ਲਈ ਬੇਨਤੀ ਕਰੇਗਾ ਅਤੇ ਤੁਹਾਡੀ ਲੜਾਈ ਲੜੇਗਾ। ਅਤੇ ਪਤਾਲ ਦੇ ਫਾਟਕ ਤੁਹਾਡੇ ਉੱਤੇ ਕਦੇ ਜੇਤੂ ਨਹੀਂ ਹੋਣਗੇ।

ਅਭਿਆਸ ਕਰਨ ਲਈ – “ਨਾ ਡਰ। ਮੈਂ ਪਹਿਲਾ ਅਤੇ ਆਖਰੀ ਹਾਂ ਅਤੇ ਜਿਉਂਦਾ ਹਾਂ। ਮੈਂ ਮੁਰਦਾ ਸੀ ਅਤੇ ਵੇਖ, ਮੈਂ ਜੁੱਗੋ-ਜੁੱਗ ਜਿਉਂਦਾ ਹਾਂ, ਮੌਤ ਅਤੇ ਪਤਾਲ ਦੀਆਂ ਕੁੰਜੀਆਂ ਮੇਰੇ ਕੋਲ ਹਨ”(ਪ੍ਰਕਾਸ਼ ਦੀ ਪੋਥੀ 1:17,18)।