ਨਵੰਬਰ 20 – ਉਹ ਕਿੱਥੇ ਹੈ?

“ਜਿਹੜਾ ਯਹੂਦੀਆਂ ਦਾ ਰਾਜਾ ਜੰਮਿਆ ਹੈ, ਉਹ ਕਿੱਥੇ ਹੈ? ਕਿਉਂ ਜੋ ਅਸੀਂ ਪੂਰਬ ਵੱਲ ਉਹ ਦਾ ਤਾਰਾ ਵੇਖਿਆ ਹੈ, ਅਤੇ ਉਹ ਨੂੰ ਮੱਥਾ ਟੇਕਣ ਆਏ ਹਾਂ”(ਮੱਤੀ ਦੀ ਇੰਜੀਲ 2:2).

ਜਿਹੜੇ ਮਨੁੱਖ ਪੂਰਬ ਤੋਂ ਪ੍ਰਭੂ ਨੂੰ ਮੱਥਾ ਟੇਕਣ ਆਏ ਸੀ, ਉਨ੍ਹਾਂ ਨੂੰ ਤਾਮਿਲ ਬਾਈਬਲ ਵਿੱਚ ‘ਵਿਦਵਾਨ’ ਜਾਂ ‘ਜੋਤਿਸ਼ੀ’ ਵੀ ਕਿਹਾ ਜਾਂਦਾ ਹੈ. ਅਤੇ ਅੰਗਰੇਜ਼ੀ ਬਾਈਬਲ ਉਨ੍ਹਾਂ ਨੂੰ ‘ਬੁੱਧੀਮਾਨ ਆਦਮੀ’ ਕਹਿੰਦੀ ਹੈ. ਵਿਦਵਾਨ ਅਤੇ ਬੁੱਧੀਮਾਨ ਆਦਮੀਆਂ ਨੇ ਇਸ ਸੰਸਾਰ ਵਿੱਚ ਆਪਣੇ ਦਿਨਾਂ ਵਿੱਚ ਪ੍ਰਭੂ ਯਿਸੂ ਦੀ ਖੋਜ਼ ਕੀਤੀ. ਅਜਿਹੇ ਵਿਦਵਾਨ ਤੇ ਬੁੱਧੀਮਾਨ ਆਦਮੀ ਅੱਜ ਵੀ ਪ੍ਰਭੂ ਨੂੰ ਖੋਜਦੇ ਹਨ.

ਪ੍ਰਭੂ ਦੀ ਖੋਜ ਕਰਨਾ ਬੁੱਧੀਮਾਨ ਆਦਮੀਆਂ ਦਾ ਕੰਮ ਹੈ, ਕਿਉਂਕਿ ਪ੍ਰਭੂ ਸਾਰੀ ਬੁੱਧ ਦਾ ਚਸ਼ਮਾ ਜਾਂ ਸਰੋਤ ਹੈ. ਸਿਰਫ਼ ਉਸ ਤੋਂ ਹੀ ਸਾਰੀ ਬੁੱਧ ਅਤੇ ਗਿਆਨ ਨਿਕਲਦਾ ਹੈ. ਪੁਰਾਣੇ ਨੇਮ ਵਿੱਚ, ਬੁੱਧੀਮਾਨ ਵਿਅਕਤੀ ਸੁਲੇਮਾਨ ਵੀ ਕਹਿੰਦਾ ਹੈ; “ਯਹੋਵਾਹ ਦਾ ਭੈਅ ਮੰਨਣਾ ਗਿਆਨ ਦਾ ਮੁੱਢ ਹੈ, ਮੂਰਖ ਹੀ ਬੁੱਧ ਅਤੇ ਸਿੱਖਿਆ ਨੂੰ ਤੁੱਛ ਜਾਣਦੇ”(ਕਹਾਉਤਾਂ 1:7).

ਉਨ੍ਹਾਂ ਦਿਨਾਂ ਵਿੱਚ ਵਿਦਵਾਨ ਖੋਜੀ ਪ੍ਰਭੂ ਨੂੰ ਖੋਜਦੇ ਸਨ. ਅਤੇ ਅੱਜ; “ਹਾਂ ਜੇ ਤੂੰ ਵਿਵੇਕ ਅਤੇ ਸਮਝ ਲਈ ਜਤਨ ਨਾਲ ਪੁਕਾਰੇਂ, ਜੇ ਤੂੰ ਚਾਂਦੀ ਵਾਂਗੂੰ ਉਹ ਦੀ ਭਾਲ ਕਰੇਂ ਅਤੇ ਗੁਪਤ ਧਨ ਵਾਂਗੂੰ ਉਹ ਦੀ ਖੋਜ ਕਰੇਂ, ਤਾਂ ਤੂੰ ਯਹੋਵਾਹ ਦੇ ਭੈਅ ਨੂੰ ਸਮਝੇਂਗਾ ਅਤੇ ਪਰਮੇਸ਼ੁਰ ਦੇ ਗਿਆਨ ਨੂੰ ਪ੍ਰਾਪਤ ਕਰੇਂਗਾ”(ਕਹਾਉਤਾਂ 2:3,4,5).

ਅਸੀਂ ਉਸ ਦੇਸ਼ ਬਾਰੇ ਨਿਸ਼ਚਿਤ ਨਹੀਂ ਹਾਂ ਜਿਸ ਤੋਂ ਇਹ ਵਿਦਵਾਨ ਲੋਕ ਬੈਤਲਹਮ ਪਹੁੰਚੇ ਸਨ. ਕਿਉਂਕਿ ਇਹ ਜ਼ਿਕਰ ਕੀਤਾ ਗਿਆ ਹੈ ਕਿ ਉਹ ਪੂਰਬ ਤੋਂ ਆਏ ਸਨ, ਕੁੱਝ ਸਿਧਾਂਤ ਹਨ ਕਿ ਉਹ ਭਾਰਤ ਤੋਂ ਆਏ ਹੋਣਗੇ. ਕੁੱਝ ਹੋਰ ਸੋਚਦੇ ਹਨ ਕਿ ਉਹ ਚੀਨ ਤੋਂ ਆਏ ਹੋਣਗੇ.

ਹਾਲਾਂਕਿ ਸਾਨੂੰ ਉਨ੍ਹਾਂ ਦੀ ਕੌਮੀਅਤ ਬਾਰੇ ਯਕੀਨ ਨਹੀਂ ਹੈ, ਪਰ ਅਸੀਂ ਨਿਸ਼ਚਿਤ ਤੌਰ ਤੇ ਉਨ੍ਹਾਂ ਵਿੱਚ ਮਹਾਨ ਰਾਜਾ ਨੂੰ ਲੱਭਣ ਅਤੇ ਖੋਜਣ ਦੀ ਵੱਡੀ ਇੱਛਾ ਨੂੰ ਦੇਖ ਸਕਦੇ ਹਾਂ. ਕੀ ਤੁਸੀਂ ਆਪਣੇ ਦਿਲ ਵਿੱਚ ਇੰਨੀ ਵੱਡੀ ਲਾਲਸਾ ਨਾਲ ਭਰੇ ਹੋਏ ਹੋ? ਕੀ ਤੁਸੀਂ ਉਸ ਨੂੰ ਓਨੇ ਹੀ ਜੋਸ਼ ਨਾਲ ਭਾਲੋਂਗੇ ਜਿਵੇਂ ਉਨ੍ਹਾਂ ਨੇ ਕੀਤਾ ਸੀ? ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ; “ਫੇਰ ਤੁਸੀਂ ਉੱਥੇ ਯਹੋਵਾਹ ਆਪਣੇ ਪਰਮੇਸ਼ੁਰ ਦੀ ਭਾਲ ਕਰੋਗੇ ਅਤੇ ਤੁਸੀਂ ਉਹ ਨੂੰ ਪਾਓਗੇ ਜਦ ਤੁਸੀਂ ਆਪਣੇ ਸਾਰੇ ਦਿਲ ਨਾਲ ਅਤੇ ਆਪਣੇ ਸਾਰੇ ਮਨ ਨਾਲ ਉਸ ਦੀ ਖੋਜ ਕਰੋਗੇ”(ਬਿਵਸਥਾ ਸਾਰ 4:29).

ਇਹ ਪ੍ਰਮੇਸ਼ਵਰ ਦਾ ਵਾਅਦਾ ਹੈ ਕਿ ਤੁਸੀਂ ਉਸਨੂੰ ਲੱਭੋਂਗੇ. ਉਨ੍ਹਾਂ ਦਿਨਾਂ ਵਿੱਚ, ਵਿਦਵਾਨ ਅਤੇ ਬੁੱਧੀਮਾਨ ਆਦਮੀਆਂ ਨੇ ਗਲਤ ਜਗ੍ਹਾ ਤੇ ਪ੍ਰਭੂ ਦੀ ਖੋਜ ਕੀਤੀ, ਜਿਵੇਂ ਕਿ ਉਨ੍ਹਾਂ ਨੇ ਆਪਣੇ ਮਨੁੱਖੀ ਤਰਕ ਅਤੇ ਵਿਚਾਰ ਪ੍ਰਕਿਰਿਆ ਨੂੰ ਸਵੀਕਾਰ ਕਰ ਲਿਆ ਸੀ. ਉਨ੍ਹਾਂ ਨੇ ਉਸਨੂੰ ਰਾਜਾ ਹੇਰੋਦੇਸ ਦੇ ਮਹਿਲ ਵਿੱਚ ਲੱਭਿਆ. ਪਰ ਕਿਉਂਕਿ ਉਹ ਪ੍ਰਭੂ ਨੂੰ ਲੱਭਣ ਅਤੇ ਉਸਨੂੰ ਮੱਥਾ ਟੇਕਣ ਦੇ ਲਈ ਬਹੁਤ ਜੋਸ਼ ਨਾਲ ਭਰੇ ਹੋਏ ਸਨ, ਇਸ ਲਈ ਪਰਮੇਸ਼ੁਰ ਨੇ ਉਨ੍ਹਾਂ ਨੂੰ ਬੈਤਲਹਮ ਦੇ ਵੱਲ ਅਦਭੁੱਤ ਤਰੀਕੇ ਨਾਲ ਅੱਗੇ ਵਧਾਇਆ. ਅਤੇ ਉੱਥੇ ਉਨ੍ਹਾਂ ਨੇ ਪ੍ਰਭੂ ਯਿਸੂ ਨੂੰ ਦੇਖਿਆ; ਅਤੇ ਮੱਥਾ ਟੇਕਿਆ ਅਤੇ ਉਸਦੀ ਆਰਾਧਨਾ ਕੀਤੀ.

ਜਿਸ ਤਰ੍ਹਾਂ ਵਿਦਵਾਨ ਬੁੱਧੀਮਾਨਾਂ ਨੇ ਪ੍ਰਭੂ ਨੂੰ ਲੱਭ ਲਿਆ, ਉਸੇ ਤਰ੍ਹਾਂ ਹੀ ਤੁਹਾਨੂੰ ਵੀ ਪ੍ਰਭੂ ਮਿਲ ਜਾਣਗੇ. ਪ੍ਰਭੂ ਨੂੰ ਲੱਭਣਾ ਸਿਰਫ਼ ਇੱਕ ਵਾਰ ਦਾ ਤਜ਼ਰਬਾ ਨਹੀਂ ਪਰ ਲਗਾਤਾਰ ਦਾ ਤਜ਼ਰਬਾ ਹੋਣਾ ਚਾਹੀਦਾ ਹੈ. ਜ਼ਬੂਰਾਂ ਦਾ ਲਿਖਾਰੀ ਦਾਊਦ ਵੀ ਸਾਨੂੰ ਇਹ ਕਹਿ ਕੇ ਸਲਾਹ ਦਿੰਦਾ ਹੈ; “ਯਹੋਵਾਹ ਤੇ ਉਹ ਦੇ ਸਮਰੱਥ ਦੀ ਭਾਲ ਕਰੋ, ਉਹ ਦੇ ਦਰਸ਼ਣ ਨੂੰ ਲਗਾਤਾਰ ਲੋਚ”(ਜ਼ਬੂਰਾਂ ਦੀ ਪੋਥੀ 105:4).

ਪ੍ਰਮੇਸ਼ਵਰ ਦੇ ਬੱਚਿਓ, ਆਪਣੀ ਜ਼ਿੰਦਗੀ ਦੇ ਸਾਰੇ ਦਿਨਾਂ ਵਿੱਚ ਪ੍ਰਭੂ ਨੂੰ ਖੋਜਣਾ ਕਦੇ ਨਾ ਭੁੱਲੋ. ਜਦੋਂ ਤੁਸੀਂ ਉਸ ਨੂੰ ਆਪਣੇ ਪੂਰੇ ਦਿਲ ਨਾਲ ਲੱਭੋਂਗੇ, ਤਾਂ ਉਹ ਜ਼ਰੂਰ ਹੀ ਆਪਣੇ ਆਪ ਨੂੰ ਤੁਹਾਡੇ ਸਾਹਮਣੇ ਪ੍ਰਗਟ ਕਰੇਗਾ.

ਅਭਿਆਸ ਕਰਨ ਲਈ – “ਯਹੋਵਾਹ ਨੂੰ ਭਾਲੋ ਜਦ ਤੱਕ ਉਹ ਲੱਭ ਸਕੇ, ਉਹ ਨੂੰ ਪੁਕਾਰੋ ਜਦ ਤੱਕ ਉਹ ਨੇੜੇ ਹੈ”(ਯਸਾਯਾਹ 55:6).