ਨਵੰਬਰ 14 – ਪਵਿੱਤਰ ਆਤਮਾ ਦਾ ਵਰਦਾਨ!

“ਜਦੋਂ ਤੁਸੀਂ ਬੁਰੇ ਹੋ ਕੇ, ਆਪਣਿਆਂ ਬੱਚਿਆਂ ਨੂੰ ਚੰਗੀਆਂ ਚੀਜ਼ਾਂ ਦੇਣੀਆਂ ਜਾਣਦੇ ਹੋ ਤਾਂ ਤੁਹਾਡਾ ਸਵਰਗੀ ਪਿਤਾ ਆਪਣੇ ਮੰਗਣ ਵਾਲਿਆਂ ਨੂੰ ਕਿੰਨੀਆਂ ਵਧੇਰੇ ਚੰਗੀਆਂ ਵਸਤੂਆਂ ਕਿਉਂ ਨਾ ਦੇਵੇਗਾ?”(ਮੱਤੀ ਦੀ ਇੰਜੀਲ 7:11)।

ਉੱਥੇ ਪਿਤਾ ਪਰਮੇਸ਼ੁਰ ਦੁਆਰਾ ਦਿੱਤਾ ਗਿਆ ਵਰਦਾਨ ਹੈ, ਅਤੇ ਪ੍ਰਭੂ ਯਿਸੂ ਮਸੀਹ, ਉਸਦੇ ਪੁੱਤਰ ਦੁਆਰਾ ਦਿੱਤਾ ਗਿਆ ਵਰਦਾਨ ਹੈ। ਪਵਿੱਤਰ ਆਤਮਾ ਦੇ ਦੁਆਰਾ ਦਿੱਤਾ ਗਿਆ ਵਰਦਾਨ ਵੀ ਹੈ। ਇਹ ਸਾਰੇ ਵਰਦਾਨ ਤੁਹਾਨੂੰ ਮੁਫ਼ਤ ਵਿੱਚ ਦਿੱਤੇ ਗਏ ਹਨ।

ਦਿਨ ਦੀ ਮੁੱਖ ਆਇਤ ਵਿੱਚ, ਅਸੀਂ ਚੰਗੇ ਵਰਦਾਨ ਅਤੇ ਚੰਗੀਆਂ ਚੀਜ਼ਾਂ ਦੇ ਬਾਰੇ ਪੜ੍ਹਦੇ ਹਾਂ। ਪਵਿੱਤਰ ਸ਼ਾਸਤਰ ਚੰਗੇ ਵਰਦਾਨ ਬਾਰੇ ਕਹਿੰਦਾ ਹੈ; “ਜਦੋਂ ਕਿ ਤੁਸੀਂ ਬੁਰੇ ਹੋ ਕੇ ਵੀ ਆਪਣਿਆਂ ਬੱਚਿਆਂ ਨੂੰ ਚੰਗੀਆਂ ਚੀਜ਼ਾਂ ਦੇਣੀਆਂ ਜਾਣਦੇ ਹੋ ਤਾਂ ਉਹ ਸਵਰਗੀ ਪਿਤਾ ਆਪਣੇ ਮੰਗਣ ਵਾਲਿਆਂ ਨੂੰ ਪਵਿੱਤਰ ਆਤਮਾ ਕਿਉਂ ਨਾ ਦੇਵੇਗਾ!”(ਲੂਕਾ ਦੀ ਇੰਜੀਲ 11:13)।

ਅਸਲ ਵਿੱਚ, ਪਵਿੱਤਰ ਆਤਮਾ ਤੁਹਾਨੂੰ ਪ੍ਰਭੂ ਯਿਸੂ ਦੇ ਵੱਲੋਂ ਮਹਾਨ ਵਰਦਾਨ ਦੇ ਵਜੋਂ ਦਿੱਤਾ ਗਿਆ ਹੈ। ਉਹ ਦਿਲਾਸਾ ਦੇਣ ਵਾਲੇ ਦੇ ਵਜੋਂ ਰਹਿੰਦਾ ਹੈ, ਜਿਹੜਾ ਤੁਹਾਨੂੰ ਆਰਾਮ ਦਿੰਦਾ ਹੈ। ਉਹ ਉਹੀ ਹੈ ਜਿਹੜਾ ਤੁਹਾਨੂੰ ਆਰਾਮ ਅਤੇ ਦਿਲਾਸਾ ਦਿੰਦਾ ਹੈ; ਤੁਹਾਨੂੰ ਉਤਸ਼ਾਹਿਤ ਅਤੇ ਸੰਵੇਦਨਸ਼ੀਲ ਬਣਾਉਂਦਾ ਅਤੇ; ਉਹ ਤੁਹਾਡਾ ਸੁਆਮੀ ਵੀ ਹੈ। ਸਭ ਤੋਂ ਵੱਧ ਕੇ, ਉਹ ਹੀ ਹੈ ਜਿਹੜਾ ਸਾਨੂੰ ਪ੍ਰਭੂ ਨਾਲ ਜੋੜਦਾ ਹੈ।

ਉਹ ਪਿਆਰ ਨਾਲ ਤੁਹਾਨੂੰ ਸੱਚ ਦੇ ਵੱਲ ਵੀ ਲੈ ਜਾਂਦਾ ਹੈ। ਪ੍ਰਭੂ ਯਿਸੂ ਨੇ ਆਖਿਆ; “ਅਤੇ ਮੈਂ ਪਿਤਾ ਕੋਲੋਂ ਮੰਗਾਂਗਾ ਅਤੇ ਉਹ ਤੁਹਾਡੇ ਲਈ ਦੂਸਰਾ ਸਹਾਇਕ ਦੇਵੇਗਾ। ਇਹ ਸਹਾਇਕ ਸੱਚ ਦਾ ਆਤਮਾ ਹੈ। ਇਹ ਸੰਸਾਰ ਉਸ ਨੂੰ ਪ੍ਰਾਪਤ ਨਹੀਂ ਕਰ ਸਕਦਾ। ਕਿਉਂਕਿ ਸੰਸਾਰ ਨੇ ਉਸ ਨੂੰ ਨਾ ਵੇਖਿਆ ਹੈ ਤੇ ਨਾ ਹੀ ਉਸ ਨੂੰ ਜਾਣਦਾ ਹੈ। ਪਰ ਤੁਸੀਂ ਉਸ ਨੂੰ ਜਾਣਦੇ ਹੋ ਉਹ ਤੁਹਾਡੇ ਨਾਲ ਰਹਿੰਦਾ ਹੈ ਅਤੇ ਉਹ ਤੁਹਾਡੇ ਵਿੱਚ ਹੋਵੇਗਾ”(ਯੂਹੰਨਾ ਦੀ ਇੰਜੀਲ 14:16,17)।

ਪਵਿੱਤਰ ਆਤਮਾ ਪਵਿੱਤਰ ਤ੍ਰਿਏਕ ਵਿੱਚੋਂ ਇੱਕ ਹੈ ਅਤੇ ਤੁਸੀਂ ਉਸਨੂੰ ਆਪਣੀ ਵਿਰਾਸਤ ਵਜੋਂ ਪ੍ਰਾਪਤ ਕਰਦੇ ਹੋ; ਅਤੇ ਉਹ ਤੁਹਾਡੇ ਅੰਦਰ ਵੱਸਦਾ ਹੈ। ਅਤੇ ਤੁਸੀਂ ਪਵਿੱਤਰ ਆਤਮਾ ਦੀ ਹੈਕਲ ਵਿੱਚ ਬਦਲ ਜਾਂਦੇ ਹੋ। ਇਹ ਹੀ ਕਾਰਨ ਹੈ ਕਿ ਅਸੀਂ ਆਪਣੇ ਪ੍ਰਮੇਸ਼ਵਰ ਦੀ ਉਸਤਤ ਅਤੇ ਉਸ ਵਿੱਚ ਆਨੰਦ ਕਰਦੇ ਹਾਂ ਜਿਹੜਾ ਉਸਦੇ ਲੋਕਾਂ ਵਿੱਚ ਵੱਸਦਾ ਹੈ।

ਕਿਉਂਕਿ ਪਵਿੱਤਰ ਆਤਮਾ ਤੁਹਾਡੇ ਅੰਦਰ ਨਿਵਾਸ ਕਰਦਾ ਹੈ, ਤੁਹਾਨੂੰ ਦੋ ਮਹਾਨ ਬਰਕਤਾਂ ਮਿਲਦੀਆਂ ਹਨ, ਅਰਥਾਤ ਆਤਮਾ ਦਾ ਫਲ ਅਤੇ ਆਤਮਾ ਦੇ ਵਰਦਾਨ। ਪ੍ਰਮੇਸ਼ਵਰ ਤੁਹਾਡੇ ਜੀਵਨ ਨੂੰ ਖੁਸ਼ਹਾਲ ਬਣਾਉਣ ਦੇ ਲਈ ਆਤਮਿਕ ਫਲ ਅਤੇ ਵਰਦਾਨ ਦਿੰਦੇ ਹਨ।

ਆਪਣੀ ਧਰਤੀ ਉੱਤੇ ਸੇਵਕਾਈ ਦੇ ਦੌਰਾਨ, ਪ੍ਰਭੂ ਯਿਸੂ ਪਵਿੱਤਰ ਆਤਮਾ ਨਾਲ ਭਰਪੂਰ ਸੀ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ ਕਿ ਪਰਮੇਸ਼ੁਰ ਨੇ ਆਪਣਾ ਆਤਮਾ ਯਿਸੂ ਨੂੰ ਭਰਪੂਰਤਾ ਨਾਲ ਦਿੱਤਾ ਸੀ (ਯੂਹੰਨਾ ਦੀ ਇੰਜੀਲ 3:34)।

ਪਰਮੇਸ਼ੁਰ ਦੇ ਬੱਚਿਓ, ਭਾਵੇਂ ਹੀ ਮਸੀਹ ਯਿਸੂ ਨੂੰ ਆਤਮਾ ਅਤੇ ਉਸਦੇ ਮਸਹ ਉੱਤੇ ਨਿਰਭਰ ਰਹਿਣਾ ਪਿਆ ਹੋਵੇ, ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਤੁਹਾਨੂੰ ਆਪਣੇ ਜੀਵਨ ਵਿੱਚ ਆਤਮਾ ਦੇ ਮਸਹ ਦੀ ਕਿੰਨੀ ਜ਼ਿਆਦਾ ਜ਼ਰੂਰਤ ਹੋਵੇਗੀ। ਇਸ ਲਈ, ਉਸ ਮਸਹ ਦੇ ਲਈ ਪ੍ਰਭੂ ਅੱਗੇ ਪ੍ਰਾਰਥਨਾ ਕਰੋ। ਹਮੇਸ਼ਾ ਪਵਿੱਤਰ ਆਤਮਾ ਨਾਲ ਭਰਪੂਰ ਰਹਿਣ ਦੀ ਕੋਸ਼ਿਸ਼ ਕਰੋ। ਇਸਨੂੰ ਆਪਣੀ ਪਹਿਲੀ ਪ੍ਰਾਰਥਨਾ ਬੇਨਤੀ ਹੋਣ ਦਿਓ।

ਅਭਿਆਸ ਕਰਨ ਲਈ – “ਕਿਵੇਂ ਪਰਮੇਸ਼ੁਰ ਨੇ ਉਹ ਨੂੰ ਪਵਿੱਤਰ ਆਤਮਾ ਅਤੇ ਸਮਰੱਥਾ ਨਾਲ ਮਸਹ ਕੀਤਾ”(ਰਸੂਲਾਂ ਦੇ ਕਰਤੱਬ 10:38)।