ਨਵੰਬਰ 09 – ਅਚੰਭੇ ਵਿੱਚ ਵੀ ਮਹਾਨ!

“ਉਸ ਆਖਿਆ, ਵੇਖ ਮੈਂ ਇੱਕ ਨੇਮ ਬੰਨ੍ਹਦਾ ਹਾਂ। ਤੇਰੇ ਸਾਰੇ ਲੋਕਾਂ ਦੇ ਸਾਹਮਣੇ ਮੈਂ ਅਜਿਹੇ ਅਚਰਜ਼ ਕਰਾਂਗਾ ਜਿਹੜੇ ਨਾ ਸਾਰੀ ਧਰਤੀ ਉੱਤੇ ਨਾ ਕਿਸੇ ਕੌਮ ਵਿੱਚ ਕੀਤੇ ਗਏ ਹੋਣ ਅਤੇ ਸਾਰੇ ਲੋਕ ਜਿਨ੍ਹਾਂ ਦੇ ਵਿੱਚ ਤੂੰ ਹੈਂ ਯਹੋਵਾਹ ਦੇ ਕੰਮ ਨੂੰ ਵੇਖਣਗੇ ਕਿਉਂ ਜੋ ਉਹ ਇੱਕ ਡਰਾਉਣੀ ਗੱਲ ਹੈ ਜਿਹੜੀ ਮੈਂ ਤੇਰੇ ਨਾਲ ਕਰਦਾ ਹਾਂ”(ਕੂਚ 34:10)।

ਸਾਡਾ ਪ੍ਰਭੂ ਅਚੰਭਿਆਂ ਦਾ ਪ੍ਰਭੂ ਹੈ। ਉਤਪਤ ਦੀ ਕਿਤਾਬ ਤੋਂ ਲੈ ਕੇ ਪ੍ਰਕਾਸ਼ ਦੀ ਪੋਥੀ ਤੱਕ, ਤੁਸੀਂ ਉਸਦੇ ਮਹਾਨ ਅਚੰਭੇ ਕੰਮਾਂ ਦੇ ਬਾਰੇ ਪੜ੍ਹ ਸਕਦੇ ਹੋ। ਪੂਰੀ ਬਾਈਬਲ ਅਚੰਭਿਆਂ ਅਤੇ ਚਮਤਕਾਰਾਂ ਨਾਲ ਭਰੀ ਹੋਈ ਹੈ ਜਿਸ ਨੂੰ ਅਸੀਂ ਚਮਤਕਾਰਾਂ ਦੀ ਕਿਤਾਬ ਵੀ ਕਹਿੰਦੇ ਹਾਂ। ਜਦੋਂ ਅੱਯੂਬ ਨੇ ਪ੍ਰਭੂ ਦੇ ਮਹਾਨ ਕੰਮਾਂ ਅਤੇ ਅਚੰਭਿਆਂ ਦੀ ਗਵਾਹੀ ਦਿੱਤੀ, ਤਦ ਉਸਨੇ ਆਖਿਆ; “ਜੋ ਅਜਿਹੇ ਵੱਡੇ-ਵੱਡੇ ਕੰਮ ਕਰਦਾ ਹੈ, ਜਿਹੜੇ ਅਥਾਹ, ਅਚਰਜ਼ ਅਤੇ ਅਣਗਿਣਤ ਹਨ”(ਅੱਯੂਬ 9:10)।

ਪ੍ਰਭੂ ਆਪ ਹੀ ਅਣਗਿਣਤ ਅਚਰਜ਼ ਕੰਮ ਕਰਦਾ ਹੈ; ਉਹ ਆਪਣੇ ਬੱਚਿਆਂ ਦੇ ਦੁਆਰਾ ਵੀ ਅਣਗਿਣਤ ਚਮਤਕਾਰ ਕਰਦਾ ਹੈ। ਉਸਨੇ ਸਾਨੂੰ ਆਪਣੀ ਆਤਮਾ ਦੀ ਸ਼ਕਤੀ ਦੇ ਨਾਲ ਚਮਤਕਾਰ ਕਰਨ ਦਾ ਵੀ ਵਰਦਾਨ ਦਿੱਤਾ ਹੈ।

ਅੱਜ, ਪ੍ਰਭੂ ਇੱਕ ਅਜਿਹੇ ਵਿਅਕਤੀ ਦੇ ਲਈ ਤਰਸ ਰਿਹਾ ਹੈ ਜਿਸ ਦੇ ਦੁਆਰਾ ਉਹ ਆਪਣੇ ਚਮਤਕਾਰ ਕਰ ਸਕੇ; ਜਿਸ ਦੇ ਦੁਆਰਾ ਉਹ ਆਪਣੇ ਅਚਰਜ਼ ਕੰਮ ਕਰ ਸਕਦਾ ਹੈ; ਜਿਸ ਦੇ ਦੁਆਰਾ ਉਹ ਮੁਰਦਿਆਂ ਨੂੰ ਜੀਉਂਦਾ ਕਰ ਸਕਦਾ ਹੈ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ; “ਯਹੋਵਾਹ ਦੀਆਂ ਅੱਖਾਂ ਤਾਂ ਸਾਰੀ ਧਰਤੀ ਉੱਤੇ ਫਿਰਦੀਆਂ ਹਨ ਤਾਂ ਜੋ ਉਹ ਉਨ੍ਹਾਂ ਦੀ ਸਹਾਇਤਾ ਲਈ ਜਿਨ੍ਹਾਂ ਦਾ ਦਿਲ ਉਸ ਉੱਤੇ ਪੂਰਨ ਵਿਸ਼ਵਾਸ ਰੱਖਦਾ ਹੈ ਆਪਣੇ ਆਪ ਨੂੰ ਸਮਰੱਥ ਵਿਖਾਵੇ”(2 ਇਤਹਾਸ 16:9)।

ਪ੍ਰਭੂ ਦੇ ਹੱਥਾਂ ਵਿੱਚ ਆਤਮਾ ਦੇ ਸਾਰੇ ਵਰਦਾਨ ਹਨ; ਅਤੇ ਸਾਰੀ ਸ਼ਕਤੀ ਅਤੇ ਸਮਰੱਥ; ਅਤੇ ਸਾਰੇ ਰਾਜ ਅਤੇ ਅਧਿਕਾਰ। ਉਹ ਉਨ੍ਹਾਂ ਸਾਰਿਆਂ ਨੂੰ ਆਪਣੀ ਸੇਵਕਾਈ ਵਿੱਚ ਵਰਤਣ ਦੀ ਇਜਾਜ਼ਤ ਦੇਣਾ ਚਾਹੁੰਦਾ ਹੈ। ਇਸ ਲਈ ਸਾਨੂੰ ਆਤਮਾ ਦੇ ਵਰਦਾਨ ਦਿੱਤੇ ਗਏ ਹਨ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ; “ਤੂੰ ਆਦਮੀਆਂ ਵਿੱਚ ਸਗੋਂ ਆਕੀਆਂ ਵਿੱਚ ਵੀ ਦਾਨ ਲਏ, ਕਿ ਯਾਹ ਪਰਮੇਸ਼ੁਰ ਉੱਥੇ ਵੱਸੇ”(ਜ਼ਬੂਰਾਂ ਦੀ ਪੋਥੀ 68:18)।

ਜੇਕਰ ਤੁਸੀਂ ਆਪਣੇ ਦਿਲ ਨੂੰ ਪ੍ਰਭੂ ਲਈ ਉੱਠਣ ਅਤੇ ਚਮਕਣ ਲਈ ਤਿਆਰ ਕਰਦੇ ਹੋ, ਤਾਂ ਉਹ ਤੁਹਾਡੇ ਦੁਆਰਾ ਸ਼ਕਤੀਸ਼ਾਲੀ ਅਚੰਭੇ ਕਰੇਗਾ। ਕਿਰਪਾ ਕਰਕੇ ਦਿਨ ਦੀ ਮੁੱਖ ਆਇਤ ਅਤੇ ਪਰਮੇਸ਼ੁਰ ਦੇ ਵਾਅਦੇ ਉੱਤੇ ਦੁਬਾਰਾ ਧਿਆਨ ਕਰੋ: “ਵੇਖ ਮੈਂ ਇੱਕ ਨੇਮ ਬੰਨ੍ਹਦਾ ਹਾਂ। ਤੇਰੇ ਸਾਰੇ ਲੋਕਾਂ ਦੇ ਸਾਹਮਣੇ ਮੈਂ ਅਜਿਹੇ ਅਚਰਜ਼ ਕਰਾਂਗਾ ਜਿਹੜੇ ਨਾ ਸਾਰੀ ਧਰਤੀ ਉੱਤੇ ਨਾ ਕਿਸੇ ਕੌਮ ਵਿੱਚ ਕੀਤੇ ਗਏ ਹੋਣ ਅਤੇ ਸਾਰੇ ਲੋਕ ਜਿਨ੍ਹਾਂ ਦੇ ਵਿੱਚ ਤੂੰ ਹੈਂ ਯਹੋਵਾਹ ਦੇ ਕੰਮ ਨੂੰ ਵੇਖਣਗੇ ਕਿਉਂ ਜੋ ਉਹ ਇੱਕ ਡਰਾਉਣੀ ਗੱਲ ਹੈ ਜਿਹੜੀ ਮੈਂ ਤੇਰੇ ਨਾਲ ਕਰਦਾ ਹਾਂ”(ਕੂਚ 34:10)।

ਪ੍ਰਭੂ ਤੁਹਾਡੇ ਜੀਵਨ ਵਿੱਚ, ਤੁਹਾਡੇ ਪਰਿਵਾਰ ਵਿੱਚ ਅਤੇ ਚਰਚ ਵਿੱਚ ਅਚੰਭੇ ਅਤੇ ਚਮਤਕਾਰ ਕਰੇਗਾ। ਉਹ ਤੁਹਾਡੇ ਦੁਆਰਾ ਮਹਾਨ ਕੰਮ ਅਤੇ ਅਚੰਭੇ ਕੰਮ ਵੀ ਕਰੇਗਾ।

ਪ੍ਰਮੇਸ਼ਵਰ ਦੇ ਬੱਚਿਓ, ਜੇਕਰ ਤੁਸੀਂ ਵਿਸ਼ਵਾਸ ਨਾਲ ਅਤੇ ਆਪਣੇ ਦਿਲ ਵਿੱਚ ਗਹਿਰੀ ਲਾਲਸਾ ਦੇ ਨਾਲ ਮੰਗੋਗੇ, ਤਾਂ ਪ੍ਰਭੂ ਤੁਹਾਨੂੰ ਚਮਤਕਾਰ ਕਰਨ ਦੀ ਸ਼ਕਤੀ ਪ੍ਰਦਾਨ ਕਰੇਗਾ।

ਅਭਿਆਸ ਕਰਨ ਲਈ – “ਕੌਣ ਹੈ ਤੇਰੇ ਵਰਗਾ ਹੇ ਯਹੋਵਾਹ ਦੇਵਤਿਆਂ ਵਿੱਚ? ਕੌਣ ਹੈ ਤੇਰੇ ਵਰਗਾ ਪਵਿੱਤਰਤਾਈ ਵਿੱਚ ਪਰਤਾਪ ਵਾਲਾ, ਉਸਤਤ ਵਿੱਚ ਭੈਅ ਦਾਇਕ ਅਤੇ ਅਚਰਜ਼ ਕੰਮਾਂ ਵਾਲਾ?”(ਕੂਚ 15:11)।