No products in the cart.
ਨਵੰਬਰ 06 – ਨਬੀ ਨਾਲੋਂ ਵੀ ਮਹਾਨ!
elim admin“ਸੇਵਕ ਨੇ ਆਖਿਆ, ਵੇਖ, ਇਸ ਸ਼ਹਿਰ ਦੇ ਵਿੱਚ ਇੱਕ ਪਰਮੇਸ਼ੁਰ ਦਾ ਦਾਸ ਹੈ ਅਤੇ ਉਹ ਬਹੁਤ ਆਦਰਯੋਗ ਹੈ ਅਤੇ ਜਿਵੇਂ ਉਹ ਆਖੇ ਸਭ ਕੁਝ ਉਸੇ ਤਰ੍ਹਾਂ ਹੁੰਦਾ ਹੈ। ਚੱਲੋ ਉਸ ਕੋਲ ਚੱਲੀਏ। ਹੋ ਸਕਦਾ ਹੈ, ਜਿਸ ਰਾਹ ਦੇ ਵਿੱਚ ਜਾਣਾ ਚੰਗਾ ਹੈ ਉਹ ਰਾਹ ਸਾਨੂੰ ਦੱਸੋ?”(1 ਸਮੂਏਲ 9:6)
ਇੱਥੇ ਅਸੀਂ ਨਬੀ ਸਮੂਏਲ ਦੇ ਬਾਰੇ ਗਵਾਹੀ ਦੇਖਦੇ ਹਾਂ; ਅਤੇ ਜੋ ਕੁੱਝ ਵੀ ਉਹ ਕਹਿੰਦਾ ਹੈ ਉਹ ਪੂਰਾ ਹੁੰਦਾ ਹੈ।
ਜਦੋਂ ਸ਼ਾਊਲ ਨੇ ਆਪਣੀਆਂ ਗਧੀਆਂ ਗੁਆ ਲਈਆਂ। ਇਸ ਲਈ, ਸ਼ਾਊਲ ਦੇ ਸੇਵਕ ਨੇ ਨਬੀ ਸਮੂਏਲ ਦੇ ਬਾਰੇ ਗੱਲ ਕੀਤੀ ਅਤੇ ਉਸ ਨੂੰ ਕਿਹਾ: “ਵੇਖ, ਇਸ ਸ਼ਹਿਰ ਦੇ ਵਿੱਚ ਇੱਕ ਪਰਮੇਸ਼ੁਰ ਦਾ ਦਾਸ ਹੈ ਅਤੇ ਉਹ ਬਹੁਤ ਆਦਰਯੋਗ ਹੈ ਅਤੇ ਜਿਵੇਂ ਉਹ ਆਖੇ ਸਭ ਕੁਝ ਉਸੇ ਤਰ੍ਹਾਂ ਹੁੰਦਾ ਹੈ” ਯਹੋਵਾਹ ਆਪਣੇ ਨਬੀਆਂ ਦੇ ਦੁਆਰਾ, ਗੁਪਤ ਗੱਲਾਂ ਨੂੰ ਪ੍ਰਗਟ ਕਰਦਾ ਹੈ ਅਤੇ ਉਹਨਾਂ ਉੱਤੇ ਚਾਨਣ ਕਰਦਾ ਹੈ।
ਪੂਰੇ ਪਵਿੱਤਰ ਸ਼ਾਸਤਰ ਵਿੱਚ, ਅਸੀਂ ਕਈ ਨਬੀਆਂ ਨੂੰ ਦੇਖ ਸਕਦੇ ਹਾਂ। ਯਸਾਯਾਹ, ਯਿਰਮਿਯਾਹ, ਹਿਜ਼ਕੀਏਲ ਵਰਗੇ ਵੱਡੇ ਨਬੀ ਸਨ; ਅਤੇ ਹੋਸ਼ੇਆ, ਯੋਏਲ, ਆਮੋਸ, ਯੂਨਾਹ ਅਤੇ ਮੀਕਾਹ ਵਰਗੇ ਛੋਟੇ ਨਬੀਆਂ ਨੂੰ।
ਇਹ ਨਬੀ ਪ੍ਰਭੂ ਦੇ ਮੂੰਹ ਦੇ ਅੰਗ ਦੀ ਤਰ੍ਹਾਂ ਸੀ ਅਤੇ ਭਵਿੱਖ ਦੀਆਂ ਘਟਨਾਵਾਂ ਦੇ ਬਾਰੇ ਪ੍ਰਗਟ ਕਰਦੇ ਸਨ। ਉਨ੍ਹਾਂ ਨੇ ਰਾਜਿਆਂ ਅਤੇ ਸੈਨਾਪਤੀਆਂ ਨੂੰ ਯਹੋਵਾਹ ਦੀ ਸਲਾਹ ਦਿੱਤੀ। ਉਨ੍ਹਾਂ ਨੇ ਗ਼ਰੀਬਾਂ ਨੂੰ ਵੀ ਗੁਪਤ ਗੱਲਾਂ ਦੱਸੀਆਂ। ਕਿਉਂਕਿ ਉਨ੍ਹਾਂ ਨੇ ਭਵਿੱਖ ਦੇ ਬਾਰੇ ਇੰਨੀ ਚੰਗੀ ਸਪੱਸ਼ਟਤਾ ਪ੍ਰਾਪਤ ਕੀਤੀ ਸੀ, ਇਸ ਲਈ ਉਨ੍ਹਾਂ ਨੂੰ ਨਬੀ ਕਿਹਾ ਜਾਂਦਾ ਹੈ।
ਪਰ ਸਾਡੇ ਪ੍ਰਭੂ ਨੂੰ ਪਵਿੱਤਰ ਸ਼ਾਸਤਰ ਵਿੱਚ ‘ਮਹਾਨ ਨਬੀ’ ਦੇ ਰੂਪ ਵਿੱਚ ਜਾਣਿਆ ਜਾਂਦਾ ਹੈ। ਉਹ ਸਾਰੇ ਨਬੀਆਂ ਨਾਲੋਂ ਮਹਾਨ ਹੈ। ਜਿਨ੍ਹਾਂ ਲੋਕਾਂ ਨੇ ਪ੍ਰਭੂ ਯਿਸੂ ਦੇ ਕੰਮਾਂ ਨੂੰ ਦੇਖਿਆ, ਉਨ੍ਹਾਂ ਨੇ ਪਰਮੇਸ਼ੁਰ ਦੀ ਵਡਿਆਈ ਕਰਦੇ ਹੋਏ ਕਿਹਾ, “ਸਾਡੇ ਵਿੱਚ ਇੱਕ ਮਹਾਨ ਨਬੀ ਉੱਠਿਆ ਹੈ, ਅਤੇ ਪਰਮੇਸ਼ੁਰ ਨੇ ਆਪਣੀ ਪਰਜਾ ਉੱਤੇ ਨਿਗਾਹ ਕੀਤੀ ਹੈ”(ਲੂਕਾ ਦੀ ਇੰਜੀਲ 7:16)।
ਪ੍ਰਮੇਸ਼ਵਰ ਨੇ ਮੂਸਾ ਤੋਂ ਮਹਾਨ ਨਬੀ – ਯਿਸੂ ਮਸੀਹ ਦੇ ਬਾਰੇ ਭਵਿੱਖਬਾਣੀ ਕਰਵਾਉਂਦੇ ਹੋਏ, ਹੇਠਲੀ ਆਇਤ ਵਿੱਚ ਗੱਲ ਕੀਤੀ। “ਮੈਂ ਉਨ੍ਹਾਂ ਦੇ ਲਈ ਉਨ੍ਹਾਂ ਦੇ ਭਰਾਵਾਂ ਵਿੱਚੋਂ ਤੇਰੇ ਵਰਗਾ ਇੱਕ ਨਬੀ ਖੜ੍ਹਾ ਕਰਾਂਗਾ ਅਤੇ ਮੈਂ ਆਪਣੇ ਸ਼ਬਦ ਉਸ ਦੇ ਮੂੰਹ ਵਿੱਚ ਪਾਵਾਂਗਾ ਅਤੇ ਉਹ ਇਹ ਸਾਰੇ ਹੁਕਮ ਜਿਹੜੇ ਮੈਂ ਉਹ ਨੂੰ ਦਿਆਂਗਾ, ਉਨ੍ਹਾਂ ਨੂੰ ਦੱਸੇਗਾ”(ਬਿਵਸਥਾ ਸਾਰ 18:18)। ਪ੍ਰਮੇਸ਼ਵਰ ਨੇ ਆਪਣੇ ਬਹੁਤ ਸਾਰੇ ਨਬੀਆਂ ਦੇ ਦੁਆਰਾ ਮਹਾਨ ਨਬੀ ਦੇ ਆਉਣ ਦੇ ਬਾਰੇ ਭਵਿੱਖਬਾਣੀ ਕੀਤੀ ਸੀ।
ਨਵੇਂ ਨੇਮ ਵਿੱਚ, ਅਸੀਂ ਪ੍ਰਭੂ ਯਿਸੂ ਨੂੰ ਨਾ ਸਿਰਫ਼ ਇੱਕ ਮਹਾਨ ਨਬੀ ਵਜੋਂ; ਪਰ ਰਾਜਿਆਂ ਦੇ ਰਾਜਾ ਅਤੇ ਮੁੱਖ ਜਾਜਕ ਦੇ ਰੂਪ ਵਿੱਚ ਵੀ ਜਾਣਦੇ ਹਾਂ। ਲੋਕ ਉਸ ਨੂੰ ਗਲੀਲ ਦੇ ਨਾਸਰਤ ਦਾ ਨਬੀ ਯਿਸੂ ਵੀ ਬੋਲਦੇ ਸਨ”(ਮੱਤੀ ਦੀ ਇੰਜੀਲ 21:11)।
ਪ੍ਰਮੇਸ਼ਵਰ ਦੇ ਬੱਚਿਓ, ਜਿਹੜਾ ਸਾਰੇ ਨਬੀਆਂ ਵਿੱਚੋਂ ਮਹਾਨ ਅੱਜ ਤੁਹਾਡੇ ਨਾਲ ਹੈ। ਜੇਕਰ ਤੁਸੀਂ ਉਸਦੀ ਅਵਾਜ਼ ਨੂੰ ਸੁਣੋਗੇ, ਤਾਂ ਤੁਸੀਂ ਕਦੇ ਵੀ ਠੋਕਰ ਨਹੀਂ ਖਾਵੋਂਗੇ ਅਤੇ ਨਾ ਹੀ ਡਿੱਗੋਗੇਂ।
ਅਭਿਆਸ ਕਰਨ ਲਈ – “ਸਿੰਘਾਸਣ ਵੱਲੋਂ ਇੱਕ ਅਵਾਜ਼ ਇਹ ਆਖਦੇ ਆਈ, ਤੁਸੀਂ ਸੱਭੇ ਉਹ ਦੇ ਦਾਸੋ ਕੀ ਛੋਟੇ ਕੀ ਵੱਡੇ, ਜਿਹੜੇ ਉਸ ਦਾ ਡਰ ਮੰਨਦੇ ਹੋ, ਸਾਡੇ ਪਰਮੇਸ਼ੁਰ ਦੀ ਉਸਤਤ ਕਰੋ!”(ਪ੍ਰਕਾਸ਼ ਦੀ ਪੋਥੀ 19:5)