ਜੁਲਾਈ 20 – ਬਲ ਦੇ ਨਾਲ ਕਮਰ ਕੱਸਣਾ!

“ਉਹ ਪਰਮੇਸ਼ੁਰ ਜੋ ਮੇਰਾ ਲੱਕ ਬਲ ਨਾਲ ਕੱਸਦਾ ਹੈ, ਅਤੇ ਮੇਰਾ ਰਾਹ ਸੰਪੂਰਨ ਕਰਦਾ ਹੈ”(ਜ਼ਬੂਰਾਂ ਦੀ ਪੋਥੀ 18:32)।

ਪ੍ਰਮੇਸ਼ਵਰ ਦੀ ਤਾਕਤ ਦੇ ਨਾਲ ਆਪਣੇ ਆਪ ਲੱਕ ਬੰਨ੍ਹ ਲਵੋ। ਤਦ ਹੀ ਤੁਸੀਂ ਪ੍ਰਭੂ ਦੇ ਲਈ ਮਹਾਨ ਅਤੇ ਸ਼ਕਤੀਸ਼ਾਲੀ ਕੰਮਾਂ ਨੂੰ ਕਰ ਸਕਦੇ ਹੋ। ਕਾਲੇਬ ਦੇ ਬਾਰੇ ਪੜ੍ਹ ਕੇ ਸਾਨੂੰ ਹੈਰਾਨੀ ਹੁੰਦੀ ਹੈ, ਜਿਸ ਨੇ ਪਹਾੜੀ ਖੇਤਰ ਨੂੰ ਜਿੱਤਣ ਦੇ ਲਈ ਆਪਣੇ ਬੁਢਾਪੇ ਵਿੱਚ ਵੀ ਪਰਮੇਸ਼ੁਰ ਦੀ ਤਾਕਤ ਨਾਲ ਕਮਰ ਕੱਸ ਲਈ ਸੀ। ਇਸੇ ਤਰ੍ਹਾਂ, ਜਦੋਂ ਅਸੀਂ ਇਸ ਬਾਰੇ ਪੜ੍ਹਦੇ ਹਾਂ ਕਿ ਕਿਵੇਂ ਗਿਦਾਊਨ ਨੇ ਮਿਦਯਾਨੀਆਂ ਨੂੰ ਜਿੱਤਿਆ, ਜਦੋਂ ਉਹ ਥੋੜੀ ਜਿਹੀ ਤਾਕਤ ਅਤੇ ਪ੍ਰਮੇਸ਼ਵਰ ਦੀ ਹਜ਼ੂਰੀ ਦੇ ਨਾਲ ਅੱਗੇ ਵਧਿਆ, ਤਾਂ ਇਹ ਸਾਨੂੰ ਪਰਮੇਸ਼ੁਰ ਦੀ ਤਾਕਤ ਨਾਲ ਵੀ ਲੈਸ ਕਰਦਾ ਹੈ।

ਦਾਊਦ ਦਾ ਤਜ਼ਰਬਾ ਦੇਖੋ। ਇੱਕ ਪਾਸੇ, ਉਸਨੇ ਲੜਾਈਆਂ ਵਿੱਚ ਸ਼ਾਮਿਲ ਹੋਣ ਦੇ ਲਈ ਆਪਣੀ ਤਾਕਤ ਨਾਲ ਕਮਰ ਕੱਸ ਲਈ। ਅਤੇ ਦੂਸਰੇ ਪਾਸੇ, ਉਸਨੇ ਆਪਣੇ ਆਪ ਨੂੰ ਯਹੋਵਾਹ ਦੀ ਉਸਤਤ ਅਤੇ ਆਰਾਧਨਾ ਕਰਨ ਦੇ ਲਈ ਮਜ਼ਬੂਤ ​​ਕੀਤਾ। ਦਾਊਦ ਜਿਹੜਾ ਸਿਰਫ਼ ਇੱਕ ਚਰਵਾਹਾ ਸੀ, ਆਪਣੀਆਂ ਭੇਡ ਬੱਕਰੀਆਂ ਦੇ ਵਿਰੁੱਧ ਆਏ ਰਿੱਛ ਅਤੇ ਸ਼ੇਰ ਨੂੰ ਮਾਰਨ ਦੇ ਯੋਗ ਸੀ, ਕਿਉਂਕਿ ਉਸਨੇ ਜਿਹੜੀ ਤਾਕਤ ਉੱਪਰੋਂ ਸੀ ਉਸ ਨਾਲ ਕਮਰ ਕੱਸ ਲਈ ਸੀ। ਇਹ ਹੀ ਕਾਰਨ ਹੈ ਕਿ ਉਹ ਗੋਲਿਅਥ ਉੱਤੇ ਜਿੱਤ ਪ੍ਰਾਪਤ ਕਰਨ ਦੇ ਯੋਗ ਸੀ, ਅਤੇ ਸੈਂਕੜੇ ਰਾਜਿਆਂ ਉੱਤੇ ਜਿੱਤ ਪ੍ਰਾਪਤ ਕੀਤੀ। ਉਹ ਹੀ ਪ੍ਰਭੂ ਆਪਣੀ ਤਾਕਤ ਅਤੇ ਆਪਣੇ ਵਚਨਾਂ, ਆਪਣੇ ਵਰਦਾਨਾਂ ਅਤੇ ਆਪਣੀ ਸ਼ਕਤੀ ਨਾਲ ਤੁਹਾਨੂੰ ਘੇਰ ਲਵੇਗਾ।

ਜ਼ਬੂਰਾਂ ਦਾ ਲਿਖਾਰੀ ਦਾਊਦ ਕਹਿੰਦਾ ਹੈ: “ਉਹ ਪਰਮੇਸ਼ੁਰ ਜੋ ਮੇਰਾ ਲੱਕ ਬਲ ਨਾਲ ਕੱਸਦਾ ਹੈ, ਅਤੇ ਮੇਰਾ ਰਾਹ ਸੰਪੂਰਨ ਕਰਦਾ ਹੈ”(ਜ਼ਬੂਰਾਂ ਦੀ ਪੋਥੀ 18:32)। ਆਇਤ 39 ਵਿੱਚ, ਉਹ ਕਹਿੰਦਾ ਹੈ: “ਤੂੰ ਯੁੱਧ ਲਈ ਮੇਰੇ ਲੱਕ ਨੂੰ ਬਲ ਨਾਲ ਕੱਸਿਆ ਹੈ” ਜਦੋਂ ਸਿਪਾਹੀ ਯੁੱਧ ਦੇ ਲਈ ਤਿਆਰ ਹੁੰਦੇ ਹਨ, ਤਾਂ ਉਹ ਆਪਣੀ ਕਮਰ ਕੱਸ ਕੇ ਬੰਨ੍ਹ ਲੈਂਦੇ ਹਨ, ਕਿਉਂਕਿ ਇਹ ਹੀ ਉਨ੍ਹਾਂ ਦੀ ਤਾਕਤ ਦਾ ਕੇਂਦਰ ਹੁੰਦਾ ਹੈ।

ਸਾਡੇ ਪ੍ਰਭੂ ਯਿਸੂ ਨੇ ਕਿਹਾ: “ਤੁਹਾਡੇ ਲੱਕ ਬੰਨ੍ਹੇ ਹੋਣ”(ਲੂਕਾ ਦੀ ਇੰਜੀਲ 12:35)। ਰਸੂਲ ਪੌਲੁਸ ਇਹ ਵੀ ਲਿਖਦਾ ਹੈ: “ਸੋ ਤੁਸੀਂ ਆਪਣੀ ਕਮਰ ਸਚਿਆਈ ਨਾਲ ਕੱਸ ਕੇ ਅਤੇ ਧਰਮ ਦੀ ਸੰਜੋ ਪਹਿਨ ਕੇ ਖੜ੍ਹੇ ਹੋ ਜਾਓ”(ਅਫ਼ਸੀਆਂ 6:14)। ਰਸੂਲ ਪਤਰਸ ਕਹਿੰਦਾ ਹੈ: “ਇਸ ਲਈ ਤੁਸੀਂ ਆਪਣੀ ਬੁੱਧੀ ਨਾਲ ਲੱਕ ਬੰਨ ਲਵੋ”(1 ਪਤਰਸ 1:13)।

ਦਾਊਦ ਦੇ ਦੁਆਰਾ ਯਹੋਵਾਹ ਨੇ ਇਸਰਾਏਲ ਦੀਆਂ ਹੱਦਾਂ ਨੂੰ ਵਧਾਇਆ। ਦਾਊਦ ਦੇ ਸਾਰੇ ਦਿਨ ਫ਼ਲਿਸਤੀਆਂ ਅਤੇ ਅਮਾਲੇਕੀਆਂ ਨਾਲ ਵੱਡੀਆਂ-ਵੱਡੀਆਂ ਲੜਾਈਆਂ ਵਿੱਚ ਬੀਤ ਗਏ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ ਕਿ ਦਾਊਦ ਦਿਨੋ ਦਿਨ ਤਕੜਾ ਹੁੰਦਾ ਗਿਆ”(2 ਸਮੂਏਲ 3:1)। ਦਾਊਦ ਦੀ ਤਾਕਤ ਤੋਂ ਤਾਕਤ ਵਿੱਚ ਵਧਣ ਦੀ ਗਵਾਹੀ ਦੇ ਰੂਪ ਵਿੱਚ, ਉਹ ਇਹ ਕਹਿਣ ਦੇ ਯੋਗ ਸੀ: “ਤੂੰ ਯੁੱਧ ਲਈ ਮੇਰੇ ਲੱਕ ਨੂੰ ਬਲ ਨਾਲ ਕੱਸਿਆ ਹੈ, ਤੂੰ ਮੇਰੇ ਵਿਰੋਧੀਆਂ ਨੂੰ ਮੇਰੇ ਸਾਹਮਣੇ ਝੁਕਾ ਦਿੱਤਾ ਹੈ”(ਜ਼ਬੂਰਾਂ ਦੀ ਪੋਥੀ 18:39)।

ਪ੍ਰਮੇਸ਼ਵਰ ਦੇ ਬੱਚਿਓ, ਤੁਸੀਂ ਇੱਕ ਯੁੱਧ ਦੇ ਮੈਦਾਨ ਵਿੱਚ ਖੜੇ ਹੋ, ਜਿਹੜਾ ਤੁਹਾਡਾ ਮਸੀਹੀ ਜੀਵਨ ਹੈ। ਸਰੀਰ, ਸੰਸਾਰ ਅਤੇ ਸ਼ੈਤਾਨ ਲਗਾਤਾਰ ਤੁਹਾਡੇ ਵਿਰੁੱਧ ਲੜ ਰਹੇ ਹਨ। ਇਹ ਲੜਾਈਆਂ ਤੁਹਾਡੇ ਆਖਰੀ ਸਾਹ ਤੱਕ ਚੱਲਦੀਆਂ ਰਹਿਣਗੀਆਂ। ਸਿਰਫ਼ ਪ੍ਰਮੇਸ਼ਵਰ ਦੀ ਹਜ਼ੂਰੀ ਵਿੱਚ ਆਪਣੇ ਗੋਡਿਆਂ ਭਾਰ ਖੜੇ ਹੋ ਕੇ, ਸਵੇਰ ਨੂੰ ਜਲਦੀ ਉੱਠ ਕੇ ਅਤੇ ਪ੍ਰਮੇਸ਼ਵਰ ਦੇ ਵਚਨ ਦਾ ਧਿਆਨ ਕਰਕੇ, ਤੁਸੀਂ ਇਸ ਯੁੱਧ ਵਿੱਚ ਜੇਤੂ ਹੋ ਸਕਦੇ ਹੋ। ਤੁਹਾਡੇ ਲਈ ਪਾਪ ਦੇ ਵਿਰੁੱਧ ਖੜੇ ਹੋਣ ਅਤੇ ਜੇਤੂ ਹੋਣ ਦੇ ਲਈ ਆਤਮਿਕ ਸ਼ਕਤੀ ਬਹੁਤ ਮਹੱਤਵਪੂਰਨ ਹੈ।

ਅਭਿਆਸ ਕਰਨ ਲਈ – “ਪ੍ਰਭੂ ਯਹੋਵਾਹ ਮੇਰਾ ਬਲ ਹੈ, ਉਹ ਮੇਰੇ ਪੈਰ ਹਰਨੀਆਂ ਵਰਗੇ ਬਣਾਉਂਦਾ ਹੈ, ਅਤੇ ਮੈਨੂੰ ਉੱਚਿਆਈਆਂ ਉੱਤੇ ਤੋਰਦਾ ਹੈ”(ਹਬੱਕੂਕ 3:19)।