ਜੁਲਾਈ 07 – ਇੱਕ ਜਿਹੜਾ ਯਹੋਵਾਹ ਦਾ ਹੈ!

“ਨਾ ਡਰ, ਕਿਉਂ ਜੋ ਮੈਂ ਤੈਨੂੰ ਛੁਡਾ ਲਿਆ ਹੈ, ਮੈਂ ਤੇਰਾ ਨਾਮ ਲੈ ਕੇ ਤੈਨੂੰ ਬੁਲਾਇਆ ਹੈ, ਤੂੰ ਮੇਰਾ ਹੀ ਹੈਂ”(ਯਸਾਯਾਹ 43:1)।

ਯਹੋਵਾਹ ਆਪਣੇ ਪਿਆਰ ਨਾਲ ਤੁਹਾਨੂੰ ਪੁਕਾਰਦਾ ਹੈ ਅਤੇ ਆਖਦਾ ਹੈ, “ਤੂੰ ਮੇਰਾ ਹੈਂ”। ਧਰਤੀ ਦੇ ਆਲੇ-ਦੁਆਲੇ ਦੇ ਅਰਬਾਂ ਲੋਕਾਂ ਵਿੱਚੋਂ ਯਹੋਵਾਹ ਦੁਆਰਾ ਬੁਲਾਇਆ ਜਾਣਾ ਕਿੰਨਾ ਅਦਭੁੱਤ ਹੈ! ਇਹ ਪੁਕਾਰ ਅਸਲ ਵਿੱਚ, ਤੁਹਾਡੇ ਦਿਲ ਵਿੱਚ ਬੇਅੰਤ ਖੁਸ਼ੀ ਲਿਆਵੇਗੀ!

ਪਵਿੱਤਰ ਸ਼ਾਸਤਰ ਵਿੱਚ ਅਜਿਹੀਆਂ ਬਹੁਤ ਸਾਰੀਆਂ ਉਦਾਹਰਣਾਂ ਹਨ ਜਦੋਂ ਯਹੋਵਾਹ ਨੇ ਆਪਣੇ ਸੰਤਾਂ ਨੂੰ ਆਪਣਾ ਕਿਹਾ, ਉਨ੍ਹਾਂ ਦੇ ਕਾਰਨਾਂ ਦਾ ਬਚਾਅ ਕੀਤਾ ਅਤੇ ਉਨ੍ਹਾਂ ਦੀ ਲੜਾਈ ਲੜੀ। ਉਸਨੇ ਇਹ ਕਹਿ ਕੇ ਮੂਸਾ ਦੀ ਪੁਸ਼ਟੀ ਕੀਤੀ: “ਪਰ ਮੇਰਾ ਦਾਸ ਮੂਸਾ ਇਹੋ ਜਿਹਾ ਨਹੀਂ। ਉਹ ਮੇਰੇ ਸਾਰੇ ਘਰ ਵਿੱਚ ਵਿਸ਼ਵਾਸਯੋਗ ਹੈ”(ਗਿਣਤੀ 12:7)। ਉਸ ਨੇ ਮੂਸਾ ਉੱਤੇ ਆਪਣਾ ਪਿਆਰ ਦਿਖਾਇਆ ਅਤੇ ਇਸ ਨੂੰ ਸਹਿਣ ਨਾ ਕਰ ਸਕਿਆ ਜਦੋਂ ਇਸਰਾਏਲੀ ਮੂਸਾ ਦੇ ਵਿਰੁੱਧ ਬੁੜਬੁੜਾਉਂਦੇ ਸਨ।

ਇਸੇ ਤਰ੍ਹਾਂ ਅੱਜ ਉਹ ਤੁਹਾਨੂੰ ਪੁਕਾਰਦੇ ਹੋਏ ਕਹਿੰਦਾ ਹੈ: “ਮੇਰੇ ਬੇਟੇ, ਮੇਰੀ ਬੇਟੀ, ਤੁਸੀਂ ਮੇਰੇ ਹੋ”। ਤੁਸੀਂ ਉਸਦੇ ਹੋ ਜਿਵੇਂ ਉਸਨੇ ਤੁਹਾਨੂੰ ਬਣਾਇਆ ਹੈ ਅਤੇ ਕਿਉਂਕਿ ਉਸਨੇ ਤੁਹਾਨੂੰ ਆਪਣੇ ਕੀਮਤੀ ਲਹੂ ਨਾਲ ਖਰੀਦਿਆ ਹੈ। ਅਤੇ ਜਦੋਂ ਤੋਂ ਤੁਸੀਂ ਆਪਣਾ ਦਿਲ ਪੂਰੀ ਤਰ੍ਹਾਂ ਨਾਲ ਉਸ ਨੂੰ ਦੇ ਦਿੱਤਾ ਹੈ, ਤੁਸੀਂ ਉਸ ਦੇ ਹੋ ਗਏ ਹੋ।

ਪਰਮੇਸ਼ੁਰ ਨੇ ਦਾਊਦ ਨੂੰ ਵੀ ਆਪਣਾ ਕਿਹਾ। ਇੱਥੋਂ ਤੱਕ ਕਿ ਜਦੋਂ ਉਹ ਉਜਾੜ ਵਿੱਚ ਭੇਡਾਂ ਚਰਾ ਰਿਹਾ ਸੀ, ਤਦ ਵੀ ਉਸ ਨੇ ਦਾਊਦ ਦੀ ਸਚਿਆਈ ਨ ਦੇਖਿਆ। ਯਹੋਵਾਹ ਨੇ ਉਸਦੀ ਨਿਮਰਤਾ ਅਤੇ ਪ੍ਰਮੇਸ਼ਵਰ ਦੇ ਲਈ ਉਸਦੇ ਪਿਆਰ, ਪਿਆਸ ਅਤੇ ਭੁੱਖ ਨੂੰ ਦੇਖਿਆ। ਅਤੇ ਉਸਨੇ ਦਾਊਦ ਦੇ ਬਾਰੇ ਇਹ ਕਹਿੰਦੇ ਹੋਏ ਗਵਾਹੀ ਦਿੱਤੀ: “ਮੈਂ ਯੱਸੀ ਦੇ ਪੁੱਤਰ ਦਾਊਦ ਨੂੰ ਆਪਣੇ ਮਨ ਭਾਉਂਦਾ ਇੱਕ ਮਨੁੱਖ ਲੱਭਿਆ, ਉਹ ਹੀ ਮੇਰੀ ਸਾਰੀ ਮਰਜ਼ੀ ਪੂਰੀ ਕਰੇਗਾ”(ਰਸੂਲਾਂ ਦੇ ਕਰਤੱਬ 13:22)। ਜੇਕਰ ਤੁਸੀਂ ਯਹੋਵਾਹ ਦੇ ਹੋ, ਤਾਂ ਯਕੀਨਨ ਯਹੋਵਾਹ ਹੀ ਤੁਹਾਡੇ ਬਾਰੇ ਗਵਾਹੀ ਦੇਵੇਗਾ।

ਯਹੋਵਾਹ ਨੇ ਆਪਣੇ ਸੇਵਕ ਅੱਯੂਬ ਦੇ ਬਾਰੇ ਵੀ ਸ਼ੈਤਾਨ ਨੂੰ ਇੱਕ ਵੱਡੀ ਗਵਾਹੀ ਦਿੱਤੀ। “ਤਦ ਯਹੋਵਾਹ ਨੇ ਸ਼ੈਤਾਨ ਨੂੰ ਆਖਿਆ, “ਕੀ ਤੂੰ ਮੇਰੇ ਦਾਸ ਅੱਯੂਬ ਬਾਰੇ ਆਪਣੇ ਮਨ ਵਿੱਚ ਵਿਚਾਰ ਕੀਤਾ ਹੈ, ਕਿਉਂਕਿ ਸਾਰੀ ਧਰਤੀ ਵਿੱਚ ਉਹ ਦੇ ਵਰਗਾ ਕੋਈ ਨਹੀਂ? ਉਹ ਖਰਾ ਅਤੇ ਨੇਕ ਮਨੁੱਖ ਹੈ ਜੋ ਪਰਮੇਸ਼ੁਰ ਤੋਂ ਡਰਦਾ ਅਤੇ ਬੁਰਿਆਈ ਤੋਂ ਦੂਰ ਰਹਿੰਦਾ ਹੈ”(ਅੱਯੂਬ 1:8)। ਤੁਸੀਂ ਯਹੋਵਾਹ ਦੀ ਸੰਪਤੀ ਅਤੇ ਵਿਰਾਸਤ ਹੋ ਅਤੇ ਜੋ ਕੋਈ ਤੁਹਾਨੂੰ ਛੂੰਹਦਾ ਹੈ, ਤਾਂ ਉਹ ਉਸਦੀ ਅੱਖ ਦੀ ਪੁਤਲੀ ਨੂੰ ਛੂੰਹਦਾ ਹੈ।

ਸੁਲੇਮਾਨ ਦੇ ਗੀਤ ਵਿੱਚ, ਯਹੋਵਾਹ ਨੇ ਲਾੜੀ ਨੂੰ ਆਪਣੀ ਹੀ ਆਖਿਆ ਹੈ। ਉਹ ਉਸ ਨੂੰ ਕਈ ਪਿਆਰੇ ਸ਼ਬਦਾਂ ਵਿੱਚ ਵੀ ਬੁਲਾਉਂਦਾ ਹੈ ਜਿਵੇਂ ‘ਮੇਰੀ ਪਿਆਰੀ’, ‘ਮੇਰੀ ਕਬੂਤਰੀ’, ‘ਮੇਰੀ ਇਕਲੌਤੀ’ ਅਤੇ ਯਹੋਵਾਹ ਜਿਹੜਾ ਸਾਨੂੰ ਆਪਣਾ ਕਹਿੰਦਾ ਹੈ, ਉਸਨੇ ਵੀ ਆਪਣੇ ਸ਼ਕਤੀਸ਼ਾਲੀ ਨਾਮ ਦੁਆਰਾ ਸਾਡੇ ਉੱਤੇ ਮੋਹਰ ਲਗਾ ਦਿੱਤੀ ਹੈ। ਉਸਨੇ ਆਪਣੇ ਕੀਮਤੀ ਲਹੂ ਨਾਲ ਸਾਨੂੰ ਛੁਡਾਇਆ ਹੈ। ਅਤੇ ਉਸ ਮਸਹ ਕਰਨ ਵਾਲੇ ਤੇਲ ਨਾਲ ਸਾਡਾ ਮਸਹ ਕੀਤਾ ਹੈ ਜਿਹੜਾ ਵਗਦਾ ਰਹਿੰਦਾ ਹੈ।

ਪ੍ਰਮੇਸ਼ਵਰ ਦੇ ਬੱਚਿਓ, ਕੀ ਤੁਸੀਂ ਪ੍ਰਮੇਸ਼ਵਰ ਦੇ ਹੋ? ਇਹ ਕਹਿ ਕੇ ਆਪਣੇ ਆਪ ਨੂੰ ਯਹੋਵਾਹ ਦੇ ਸਮਰਪਿਤ ਕਰੋ: “ਮੇਰੇ ਪਿਆਰੇ ਪ੍ਰਭੂ, ਤੁਸੀਂ ਮੇਰੇ ਹੋ, ਮੈਂ ਤੁਹਾਡਾ ਹਾਂ ਅਤੇ ਮੈਂ ਤੁਹਾਡਾ ਹੀ ਹਾਂ। ਮੈਂ ਹਮੇਸ਼ਾ ਤੁਹਾਨੂੰ ਖੁਸ਼ ਕਰਨ ਦੇ ਲਈ ਆਪਣੇ ਆਪ ਨੂੰ ਸਮਰਪਿਤ ਕਰਦਾ ਹਾਂ, ਅਤੇ ਆਪਣਾ ਪੂਰਾ ਪਿਆਰ ਤੁਹਾਨੂੰ ਸਮਰਪਿਤ ਕਰਦਾ ਹਾਂ”?

ਅਭਿਆਸ ਕਰਨ ਲਈ – “ਯਹੋਵਾਹ ਮੇਰਾ ਅਯਾਲੀ ਹੈ, ਮੈਨੂੰ ਥੁੜ ਨਹੀਂ ਹੋਵੇਗੀ”(ਜ਼ਬੂਰਾਂ ਦੀ ਪੋਥੀ 23:1)।