ਅਕਤੂਬਰ 17 – ਪੰਜ ਸੌ ਜਿਨ੍ਹਾਂ ਦੇ ਕੋਲ ਦਰਸ਼ਨ ਸੀ!

“ਤੁਹਾਡੇ ਬਜ਼ੁਰਗ ਸੁਫ਼ਨੇ ਵੇਖਣਗੇ ਅਤੇ ਤੁਹਾਡੇ ਜੁਆਨ ਦਰਸ਼ਣ ਵੇਖਣਗੇ”(ਯੋਏਲ 2:28)।

ਲੋਕਾਂ ਦੀ ਵੱਡੀ ਭੀੜ ਦੇ ਵਿਚਕਾਰ, ਪੰਜ ਹਜ਼ਾਰ ਆਦਮੀ ਸੀ ਜੋ ਪ੍ਰਭੂ ਯਿਸੂ ਮਸੀਹ ਦੇ ਨੇੜੇ ਆਏ ਅਤੇ ਉਸਦੇ ਵਚਨ ਨੂੰ ਸੁਣਨ ਲੱਗੇ। ਅਤੇ ਉਨ੍ਹਾਂ ਪੰਜ ਹਜ਼ਾਰ ਲੋਕਾਂ ਵਿੱਚੋਂ ਸਿਰਫ਼ ਪੰਜ ਸੌ ਹੀ ਸਨ ਜਿਨ੍ਹਾਂ ਦੇ ਕੋਲ ਪ੍ਰਭੂ ਦਾ ਦਰਸ਼ਨ ਸੀ। ਕੀ ਤੁਸੀਂ ਉਨ੍ਹਾਂ ਲੋਕਾਂ ਦੇ ਸਮੂਹ ਵਿੱਚ ਪਾਏ ਜਾਂਦੇ ਹੋ ਜਿਹੜੇ ਉਸ ਪਰਮੇਸ਼ੁਰ ਦੇ ਦਰਸ਼ਨ ਨੂੰ ਪ੍ਰਾਪਤ ਕਰਨ ਦੇ ਲਈ ਅੱਗੇ ਵਧੇ ਸਨ?

ਦਰਸ਼ਨ ਤੋਂ ਬਿਨਾਂ, ਲੋਕ ਭਟਕ ਜਾਣਗੇ ਅਤੇ ਪਤਨ ਵਿੱਚ ਡਿੱਗ ਜਾਣਗੇ। ਹਾਂ, ਤੁਹਾਡੇ ਕੋਲ ਪ੍ਰਾਰਥਨਾ ਦਾ ਇੱਕ ਦਰਸ਼ਨ ਹੋਣਾ ਚਾਹੀਦਾ ਹੈ – ਮਸੀਹ ਦੇ ਲਈ ਆਤਮਾ ਪ੍ਰਾਪਤ ਕਰਨ ਦੀ, ਸੇਵਕਾਈ ਦੀ, ਸਦੀਪਕਤਾ ਦੀ ਅਤੇ ਸਭ ਤੋਂ ਵੱਧ ਕੇ, ਖ਼ੁਦ ਪ੍ਰਮੇਸ਼ਵਰ ਦੇ ਬਾਰੇ। ਕੇਵਲ ਤਦ ਹੀ, ਤੁਸੀਂ ਬੋਝ ਭਰੇ ਦਿਲ ਨਾਲ ਪ੍ਰਾਰਥਨਾ ਕਰ ਸਕਦੇ ਹੋ, ਆਪਣੀ ਸੇਵਕਾਈ ਵਿੱਚ ਇੱਕ ਬੇਦਾਰੀ ਨੂੰ ਪ੍ਰਾਪਤ ਕਰ ਸਕਦੇ ਹੋ, ਪ੍ਰਮੇਸ਼ਵਰ ਦੇ ਰਾਜ ਦੇ ਲਈ ਆਤਮਾਵਾਂ ਦੀ ਭਰਪੂਰ ਫ਼ਸਲ ਪ੍ਰਾਪਤ ਕਰ ਸਕਦੇ ਹੋ, ਅਤੇ ਪ੍ਰਭੂ ਨਾਲ ਨਜ਼ਦੀਕੀ ਸੰਗਤੀ ਕਰ ਸਕਦੇ ਹੋ। ਪ੍ਰਭੂ ਤੋਂ ਉਸ ਦਰਸ਼ਨ ਨੂੰ ਪ੍ਰਾਪਤ ਕਰਨ ਦੇ ਲਈ, ਆਪਣੇ ਆਤਮਿਕ ਜੀਵਨ ਵਿੱਚ ਉੱਚੇ ਤੋਂ ਉੱਚੇ ਹੋ ਜਾਓ।

ਯਸਾਯਾਹ ਦੁਆਰਾ ਪ੍ਰਾਪਤ ਦਰਸ਼ਨ ਨੇ ਉਸਨੂੰ ਇੱਕ ਮਹਾਨ ਨਬੀ ਦੇ ਰੂਪ ਵਿੱਚ ਉੱਚਾ ਕੀਤਾ। ਜਦੋਂ ਰਾਜਾ ਉੱਜ਼ੀਯਾਹ ਦੀ ਮੌਤ ਹੋ ਗਈ, ਤਦ ਉਹ ਪ੍ਰਮੇਸ਼ਵਰ ਦਾ ਇੰਤਜ਼ਾਰ ਕਰਦਾ ਰਿਹਾ, ਅਤੇ ਉਸਨੇ ਪ੍ਰਗਟ ਹੋਣ ਦੇ ਲਈ ਪ੍ਰਾਰਥਨਾ ਕੀਤੀ, ਕਿ ਅਗਲਾ ਰਾਜਾ ਕੌਣ ਹੋਵੇਗਾ। ਅਤੇ ਪਰਮੇਸ਼ੁਰ ਨੇ ਉਸਨੂੰ ਦਰਸ਼ਨ ਦਿੱਤਾ। ਸਭ ਤੋਂ ਪਹਿਲਾਂ, ਉਸਨੇ ਮਹਿਸੂਸ ਕੀਤਾ ਕਿ ਪ੍ਰਮੇਸ਼ਵਰ ਕੌਣ ਹੈ। ਦੂਸਰਾ, ਉਹ ਆਪਣੇ ਆਪ ਤੋਂ ਜਾਣੂ ਹੋ ਗਿਆ ਕਿ ਉਹ ਕੀ ਹੈ। ਉਹ ਦੁਖੀ ਹੋ ਕੇ ਚੀਕਿਆ, “ਹਾਏ ਮੇਰੇ ਉੱਤੇ! ਮੈਂ ਤਾਂ ਨਾਸ ਹੋ ਗਿਆ! ਮੈਂ ਤਾਂ ਭਰਿਸ਼ਟ ਬੁੱਲ੍ਹਾਂ ਵਾਲਾ ਮਨੁੱਖ ਹਾਂ” ਉਸ ਦਰਸ਼ਨ ਦੇ ਦੁਆਰਾ, ਉਹ ਸ਼ੁੱਧ ਕੀਤਾ ਗਿਆ ਅਤੇ ਇੱਕ ਸ਼ਕਤੀਸ਼ਾਲੀ ਨਬੀ ਦੇ ਰੂਪ ਵਿੱਚ ਉੱਚਾ ਕੀਤਾ ਗਿਆ ਸੀ।

ਜਿਹੜੇ ਲੋਕ ਸਾਡੇ ਕੋਲ ਪ੍ਰਾਰਥਨਾ ਦੇ ਲਈ ਆਉਂਦੇ ਹਨ, ਉਨ੍ਹਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਦੇ ਲਈ, ਉਨ੍ਹਾਂ ਨੂੰ ਪ੍ਰਮੇਸ਼ਵਰ ਦੇ ਸਾਹਮਣੇ ਆਪਣੇ ਪਾਪਾਂ ਨੂੰ ਸਵੀਕਾਰ ਕਰਨ ਦੇ ਲਈ ਉਤਸ਼ਾਹਿਤ ਕਰਨ ਦੇ ਲਈ, ਅਤੇ ਉਨ੍ਹਾਂ ਨੂੰ ਪ੍ਰਮੇਸ਼ਵਰ ਦੇ ਨਾਲ ਮਿਲਾਉਣ ਦੇ ਲਈ, ਉਨ੍ਹਾਂ ਦੀ ਸਥਿਤੀ ਨੂੰ ਸਮਝਾਉਣ ਦੇ ਲਈ, ਦਰਸ਼ਨ ਦਾ ਵਰਦਾਨ ਬਹੁਤ ਮਹੱਤਵਪੂਰਨ ਹੈ। ਯਹੋਵਾਹ ਆਖਦਾ ਹੈ, “ਮੇਰੀਆਂ ਗੱਲਾਂ ਸੁਣੋ। ਜੇ ਤੁਹਾਡੇ ਵਿੱਚ ਕੋਈ ਨਬੀ ਹੋਵੇ ਤਾਂ ਮੈਂ ਯਹੋਵਾਹ ਆਪਣੇ ਆਪ ਨੂੰ ਦਰਸ਼ਣ ਵਿੱਚ ਉਸ ਉੱਤੇ ਪ੍ਰਗਟ ਕਰਾਂਗਾ ਜਾਂ ਸੁਫ਼ਨੇ ਵਿੱਚ ਮੈਂ ਉਸ ਨਾਲ ਬੋਲਾਂਗਾ”(ਗਿਣਤੀ 12:6)।

ਦਮਿਸ਼ਕ ਦੀਆਂ ਸੜਕਾਂ ਉੱਤੇ ਪਰਮੇਸ਼ੁਰ ਨੇ ਰਸੂਲ ਪੌਲੁਸ ਨੂੰ ਇੱਕ ਦਰਸ਼ਨ ਦਿੱਤਾ। ਉਸ ਦਰਸ਼ਣ ਨੇ ਉਸ ਨੂੰ ਆਪਣੀ ਜ਼ਿੰਦਗੀ ਦੇ ਸਾਰੇ ਦਿਨ, ਪਰਮੇਸ਼ੁਰ ਦੇ ਮਾਰਗ ਵਿੱਚ ਈਮਾਨਦਾਰੀ ਨਾਲ ਚੱਲਣ ਦੀ ਤਾਕਤ ਦਿੱਤੀ। ਇੱਥੋਂ ਤੱਕ ਕਿ ਆਪਣੀ ਸੇਵਕਾਈ ਦੇ ਅੰਤ ਵਿੱਚ, ਜਦੋਂ ਉਹ ਰਾਜਾ ਅਗ੍ਰਿੱਪਾ ਦੇ ਸਾਹਮਣੇ ਖੜ੍ਹਾ ਹੋਇਆ, ਤਾਂ ਇਹ ਉਹ ਦਰਸ਼ਨ ਸੀ ਜਿਸ ਨੇ ਉਸਨੂੰ ਇਹ ਕਹਿਣ ਦੀ ਦਲੇਰੀ ਦਿੱਤੀ ਕਿ ਉਸਨੇ ਸਵਰਗੀ ਦਰਸ਼ਨ ਦੀ ਅਣਆਗਿਆਕਾਰੀ ਨਹੀਂ ਸੀ (ਰਸੂਲਾਂ ਦੇ ਕਰਤੱਬ 26:19)।

ਪ੍ਰਮੇਸ਼ਵਰ ਨੇ ਆਪਣੇ ਬਹੁਤ ਸਾਰੇ ਸੇਵਕਾਂ ਨੂੰ ਦਰਸ਼ਨ ਦੇ ਦੁਆਰਾ ਬੁਲਾਇਆ ਹੈ। ਯਹੋਵਾਹ ਇੱਕ ਦਰਸ਼ਣ ਵਿੱਚ ਅਬਰਾਹਾਮ ਕੋਲ ਆਇਆ (ਉਤਪਤ 15:1)। ਯਹੋਵਾਹ ਇਸਹਾਕ ਅਤੇ ਯਾਕੂਬ ਨੂੰ ਦਿਖਾਈ ਦਿੱਤਾ (ਉਤਪਤ 26:2, ਉਤਪਤ 35:1)। ਉਸਨੇ ਮੂਸਾ ਨੂੰ ਝਾੜੀ ਦੇ ਵਿੱਚੋਂ ਪੁਕਾਰਿਆ (ਕੂਚ 3:4)। ਉਹ ਨਬੀ ਬਿਲਆਮ ਨੂੰ ਦਰਸ਼ਨ ਵਿੱਚ ਦਿਖਾਈ ਦਿੱਤੀ (ਗਿਣਤੀ 24:4)। ਅਤੇ ਗਿਦਾਊਨ ਨੂੰ ਦਿੱਤਾ (ਨਿਆਂਈਆਂ ਦੀ ਪੋਥੀ 6:12)।

ਪ੍ਰਮੇਸ਼ਵਰ ਦੇ ਬੱਚਿਓ, ਤੁਹਾਨੂੰ ਵੀ ਪ੍ਰਮੇਸ਼ਵਰ ਦਾ ਦਰਸ਼ਨ ਜ਼ਰੂਰ ਹੋਣਾ ਚਾਹੀਦਾ ਹੈ। ਤੁਹਾਨੂੰ ਇੱਕ ਸਪੱਸ਼ਟ ਅਤੇ ਖਾਸ ਭਵਿੱਖਬਾਣੀ ਦੀ ਜ਼ਰੂਰਤ ਹੈ। ਇਹ ਸੱਚ ਹੈ ਕਿ ਦਰਸ਼ਨ ਤੋਂ ਬਿਨਾਂ ਲੋਕ ਨਾਸ ਹੋ ਜਾਂਦੇ ਹਨ। ਪ੍ਰਮੇਸ਼ਵਰ ਜੋ ਉਸ ਦਿਨ ਪੰਜ ਸੌ ਤੋਂ ਵੱਧ ਲੋਕਾਂ ਦੇ ਸਾਹਮਣੇ ਪ੍ਰਗਟ ਹੋਏ, ਉਸੇ ਸਮੇਂ, ਅੱਜ ਵੀ ਤੁਹਾਡੇ ਸਾਹਮਣੇ ਪ੍ਰਗਟ ਹੋਣ ਨੂੰ ਤਿਆਰ ਹਨ। ਇਸ ਲਈ, ਆਪਣੇ ਜੀਵਨ ਵਿੱਚ ਪ੍ਰਮੇਸ਼ਵਰ ਦੇ ਦਰਸ਼ਨ ਪ੍ਰਾਪਤ ਕਰਨ ਦੇ ਲਈ ਆਪਣੇ ਆਪ ਨੂੰ ਤਿਆਰ ਕਰੋ।

ਅਭਿਆਸ ਕਰਨ ਲਈ – “ਤਦ ਮੈਂ ਦਰਸ਼ਣ ਵਿੱਚ ਆਪਣੇ ਸੰਤਾਂ ਨਾਲ ਬਚਨ ਕੀਤਾ, ਅਤੇ ਫ਼ਰਮਾਇਆ ਕਿ ਮੈਂ ਸਹਾਇਤਾ ਇੱਕ ਸੂਰਮੇ ਨੂੰ ਦਿੱਤੀ ਹੈ, ਮੈਂ ਪਰਜਾ ਵਿੱਚੋਂ ਚੁਣ ਕੇ ਇੱਕ ਨੂੰ ਉੱਚਿਆਂ ਕੀਤਾ ਹੈ”(ਜ਼ਬੂਰਾਂ ਦੀ ਪੋਥੀ 89:19)