ফেব্ৰুৱাৰী 05 – ঈশ্বৰক সন্তুষ্ট কৰা জীৱন !

“ প্ৰভু যিহোৱাই ঘোষণা কৰিছে – “দুষ্টজনৰ মৃত্যুত জানো মই অতিকৈ সন্তোষ পাওঁ” – যিহেতু তেওঁলোকে নিজ কু-পথৰ পৰা ঘূৰি আহি জীয়াই থাকিব পাৰিলেহেঁতেন?”(যিহিষ্কেল ১৮:২৩).

প্ৰভু ঈশ্বৰে সুধিছে যে দুষ্ট লোকৰ মৃত্যুৱে তেওঁক কিবা আনন্দ দিব নেকি? এই প্ৰসংগত ‘মৃত্যু’ শব্দটোৱে, শাৰীৰিক মৃত্যুক বুজাব নোৱাৰে বৰঞ্চ আধ্যাত্মিক মৃত্যুক বুজায়.

যেতিয়া মানুহে পাপ কৰে, তেতিয়া তেওঁৰ ভিতৰৰ আত্মাটো মৰিবলৈ আৰম্ভ কৰে. সেইবাবেই শাস্ত্ৰই কৈছে: “কিয়নো পাপৰ বেচ মৃত্যুf; কিন্তু আমাৰ প্ৰভু খ্ৰীষ্ট যীচুৰ দ্বাৰাই ঈশ্বৰে দিয়া বিনামূলীয়া দান অনন্ত জীৱন.” (ৰোমীয়া ৬:২৩). শাস্ত্ৰই এইটোও কৈছে: “যি প্ৰাণে পাপ কৰে, তেওঁ মৰিব (যিহিষ্কেল ১৮:২০).

যিজন ব্যক্তিৰ আত্মা পাপৰ কাৰণে মৰি যায়, তেওঁ দ্বিতীয় মৃত্যুৰ দিশে যায় – অগ্নি আৰু গন্ধকৰ হ্ৰদলৈ; চিৰন্তন দুখৰ দিশে. যিহেতু তেওঁৰ আত্মা মৃত্যুমুখত পৰিছে আৰু মুক্তিৰ কোনো উপায় নাই, গতিকে ই হেডিছলৈ যায়. সেইবাবেই প্ৰভুৱে সুধিছে যে দুষ্ট লোকৰ মৃত্যু হোৱা দেখি আনন্দ হ’ব নেকি?

প্ৰভুৱে সমগ্ৰ মানৱ জাতিক প্ৰেম কৰে, যেনেকৈ তেওঁ মানুহক নিজৰ প্ৰতিমূৰ্তি আৰু উপমাত সৃষ্টি কৰিছে. তেওঁ এটা মজবুত শৰীৰ দি পৃথিবীলৈ পঠিয়াইছে. তেওঁ ক্ৰুচতও পূৰ্ণ কৰিছে, সমগ্ৰ মানৱজাতিৰ মুক্তিৰ বাবে তেওঁ কৰিবলগীয়া সকলো কাম.

আমাৰ আত্মাক মুক্ত কৰাৰ উদ্দেশ্যেহে প্ৰভুৱে মানুহৰ ৰূপ লৈছিল. সেই কাৰণেই, তেওঁ চয়তানক জয় কৰিলে: ক্ৰুচত মৃত্যুৰ ৰাজকুমাৰক, আৰু আমাক অনন্ত জীৱন প্ৰদান কৰিলে.

আমাৰ প্ৰভু যীচুৱে কৈছিল: “চোৰে কেৱল চুৰ, বধ, আৰু বিনাশ কৰিবলৈহে আহে; কিন্তু মই হ’লে, তেওঁলোকে যেন জীৱন পায় আৰু তাকেই যেন প্ৰচুৰকৈ পায়, এই কাৰণে আহিলোঁ.”(যোহন ১০:১০).

পুৰণি নিয়মৰ সময়ত যেতিয়া ইস্ৰায়েলীসকলে পাপ কৰিছিল আৰু ঈশ্বৰৰ বিৰুদ্ধে গুণগুণাইছিল, তেতিয়া তেওঁ তেওঁলোকৰ মাজত অগ্নিময় সাপ পঠিয়াইছিল. আৰু তেওঁলোকে লোকসকলক কামুৰিলে আৰু ইস্ৰায়েলৰ বহু লোকে তীব্ৰ যন্ত্ৰণাত মৃত্যুবৰণ কৰিলে. লোকসকলে মোচিৰ ওচৰলৈ আহি ক’লে: ‘আমি পাপ কৰিলোঁ, কিয়নো আমি যিহোৱাৰ বিৰুদ্ধে আৰু আপোনাৰ বিৰুদ্ধে কথা ক’লোঁ. প্ৰভুক প্ৰাৰ্থনা কৰক যাতে তেওঁ আমাৰ পৰা সাপবোৰ কাঢ়ি নিব’. যেতিয়া মোচিয়ে লোকসকলৰ বাবে প্ৰাৰ্থনা কৰিলে, তেতিয়া প্ৰভুৱে মোচিক ক’লে যে তেওঁ এটা অগ্নিময় সাপ সাজি এটা খুঁটাত স্থাপন কৰক. আৰু এনেকুৱা হ’ব যে যিজনক কামোৰে, তেওঁ যেতিয়া তাক চাব, তেতিয়া তেওঁ জীয়াই থাকিব. আৰু যিসকলে কামোৰা হৈছিল, তেওঁলোকে যেতিয়া বিশ্বাসেৰে তাক চালে, তেওঁলোকে জীয়াই আছিল (গণনা পুস্তক ২১:৮-৯). পুৰণি নিয়মৰ সেই ব্ৰঞ্জৰ সাপটো নতুন নিয়মৰ খ্ৰীষ্ট যীচুৰ পূৰ্বছাঁ.

ঈশ্বৰৰ সন্তানসকল, যদি আপোনালোকৰ আত্মাৰ মৃত্যুৰ পৰা পৰিত্ৰাণ পোৱাৰ প্ৰয়োজন হয়, তেন্তে আপুনি প্ৰভু যীচু খ্ৰীষ্টৰ ওচৰলৈ চোৱা উচিত, যিজনে আপোনালোকৰ বাবে ক্ৰুচত নিজৰ জীৱন দিছিল, আৰু আপুনি জীয়াই থাকিব.

অধিক ধ্যান-ধাৰণৰ বাবে পদ: “ঈশ্বৰৰ একমাত্ৰ পুত্ৰৰ দ্বাৰাই আমি জীৱন লাভ কৰিবলৈ ঈশ্বৰে যে, তেওঁক জগতলৈ পঠালে, ইয়াতে আমাৰ বাবে ঈশ্বৰৰ প্ৰেম প্ৰকাশিত হ’ল৷” (১ যোহন ৪:৯).