नोभेम्बर 12 – Belene penu pada dahpa ponga apakari

Benjimanjani gulle penu lakuri jisu christa penu pada dai jeda jahari apakari

Nenju penu katade gramba selu Tonda puti ba Adi Puti 2: 11-12 pada dai elu ginasu imba e dehengi brisa ajane

Rande jadi pada pison estari jodi gulle habil desha tani siru de puha gibade sunanga gadi aimasa enga a deshatari suna saraki nekari (Adi. 2: 11-12)

Penu kata tani brisa aate aaga jadai tari pada pison enga gulle habil deshatani siru jodi sajimase. Habil sabdatari artha ate rai aba. Eri jadi esekabe base ki saae enga dahana desha gulle siru dai puha gipi mase.

Eserbela iru abisheka panmbi manjeru emba supadi jiu mi bahtangi nadangi ujadi kabadi gianenju. Gulle dina, gulle aata, gulle masa enga basaraka tukna mi bahata kabadi gia nenju. Eanju e dehengi tanju mdehenju estananju mindara jiu tini dahna tarkali giba gatanju. Eanju tada kabadi esekabe tati giade dahna kabadi giba gatanju. Sata kata ire iri kabadi adangtari enga kreu gatari.

Ide ote ani ani tari subidha mane, eserbela supadi jiu sargatari jodi mi bahta jodi varu sane. Iri jodi desha tani sunanga agagine. Suna penu puti tani jadeka katangani ahana brisa ajamane. Aaga kata  Suna supadi tini sutki mane rihegi kata  Suna parte tini sutki mane. Eserbela supadi jiu mi bahatangi bainenju eanju mi bahata supadi tini tasajipimanjanenju enga parte tini Madhya, estari sarakene kreu gatari. Supadi jiu tadu sida jaatake supadi de nimba mupa aae. Supadi jiu maangi nokiki atajaatake purti laba, doi kuiti mupa panmba aae.

Eradiki mingi supadi jiu supadi gipimanjanenju anadiki iseka sargio Jodi mi jiu tara doi sepkana ahana sane eanju sarga dehengi tara supadi aba tini tapimanenju estari supadi varu esekabe base enga sargatanju penu ihingtara supadi dahpi manenju.

Eserbela suna tini naadi tani ibga ane eremba ada suna sarakene nekari suna sdahtane. Edehengene eserbela supadi jiu mi bahata puri ai manjanenju eremba mindara gulle doi tini nogjanai neki suna dehengi ospa gipi manjanenju. Eradiki ayub isenju eanju nagi parikhya gibangene anu neki suna dehengi oste.(Ayub. 23:10).

Rihegi kata suna parte tini sutki mane. Parte penu lakur selu tonda ba nudi grambanga made rande. Ire parte penu benjoki tari(Ebri. 6:1). Ote ire parte supadi jiutai daanangani made rande(1 karantiya 12:9). Ote supadi jiutai paalangani made rande (Galatiya. 5:22). Penu midakanderu sarga tari Jodi, supadi jiu mingi puri giakanju enga iru teeni prakar parte dai badi adu.

Ote e beoti penu katade grambaselu sarakene neki mukta,suna dai grambinari mane. Penu kata puuki jeeka enga puuki neeru selu saraki naknari (Gita Sanhita 19:10)