මැයි 17 – ලකුණු !

“දෙවියන් වහන්සේ රාත්‍රියෙන්  දවාල වෙන් කිරීමට අහස්තලයෙහි ආලෝකයෝ  වෙත්වා! ඒවා ලකුණු පිණිසද  ඍතු පිණිස දවල් පිණිසද අවුරුදු පිණිස ද වෙත්වා.” (උත්පත්ති 1:14)

සෘතු, දින සහ අවුරුදු දැන ගැනීමට ලකුණු  අත්‍යවශ්‍ය වේ.  දෙවියන් වහන්සේ අහසේ කුඩා හා විශාල ආලෝකයන්  වන ඉර , සඳ සහ තරුද මැව්වේ එබැවිනි.

දෙවියන් වහන්සේ නෝවාට ලකුණක් ලෙස දේදුන්න නිර්මාණය කළේය, උන්වහන්සේ  නැවත කිසි දිනෙක ගංවතුරෙන් ලෝකය විනාශ නොකරන බවට පොරොන්දු විය.  දෙවියන් වහන්සේ මෝසෙස්ගේ සැරයටිය සර්පයෙකු ලෙස, පාරාවෝ ඉදිරියෙහි ලකුණක් ලෙස වෙනස් කළේය.  තවද උන්වහන්සේ  ඊශ්‍රායෙල්වරුන්ගේ ආරක්ෂාව සඳහා ලකුණක් ලෙස පැස්කල් බැටළු පැටවෙකුගේ රුධිරය සෑදුවේය.

රාහබ් නමැති වේශ්‍යාව සහ ඇගේ පවුලේ සියලුදෙනාව විනාශයෙන් ගලවාගනු ලැබුවේ ඇගේ කවුළුව මත තද රතු ලණුවක් බැඳ තැබීමෙනි.

දෙවියන් වහන්සේ හෙසකියා රජුට ජීවත්වීමට තවත් දීර්ඝායුෂ ලබා දුන්නේ ලකුණක් ලෙස සූර්යයා නැවත පිටුපසට ඇද තැබීමෙනි.

දෙවියන්වහන්සේ කන්‍යාවකගෙන් පිළිසිඳ ගැනීම පෙන්වා දුන්නේ  එම්මානුවෙල් – දෙවියන්වහන්සේ අප  සමග යන  ලකුණක් ලෙසිනි.

දෙවියන් වහන්සේ ඉර, සඳු සහ තරු මැව්වේ උන් වහන්සේගේ පැමිණීමේ දවස සඳහා අප සූදානම් වීමට ලකුණු  ලෙස ය.  පෘථිවිය එක් වරක් තමා වටා භ්‍රමණය වීම එක් දිනක් සම්පූර්ණ වීමේ ලකුණකි;  පෘථිවිය එක් වරක් සූර්යයා වටා භ්‍රමණය වීම වසරක නිමාවක් සම්පූර්ණ වීමේ ලකුණකි.

මෙම ලකුණු මගින් අපි දින, සති, මාස සහ අවුරුදු දනිමු.  අද අපි යුග බෙදනවා ක්‍රිස්තු පූර්ව (ක්‍රි.පූ.) සහ ක්‍රිස්තු වර්ෂ (ක්‍රි.ව.) ලෙස.  නමුත් මෙතැන් සිට තව ටික කාලයකින් එය සමිඳාණන් වහන්සේගේ දවසට පෙර සහ සමිඳාණන් වහන්සේගේ දවසට පසු ලෙස බෙදා ඇත.

වරක් ගෝලයන් ජේසු සමිඳාණන් වහන්සේ සමඟ ඔලිව් කන්දේ සිටියදී, ඔවුන් උන් වහන්සේගෙන් ඉල්ලා සිටියේ උන්වහන්සේගේ දෙවන පැමිණීම සහ යුගයේ අවසානය සඳහා ලකුණු පෙන්වන ලෙසයි.

*ජේසුස් වහන්සේ විවිධ ලකුණු විස්තර කරන විට උන්වහන්සේ සඳහන් කළේ

“ඉර සඳහා තාරකාවන් කෙරේ ලකුණු හා මුහුදෙත් රැළ ගැසීමෙත් ඝෝෂාව නිසා වන වියවුලින් පොළොවේ ජාතීන්ට දුක්වේදනාද වන්නේය.” ( ශු.ලූක් 21:25)*

“ආත්මයාණන් වහන්සේද  මනමාලීද : වරෙන්යැයි කියති. අසන්නාද: වරෙන්යැයි කියාවා. පිපාසා ඇත්තාද ඒවා කැමති කෙනෙක් ජීවන වතුර නොමිලයේ ගනීවා.” (එළිදරව් 22:17) “මේ කාරණා ගැන සාක්ෂි දෙන තැනැන් වහන්සේ කතාකොට:  එසේය, මම ඉක්මනින් එමියි කියනසේක.” (එළිදරව් 22:20)

දෙවියන් වහන්සේගේ දරුවෙනි, සමිදානන් වහන්සේගේ දවස ළං වී ඇති බැවින් ඔබ සියලු කඩිසර කමෙන් හා දේව භක්තියෙන් ඔබ සූදානම් විය යුතුය. ඔබ දැන් සිටින්නේ ඉතිහාසයේ හිනිපෙත්තේය. ඔව්   සමිදානන් වහන්සේ ඉක්මනින් වඩින සේක.ඔබ  උන්වහන්සේව පිළිගෙන, “ආමෙන් ස්වාමිවූ යේසුස් වහන්ස, වැඩිය මැනව.” යැයි පැවසීමට සූදානම් වන්න.

තවදුරටත් මෙනෙහි කිරීම සඳහා දේව වචනය: “උන්වහන්සේ ඔවුන්ට උත්තර දෙමින්;  සවස් වේලෙහි අහස රතු පාට නිසා හොඳ කාලයක්  වන්නේය කියාත්, උදය අහස රතු පාටව, අඳුරුව තිබෙන නිසා අද කුණාටු දවසක් වන්නේ කියාත් නුඹලා කියවුය. නුඹලා අහස් තලය විමසන්නට දන්නහුය; එහෙත් කාලයන්ගේ ලකුණු විමසා දැනගන්ට නුඹලාට බැරිය. (ශු.මතෙව් 16:3)