ਨਵੰਬਰ 29 – ਪਾਪੀਆਂ ਨੂੰ ਬਚਾਉਣ ਦੇ ਲਈ!

“ਮਸੀਹ ਯਿਸੂ ਪਾਪੀਆਂ ਨੂੰ ਬਚਾਉਣ ਲਈ ਸੰਸਾਰ ਵਿੱਚ ਆਇਆ”(1 ਤਿਮੋਥਿਉਸ 1:15).

ਇਹ ਜਾਣ ਕੇ ਕਿੰਨਾ ਦਿਲਾਸਾ ਮਿਲਦਾ ਹੈ ਕਿ ਪ੍ਰਭੂ ਯਿਸੂ ਸਾਨੂੰ ਬਚਾਉਣ ਦੇ ਲਈ ਇਸ ਸੰਸਾਰ ਵਿੱਚ ਆਇਆ ਸੀ. ਇਹ ਪਰਮੇਸ਼ੁਰ ਦੇ ਵਾਅਦੇ ਦੀ ਪੂਰਤੀ ਵੀ ਹੈ. ਆਇਤ ਦਾ ਇਹ ਹਿੱਸਾ ਆਨੰਦ ਦੇ ਤੱਤ ਨੂੰ ਉਚਿੱਤ ਰੂਪ ਵਿੱਚ ਹਾਸਲ ਕਰ ਲੈਂਦਾ ਹੈ.

ਜਦੋਂ ਰਸੂਲ ਪੌਲੁਸ ਮਸੀਹ ਯਿਸੂ ਦੇ ਬਾਰੇ ਗੱਲ ਕਰਦਾ ਹੈ ਜਿਹੜਾ ਇਸ ਸੰਸਾਰ ਵਿੱਚ ਆਇਆ ਸੀ, ਤਾਂ ਉਹ ਇਸ ਨੂੰ ਬਹੁਤ ਪਿਆਰ ਅਤੇ ਦਯਾ ਦੇ ਨਾਲ ਕਹਿੰਦਾ ਹੈ. ਉਹ ਸ਼ੁਕਰਗੁਜ਼ਾਰੀ ਨਾਲ ਉਸ ਇਲਾਹੀ ਪਿਆਰ ਨੂੰ ਸਵੀਕਾਰ ਕਰਦਾ ਹੈ ਜਿਸ ਨੇ ਉਸ ਨੂੰ ਛੁਡਾਇਆ. ਉਹ ਆਪਣੇ ਆਪ ਨੂੰ ਮਹਾਂ ਪਾਪੀ ਕਹਿੰਦਾ ਹੈ.

ਬਹੁਤ ਸਾਰੇ ਲੋਕ ਗਲੀਆਂ-ਮੁਹੱਲਿਆਂ ਵਿੱਚ ਪ੍ਰਚਾਰ ਕਰਨ ਵਾਲਿਆਂ ਦਾ ਮਜ਼ਾਕ ਉਡਾਉਂਦੇ ਹਨ. ਉਹ ਉਹਨਾਂ ਉੱਤੇ ਹੱਸਣਗੇ ਅਤੇ ਕਹਿਣਗੇ, ‘ਇੱਥੇ ਸੰਤ ਆਉਂਦੇ ਹਨ ਜਿਹੜੇ ਸਾਰਿਆਂ ਨੂੰ ਪਾਪੀ ਕਹਿੰਦੇ ਹਨ. ਉਹ ਸੋਚਦੇ ਹਨ ਕਿ ਉਹ ਮਹਾਨ ਸੰਤ ਹਨ ਅਤੇ ਬਾਕੀ ਅਸੀਂ ਪਾਪੀ ਹਾਂ. ਉਹ ਅਜਿਹੇ ਮਜ਼ਾਕ ਨਾਲ ਗ੍ਰਸਤ ਹਨ ਕਿਉਂਕਿ ਉਹ ਅਣਜਾਣ ਹਨ.

ਇੱਥੇ ਇੱਕ ਪ੍ਰਚਾਰਕ ਸੀ ਜਿਹੜਾ ਜੋਸ਼ੀਲੇ ਅਤੇ ਸ਼ਕਤੀਸ਼ਾਲੀ ਢੰਗ ਦੇ ਨਾਲ ਪ੍ਰਭੂ ਦੇ ਲਈ ਸੇਵਕਾਈ ਕਰ ਰਿਹਾ ਸੀ; ਅਤੇ ਉਹ ਉਸ ਸੇਵਕਾਈ ਵਿੱਚ ਬਹੁਤ ਪ੍ਰਭਾਵਸ਼ਾਲੀ ਸੀ. ਉਸਦੇ ਪਸੰਦ ਦੀ ਆਇਤ ਸੀ “ਮਸੀਹ ਯਿਸੂ ਪਾਪੀਆਂ ਨੂੰ ਬਚਾਉਣ ਦੇ ਲਈ ਸੰਸਾਰ ਵਿੱਚ ਆਇਆ”. ਇੱਕ ਵਾਰ ਜਦੋਂ ਉਹ ਸੇਵਕਾਈ ਵਿੱਚ ਸ਼ਾਮਿਲ ਸੀ, ਤਾਂ ਇੱਕ ਵਿਅਕਤੀ ਨੂੰ ਬਹੁਤ ਗੁੱਸਾ ਆਇਆ ਅਤੇ ਉਸ ਨੂੰ ਇਕਾਂਤ ਜਗ੍ਹਾ ਵਿੱਚ ਫੜ ਲਿਆ ਅਤੇ ਉਸ ਨੂੰ ਇੱਕ ਬੋਰੀ ਵਿੱਚ ਪਾ ਕੇ ਬੰਨ੍ਹ ਦਿੱਤਾ, ਅਤੇ ਉਸ ਬੋਰੀ ਨੂੰ ਇਸ ਇਰਾਦੇ ਨਾਲ ਰਾਤ ਦੇ ਸਮੇਂ ਇੱਕ ਕਿਸ਼ਤੀ ਵਿੱਚ ਲੱਦ ਕੇ ਰੱਖ ਦਿੱਤਾ ਕਿ ਉਸਨੂੰ ਸਮੁੰਦਰ ਵਿੱਚ ਡੁਬੋ ਦੇਣ.

ਉਸ ਪ੍ਰਚਾਰਕ ਨੂੰ ਅਹਿਸਾਸ ਹੋਇਆ ਕਿ ਉਹ ਆਪਣੇ ਅੰਤ ਦੇ ਨੇੜੇ ਸੀ. ਇਸ ਲਈ, ਉਸਨੇ ਆਪਣੇ ਆਖਰੀ ਸਾਹ ਤੱਕ ਯਿਸੂ ਦਾ ਪ੍ਰਚਾਰ ਕਰਨ ਦਾ ਫੈਸਲਾ ਕੀਤਾ. ਅੰਤ ਉਹ ਬੋਰੀ ਵਿੱਚੋਂ ਉੱਚੀ-ਉੱਚੀ ਇਹ ਕਹਿ ਕੇ ਪ੍ਰਚਾਰ ਕਰਨ ਲੱਗਾ; “ਮਸੀਹ ਯਿਸੂ ਪਾਪੀਆਂ ਨੂੰ ਬਚਾਉਣ ਦੇ ਲਈ ਸੰਸਾਰ ਵਿੱਚ ਆਇਆ”. ਅਤੇ ਕੁੱਝ ਲੋਕ ਜਿਹੜੇ ਉਸ ਸਥਾਨ ਦੇ ਕੋਲ ਦੀ ਲੰਘਦੇ ਸਨ, ਇਹ ਵੇਖਣ ਦੇ ਲਈ ਰੁਕੇ, ਕਿ ਇਹ ਆਵਾਜ਼ ਕਿੱਥੋਂ ਆ ਰਹੀ ਹੈ, ਅਤੇ ਬੋਰੀ ਖੋਲ੍ਹ ਦਿੱਤੀ.

ਪ੍ਰਚਾਰਕ ਬੋਰੀ ਵਿੱਚੋਂ ਛਾਲ ਮਾਰ ਕੇ ਬਾਹਰ ਨਿਕਲਿਆ, ਅਤੇ ਕਹਿਣ ਲੱਗਾ: ‘ਦੇਖੋ, ਉਨ੍ਹਾਂ ਨੇ ਮੈਨੂੰ ਬੋਰੀ ਵਿੱਚ ਬੰਨ੍ਹ ਕੇ ਸਮੁੰਦਰ ਵਿੱਚ ਡਬੋਣ ਦੀ ਕੋਸ਼ਿਸ਼ ਕੀਤੀ. ਪਰ ਤੁਸੀਂ ਮੈਨੂੰ ਬਚਾ ਲਿਆ ਹੈ. ਇਸੇ ਤਰ੍ਹਾਂ, ਸ਼ੈਤਾਨ ਪਾਪੀਆਂ ਨੂੰ ਬੋਰੀ ਵਿੱਚ ਬੰਨ੍ਹਦਾ ਹੈ ਅਤੇ ਉਨ੍ਹਾਂ ਨੂੰ ਅੱਗ ਦੇ ਸਮੁੰਦਰ ਵਿੱਚ ਡਬੋਣਾ ਚਾਹੁੰਦਾ ਹੈ. ਪਰ ਪ੍ਰਭੂ ਯਿਸੂ ਉਨ੍ਹਾਂ ਪਾਪੀਆਂ ਨੂੰ ਛੁਡਾਉਣ ਦੇ ਲਈ ਇਸ ਸੰਸਾਰ ਵਿੱਚ ਆਇਆ. ਲੋਕਾਂ ਨੇ ਉਸ ਨੂੰ ਧਿਆਨ ਨਾਲ ਸੁਣਿਆ ਅਤੇ ਉਸ ਪ੍ਰਚਾਰਕ ਲਈ ਮੁਕਤੀ ਦੀ ਖੁਸ਼ਖਬਰੀ ਦਾ ਐਲਾਨ ਕਰਨ ਦਾ ਇਹ ਇੱਕ ਵਧੀਆ ਮੌਕਾ ਬਣ ਗਿਆ.

ਹੋ ਸਕਦਾ ਹੈ ਕਿ ਸੰਸਾਰ ਪ੍ਰਚਾਰਕਾਂ ਨੂੰ ਨੀਵਾਂ ਸਮਝੇ. ਪਰ ਪ੍ਰਭੂ ਯਿਸੂ ਦੇ ਮਨ ਵਿੱਚ ਉਨ੍ਹਾਂ ਦੇ ਲਈ ਬਹੁਤ ਆਦਰ ਹੈ. ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ; “ਜਿਹੜਾ ਖੁਸ਼ਖਬਰੀ ਲੈ ਆਉਂਦਾ ਹੈ, ਉਹ ਦੇ ਪੈਰ ਪਹਾੜਾਂ ਉੱਤੇ ਕਿੰਨੇ ਫੱਬਦੇ ਹਨ! ਜਿਹੜਾ ਸ਼ਾਂਤੀ ਦੀ ਖ਼ਬਰ ਸੁਣਾਉਂਦਾ, ਭਲਿਆਈ ਦੀ ਖੁਸ਼ਖਬਰੀ ਲਿਆਉਂਦਾ, ਜਿਹੜਾ ਮੁਕਤੀ ਦਾ ਸੰਦੇਸ਼ ਸੁਣਾਉਂਦਾ ਹੈ, ਉਹ ਸੀਯੋਨ ਨੂੰ ਆਖਦਾ ਹੈ, ਤੇਰਾ ਪਰਮੇਸ਼ੁਰ ਰਾਜ ਕਰਦਾ ਹੈ“(ਯਸਾਯਾਹ 52:7).

ਪ੍ਰਮੇਸ਼ਵਰ ਦੇ ਬੱਚਿਓ, ਕੀ ਤੁਸੀਂ ਉਸ ਪ੍ਰਭੂ ਦੀ ਖੁਸ਼ਖਬਰੀ ਦਾ ਪ੍ਰਚਾਰ ਕਰੋਂਗੇ, ਜੋ ਆਪਣੇ ਸੇਵਕਾਂ ਦੇ ਪੈਰਾਂ ਨੂੰ ਸੁੰਦਰ ਸਮਝਦਾ ਹੈ?

ਅਭਿਆਸ ਕਰਨ ਲਈ – “ਉਨ੍ਹਾਂ ਨੇ ਆਖਿਆ, ਪ੍ਰਭੂ ਯਿਸੂ ਉੱਤੇ ਵਿਸ਼ਵਾਸ ਕਰ ਤਾਂ ਤੂੰ ਅਤੇ ਤੇਰਾ ਸਾਰਾ ਘਰਾਣਾ ਬਚਾਇਆ ਜਾਵੇਗਾ”(ਰਸੂਲਾਂ ਦੇ ਕਰਤੱਬ 16:31).