கல்லும் உருகும் கல்வாரி!

முன்னுரை!

சரியாக நாற்பது ஆண்டுகளுக்கு முன்பு, “கல்வாரிப் பாதையில் நீ” என்ற என்னுடைய முதல் புத்தகத்தை எழுதி வெளியிட்டேன். சிலுவைப் பாதையிலே இயேசு நடந்தார். அவருடைய அடிச்சுவடுகளைப் பின்பற்றி சீஷர்கள் நடந்தார்கள். எண்ணற்ற இரத்த சாட்சிகள் நடந்தார்கள்.

இன்று, கர்த்தர் உங்களை தம்முடைய விலையேறப்பெற்ற இரத்தத்தினாலே கழுவி, மீட்டிருக்கிறார். நீங்கள் தியாகமாக இயேசு காண்பித்த கல்வாரி பாதையிலே நடக்கிறீர்களா? அவர் காண்பித்த முன் மாதிரியின்படியே, அவருடைய அடிச்சுவடுகளைப் பின்பற்றுகிறீர்களா? என்பதே அந்த புத்தகத்தின் சாராம்சம்.

ஏறக்குறைய நாற்பது ஆண்டுகளுக்குப் பிறகு, கர்த்தர் ஒரு பெரிய ஆலயத்தை தொடங்கும்படி கிருபை செய்தார். லெந்து நாட்களில் கல்வாரியைக் குறித்து தியானம் பண்ணும்படியாகவும், நீங்கள் கல்வாரிப் பாதையில் நடக்கிறீர்களா? என்று சவால் விட்டு விசுவாசிகளை கேட்கவும், கர்த்தர் கிருபை செய்தார். அவருக்கே கனம், மகிமை உண்டாவதாக.

இந்த புத்தகமானது, நீங்கள் சிலுவையினுடைய அன்பை அதிகமாய் ருசிக்கவும், உங்கள் முதல் அன்பையும், முழு அன்பையும் அவருக்கு கொடுக்கவும் உதவியாயிருக்கும்.

“கல்லும் உருகும் கல்வாரி!” என்ற சொற்களுக்கேற்ப, கர்த்தருடைய ஆவியானவர், உங்களை கிறிஸ்துவின் பக்கம் ஈர்த்து இழுத்துக் கொள்வாராக.

சகோ. J. சாம் ஜெபத்துரை